جىل باسىنان بەرى جامبىلدىقتارعا لاتىن نەگىزدى ءالىپبيدى ءتۇسىندىرۋ ماقساتىندا 73 ءىس-شارا وتكىزىلگەن. بۇل شارالارعا وبلىستىڭ 21 مىڭ تۇرعىنى تارتىلدى دەپ جازادى Qamshy.kz اقپارات اگەنتتىگى.
ەلدىڭ رۋحاني ومىرىنە قوزعاۋ سالىپ، قوعام ساناسىنا سىلكىنىس اكەلگەن ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا قازاق ءتىلىن بىرتىندەپ لاتىن الىپبيىنە كوشىرۋ جۇمىستارىن تۋرالى ايتىلدى. سوعان ساي ۇكىمەت باسشىسى 2025 جىلعا دەيىن كەزەڭ-كەزەڭىمەن لاتىن نەگىزدى الىپبيگە كوشىرۋ جونىندەگى ءىس-شارالار جوسپارىن بەكىتتى. وسى جوسپار نەگىزىندە وبلىستىق ءىس-شارالار جوسپارى ءتۇزىلىپ، جامبىلدىقتاردى لاتىن نەگىزدى قازاق الىپبيىنە باۋلۋ جۇمىستارى جۇيەلى جولعا قويىلعان.
ماسەلەن م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ جانىنان لاتىن ءالىپبيىن ۇيرەتۋ وقۋ-ادىستەمەلىك كابينەتى، تاراز مەملەكەتتىك پەداگوگيكالىق ۋنيۆەرسيتەتىندە «قازاق فيلولوگياسى جانە لاتىن گرافيكاسىن وقىتۋ ادىستەمەسى» كافەدراسى، وبلىس اكىمدىگىنىڭ تىلدەردى دامىتۋ باسقارماسىنىڭ تىلدەردى وقىتۋ ورتالىعىندا «رۋحاني جاڭعىرۋ: لاتىن ءالىپبيى» كابينەتى اشىلىپ جۇمىس جاساۋدا. بۇل ورتالىقتاردا ءتىل ءبىلىمىنىڭ بىلىكتى ماماندارى جۇمىستارى تارتىلعان. ولار تۇرعىندارعا ادىستەمەلىك كومەك كورسەتىپ، جاڭا الىپبيمەن ءقارىپ تانۋعا سەپتىگىن تيگىزەدى.
وتكەن جىلى رەسپۋبليكا اۋماعىندا ءبىر مەزەتتە ۇيىمداستىرىلعان جالپىحالىقتىق ديكتانت جازۋ شاراسىنا وبلىس بويىنشا 127 مىڭنان استام ادام قاتىستى. سونداي-اق بىلتىر ءوڭىر تۇرعىندارىنا لاتىن گرافيكاسىنا نەگىزدەلگەن قازاق ءالىپبيىن ءتۇسىندىرۋ ماقساتىندا وبلىس اكىمدىگىنىڭ تىلدەردى دامىتۋ باسقارماسىنىڭ 4 الەۋمەتتىك جوباسى قولعا الىندى. بۇل جوبالار شەڭبەرىندە 120 ءىس-شارا وتكىزىلىپ، وعان 150 مىڭعا جۋىق ادام قامتىلدى. بيىل باسقارمانىڭ باستاماسىمەن 2 الەۋمەتتىك جوبا جۇزەگە اسىرىلىپ جاتىر.
جالپى، جامبىل وڭىرىندە ەلباسىنىڭ «بولاشاققا باعدار: رۋحاني جاڭعىرۋ» ماقالاسىنان تۋىنداعان مااڭىزدى مىندەت سانالاتىن لاتىن نەگىزدى قازاق الىپبيىنە كوشۋ جۇمىستارى جوعارى دەڭگەيدە ۇيىمداستىرىلعان. بىلتىر جەرگىلىكتى ءتىلشى عالىمداردىڭ باستاماسىمەن ارنايى سايت ىسكە قوسىلدى. اتالعان سايتتا لاتىن نەگىزدى قازاق ءالىپبيىن وقىتۋدىڭ باعدارلاماسى دا بار. بۇل سايتتاعى باعدارلامانى ينتەرنەتتى پايدالانا الاتىن وبلىستىڭ كەز كەلگەن تۇرعىنى پايدالانا الادى.
پىكىر قالدىرۋ