فينلياندياداعى ءبىلىم جۇيەسى الەمدەگى ەڭ وزىق سالا رەتىندە سانالادى.

رەيتينگكە قاتىستى ساراپتامالاردى قارايتىن بولساق، فين ەلى ءبىلىم بەرۋ جاعىنان الەمدە العاشقى بەستىككە كىرەدى.

Moon Child باسىلىمىنىڭ جازۋىنا قاراعاندا، الداعى ۋاقىتتا ءبىلىم بەرۋ سالاسىندا ريەۆوليۋسيالىق رەفورمالار جاسالىنباق. بۇل رەفورما 2020 جىلدان باستالايىن دەپ تۇر.

فين ماماندارىنىڭ ايتقانىنا سەنسەك، ءار ءپان ەندى جەكە ساباق رەتىندە وقىتىلمايدى. اتاپ ايتار بولساق، كەلەر جىلدان باستاپ، فيزيكا، ماتەماتيكا، ادەبيەت، تاريح جانە  گەوگرافيا ساباقتارى وتكىزىلمەيتىن بولدى. سوندا فين بالالارى نە وقيدى دەيسىز عوي. مىسالى ەكىنشى دۇنيەجۇزىلىك سوعىس تاريح، ماتەماتيك جانە گەوگرافيادان بەرەتىن ماماننىڭ كوزىمەن قاراستىرىلىپ، وقۋشىلارعا وسىلاي كىرىكتىرىلگەن ءپان رەتىندەگى سيپاتتا بەرىلەدى.

مىسالى، «كافەدەگى جۇمىس» كۋرسىندا وقۋشىلار اعىلشىن، ەكونوميكا جانە كوممۋنيكاتيۆتىك جاڭاشىلدىقتى ورتاعا سالىپ، ونى مۇعالىممەن بىرگە وتىرىپ تالقىلايدى. اتالعان جۇيەنىڭ بارلىعى 1-سىنىپتاپ باستاپ ەمەس، بالا 16 جاسقا جەتكەندە جۇزەگە اسادى. وقۋشىلار قاي سالانى تاڭداۋى كەرەك، بولاشاعى ءۇشىن 16 جاسقا جەتكەندە ولار وزدەرى ارمانداعان سالاعا بەيىمدەلە باستايدى. ناقتى ايتقاندا، ولار ەندى فيزيكا مەن حيمياعا ميىن اشىتپايدى. جوعارى سىنىپتا ولار اعىلشىن ادەبيەتى مەن فيزيكاعا دا باس قاتىرمايدى. ونىڭ ورنىنا بالالار بەلگىلى ءبىر تاقىرىپتار مەن وقيعالارعا تالداۋ جاسايدى. فين ماماندارىنىڭ ايتۋى بويىنشا، ءسويتىپ وقۋشىلار قورشاعان ورتا تۋرالى كەشەندى تۇردە ءبىلىم الادى.

ءقازىردىڭ وزىندە فين مۇعالىمدەرىنىڭ 70 پايىزى دايىندىق كۋرسىنان ءوتىپ، جاڭا رەفورمانى يگەرۋگە دايىن وتىر. ونىڭ ۇستىنە جاڭا كۋرستان وتكەن ۇستازدارعا  فين بيلىگى قوسىمشا جالاقى تولەۋدى قولعا الدى. ناقتىلاساق، فين ۇستازدارى ايىنا 4000 -5000 مىڭ دوللار ايلىق الادى ەكەن.

ال ەرلان ساعادييەۆ ءبىلىم ءمينيسترى بولىپ تۇرعان ساتتە بىزگە دە وسىنداي كەرەكسىز تاجىريبەلەر ەنگىزىلىپ ەدى. ءبىرقاتار پاندەردى بىرىكتىرىپ، وقۋشى مەن ءمۇعالىمنىڭ ميىن اشىتىپ ەدى. سويتسەك، ەكس-مينيستر ساعادييەۆ شەتەلگە قاراپ «ۇلىعان» ەكەن عوي.