ەل ەكونوميكاسىن قارىشتاپ دامۋىندا، سونداي-اق تاۋار تاسىمالىندا اۆتوجولداردىڭ اتقارار ءرولى وراسان. وعان قوسا، رەسپۋبليكالىق ماندەگى جولداردان بولەك، اۋداندىق، اۋىلىشىلىك جولداردىڭ دا تۇرعىنداردىڭ تۇرمىسى ءۇشىن ماڭىزى زور. وسى ورايدا ەلىمىزدە بىرنەشە جىلدان بەرى جول جابىندىلارىن جاڭعىرتۋ جۇمىستارى مىقتاپ جۇرگىزىلۋدە. اسىرەسە جامبىل وبلىسىنا قاراستى شالعاي اۋىلداردا اۋقىمدى جوبالار جاندانۋدا دەپ جازادى Qamshy.kz اقپارات اگەنتتىگى.  جالپى شۋ اۋدانى بويىنشا اۆتوموبيل جولدارىنىڭ ۇزىندىعى 839،72 شاقىرىمدى قۇرايدى. وبلىستىق ماڭىزى بار جولدار بويىنشا «مەركە-شۋ-بۋرلىبايتال» اۆتوموبيل جولىنىڭ قۇرىلىس جۇرگىزىلۋدە. سونداي-اق، شۋ قالاسىنداعى كىرە بەرىس قاقپادان باستاپ، بايدىبەك اۋىلىنا دەيىنگى ەسكى جولداردى دا رەكونسترۋكسيادان وتكىزۋدى «قازاۆتوجول» اق-نىڭ جوف جوسپارلاپ وتىر.

وبلىستىق ماڭىزى بار جولدار وبلىس باسقارماسىنا قارايتىندىقتان 2019 جىلعا وبلىستىق بيۋدجەتتەن 36،6 ملن. تەڭگە قاراستىرىلعان. ناقتىلاپ ايتساق، «اۆتوموبيل جولدارىنىڭ جۇمىس ىستەۋىن قامتاماسىز ەتۋ» باعدارلاماسى بويىنشا اۋداندىق بيۋدجەتتەن 150000،0 مىڭ تەڭگە بولىنگەن. .

قوعامدىق كولىكتەرمەن شۋ قالاسى، تولە بي، بىرلىك، قونايەۆ اۋىلدارى قامتىلعان. ونىڭ ىشىندە شۋ قالاسىنداعى «قانت زاۋىتى-تولەبي»، «اۆتوبەكەت-توعاي» №3،№5 باعىتتارى بويىنشا اۋدان اكىمدىگىنىڭ 2018 جىلعى 26 ماۋسىمداعى «ءتاريفتى بەلگىلەۋ تۋرالى» №205 قاۋلىسىنا سايكەس، 50 تەڭگە بولىپ بەكىتىلگەن.

سونداي-اق، جامبىل وبلىستىق ماسليحاتىنىڭ 2018 جىلعى 6 ساۋىردەگى «شۋ اۋدانى بويىنشا الەۋمەتتىك ماڭىزى بار قاتىناستاردىڭ تىزبەسىن ايقىنداۋ تۋرالى» №22-7 شەشىمىنە سايكەس، 2 باعىتتىڭ (قانت زاۋىتى-تولە بي، اۆتوبەكەت-توعاي) ءتىزىمى بەكتىلگەن.

2019 جىلدىڭ 21 اقپانىندا «شۋ اۋدانى ەلدى مەكەندەرىن كوكتەمگى اباتتاندىرۋ، كوگالداندىرۋ جانە سانيتارلىق تازالاۋ ەكى ايلىعىن وتكىزۋ تۋرالى» اۋدان اكىمدىگىنىڭ №47 قاۋلىسى قابىلدانىپ، اۋدان اۋماعىندا 1-ناۋرىزدان 1-مامىرعا دەيىن ەكى ايلىق جاريالاندى.

قاۋلىعا بايلانىستى اۋدان بويىنشا ەلدى مەكەندەردە ەكى ايلىقتى وتكىزۋ بويىنشا ءتيىستى ءىس-شارالار جوسپارى بەكىتىلىپ، شۋ قالاسى مەن ەلدى مەكەندەردە 27200 ءتۇپ تال وتىرعىزۋ، 2700 شم گۇلزار، 2200 شم كوگال ورنالاستىرۋ، 90 شق ارىق جانە كانال، 197 شاقىرىم كوشە تازالاۋ، 186000 شم ساياباق پەن سكۆەردى تازالاۋ جانە 270 ت. كۇل-قوقىستى ارنايى پوليگوندارعا شىعارۋ جوسپارى ورىندالدى.

بيىلعى جىلعا اۋدان بويىنشا اباتتاندىرۋ، كوگالداندىرۋ جانە سانيتارلىق تازالاۋ جۇمىستارى ءۇشىن جالپى 220000 مىڭ تەڭگە قاراستىرىلدى. ونىڭ ىشىندە ەلدى مەكەندەردى اباتتاندىرۋ جانە كوگالداندىرۋعا 170000 مىڭ تەڭگە ءبولىنىپ، 50000،0 مىڭ تەڭگە يگەرىلدى.

«وڭىرلەردى دامىتۋ» باعدارلاماسى بويىنشا 18 اۋىلدىق وكرۋگكە رەسپۋبليكالىق بيۋدجەتتەن 59214،4 مىڭ تەڭگە قاراستىرىلعان.

شۋ اۋدانى بويىنشا 36 ەلدى مەكەن 19 اۋىلدىق وكرۋگ ورنالاسقان. تۇرعىنداردىڭ سانى 100 962 ادام. اۋدان بويىنشا شۋ قالاسى مەن 18 اۋىلدى مەكەندە 22 دانا پوليگون بار. جالپى اۋماعى 39،4 گا قۇرايدى. تۇرمىستىق قاتتى قالدىقتارمەن اينالىساتىن 2 كاسىپورىن بار، «تولە بي مكك» كمك جانە «شۋ-سەرۆيس» ج ش س. 36 مىڭ حالقى بار شۋ قالاسىندا زاڭداستىرىلعان قاتتى تۇرمىستىق قالدىقتار پوليگونى جۇمىس جاسايدى.