«Nur Otan» پارتياسى جامبىل وبلىستىق فيليالى ءتوراعاسىنىڭ ءبىرىنشى ورىنباسارى ە.مانجۋوۆ جۋالى اۋدانىنىڭ ت.دۇيسەباي ۇلى اۋىلىنداعى «تاڭ» شارۋا قوجالىعىندا كوشپەلى قابىلداۋ وتكىزدى دەپ جازادى Qamshy.kz اقپارات اگەنتتىگى. 

شارۋا قوجالىعى اۋماعىندا وتكەن قابىلداۋ، شارۋاشىلىقتىڭ كوكونىس ساقتاۋ قويماسىندا جالعاسىن تاپتى. قابىلداۋعا كەلگەن ت.نۋرالييەۆ قوسىمشا ەكى ماسەلە كوتەردى. ونىڭ ءبىرىنشىسى: «حالىق تۇتىناتىن اۋىلشارۋاشىلىعى ونىمدەرىنىڭ قۇرامىندا نيتراتتار وتە كوپ، ياعني شارۋالار تاراپىنان اۋىل شارۋاشىلىعى داقىلدارىن ءوسىرۋ بارىسىندا مول ءونىم الۋ ءۇشىن مينەرالدى تىڭايتقىشتار بەرىلگەن نورمادان اسىرا كوپ قولدانۋىن ايتسا، ەكىنشى ماسەلە بويىنشا جۋالى اۋداندىق ورتالىق اۋرۋحاناسىنىڭ قان تالداۋ ءبولىمى بۇرىنعى «تۋبەركۋلەزگە قارسى ديسپانسەرى» بولعان عيماراتقا كوشىرىلىنۋىنە نارازىلىعىن ءبىلدىردى.

ماسەلەنىڭ مان-جايىمەن تانىسقان پارتيا جامبىل وبلىستىق فيليالى ءتوراعاسىنىڭ ءبىرىنشى ورىنباسارى ە.مانجۋوۆ ءبىرقاتار تاپسىرمالار بەردى.

جوعارىدا كوتەرىلگەن ماسەلە بويىنشا جۋالى اۋداندىق ورتالىق اۋرۋحانىسىنىڭ باس دارىگەرى ب.الپىسبايعا ارنايى حات جولدانىپ، ءتيىستى جاۋاپ حاتى الىندى. اۋداندىق اۋرۋحانانىڭ باس دارىگەرىنىڭ مىندەتىن اتقارۋشى ن.ەرگەبەكوۆ ءوز حاتىندا ورتالىق اۋرۋحاناسىنىڭ زەرتحانا ءبولىمى 2016 جىلدان بۇرىنعى اۋداندىق تۋبەركۋلەزگە قارسى ديسپانسەرىنىڭ عيماراتىنا اۋىستىرىلعانىن، الايدا بۇل عيماراتتا 2010 جىلدان ەشقانداي تۋبەركۋلەزگە شالدىققان ناۋقاستىڭ جاتپاعانىن ايتتى. زەرتحانا ءبولىمىن اۋىستىراتىن كەزدە اۋداندىق تۇتىنۋشىلاردىڭ قۇقىعىن قورعاۋ باسقارماسىنىڭ كەلىسىمىمەن اۋىستىرىلعانىن جانە قازىرگى تاڭدا ءار توقسان سايىن كەلىسىم شارت ارقىلى اقىلى تۇردە سانيتارلىق ساراپتاما ورتالىعىمەن زەرتحانا بولىمىنەن سىناما الىپ، ەپيدەميولوگيالىق جاعدايىن تۇراقتى باقىلاپ وتىراتىن جەتكىزدى.

سونىمەن قاتار، «قازاقستان رەسپۋبليكاسى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى جامبىل وبلىسىنىڭ تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى» رەسپۋبليكالىق مەملەكەتتىك مەكەمەسىنىڭ ديرەكتورى ب.ك. جارقىنبەكوۆكە اۋىلشارۋشالىعى داقىلدارىنا بەرىلەتىن مينەرالدى تىڭايتقىشتاردى بازاردان، قولدان الىنۋمەن شەكتەۋ قويۋ تۋرالى ارنايى حات جولداندى.

جيىندا اتالعان ماسەلەلەردىڭ ورىندالۋى الداعى ۋاقىتتا دا پارتيانىڭ باقىلاۋىندا بولاتىنى ايتىلدى.