جامبىل وبلىسىندا 53 تاريحي-مادەني نىسان قازاقستاننىڭ كيەلى جەرلەرى كارتاسىنىڭ تىزىمىنە الىندى مۇنداعى 8 نىسان جالپىۇلتتىق نىساننىڭ قاتارىندا بولسا، قالعان 45 نىسان وڭىرلىك دەڭگەيگە جاتادى دەپ جازادى Qamshy.kz اقپارات اگەنتتىگى. 

ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنان تۋىنداعان مىندەتتەردى جۇزەگە اسىرۋ ماقساتىندا قولعا الىنعان «قازاقستاننىڭ كيەلى جەرلەرىنىڭ گەوگرافياسى» جوباسىنا ساي رەسپۋبليكانىڭ ءار ايماعىنداعى تاريحي-مادەني نىساندار مەن قاسيەتتى جەرلەردىڭ كارتاسى جاسالعانى ءمالىم. بۇل كارتاعا 2000 جىلدان استام تاريحى بار جامبىل ءوڭىرىنىڭ تۋريستىك بويتۇمارىنا ارنالعان ءبىرقاتار نىساندار دا ەنگىزىلدى.

بۇگىندە وڭىردەگى 35 تاريحي-مادەني نىساننىڭ GPS كوورديناتتارى جاسالىندى. سايكەسىنشە بۇل كوورديناتتار تۋريستەر ءۇشىن اتالعان نىساندارعا اداسپاي جول تابۋدى قامتاماسىز ەتەدى. سونداي-اق بۇل نىسانداردى تاراز قالاسىنىڭ 44 تۋريستىك مەكەمەسى ءوز مارشرۋتتارىنا ەنگىزگەن. سول ارقىلى وڭىرگە تابان تىرەگەن الىس-جاقىن شەتەلدىك تۋريستەر جامبىلداعى كيەلى جەرلەرمەن تانىسۋ مۇمكىندىگىنە يە بولدى.

–مۇنان بولەك جامبىل وبلىسى اۋماعىنداعى «قازاقستاننىڭ كيەلى جەرلەرى» كارتاسىنا ەنگەن نىسانداردىڭ تۋرالى ارنايى دەرەكتى فيلمدەر دە ءتۇسىرىلدى. سونىمەن قاتار تۋريستەر ءجيى ات باسىن بۇراتىن بۇل ورىنداردىڭ جولدارىن جوندەۋ، ونداعى قىزمەت كورسەتۋ ساپاسىن ارتتىرىپ، ينفراقۇرىلىم جەتىلدىرۋگە باسا ءمان بەرىلدى. وبلىس اكىمدىگىنىڭ تۋريزم باسقارماسىمەن ارىپتەستىك ورناتىپ بىرلەسكەن ءىس-شارالاردى وتكىزىپ تۇرامىز. ماسەلەن جاقىندا عانا تاراز جەرىنە تاعزىم» اتتى جاس تۋريست فەستيۆالى مەن «تاراز – وتكەن مەن بولاشاقتىڭ تۇيىسكەن قالاسى» تاريحي-ولكەتانۋ كونفەرەنسياسى ۇيىمداستىرىلدى، – دەيدى وبلىستىق «رۋحاني جاڭعىرۋ» جوبالىق ءوفيسى» مەكەمەسىنىڭ باسشىسى سەرىكبول بەرىكقوجا

ايتا كەتۋ كەرەك جامبىل وبلىسى اۋماعىنداعى قازاقستاننىڭ كيەلى جەرلەر كارتاسىنا مەركى-جايسان تۇركى عۇرىپتىق كەشەنى، اقىرتاس بەكىنىسى، «ەجەلگى تاراز قالاشىعى»، «تەكتۇرماس» كەشەنى، «قاراحان» كەسەنەسى، «ايشا ءبيبى» كەسەنەسى، «باباجى حاتۋن» كەسەنەسى، «بايزاق باتىر مامبەت ۇلى» كەسەنەسى سىندى تاريحي-مادەني ەسكەرتكىشتەر ەنگىزىلگەن. بۇل نىسانداردىڭ ولكە تۋريزمىندە وزىندىك ورنى بار ەكەندىگىن اتاپ وتكەن ءجون.