بايزاق اۋداندىق ورتالىق كىتاپحانانىڭ وقىرماندارعا قىزمەت كورسەتۋ ءبولىمىنىڭ كىتاپ قورى ورنالاسقان بولمەسىنىڭ شاتىرى ەسكى بولاتىن. 2014 جىلدان بەرى جاڭالانباعان، شاتىردىڭ كەي جەرىنەن سۋ وتەتىن. «اۋىل - ەل بەسىگى» جوباسى اياسىندا اتالعان ولقىلىقتىڭ ورنى تولتىرىلۋدا. مەملەكەتتىك ساتىپ الۋدان جەڭىمپاز اتانعان «رازات» جاۋاپكەرشىلىگى شەكتەۋلى سەرىكتەستىگىنىڭ جۇمىسشىلارى شاتىردى جاڭالاۋ ۇستىندە دەپ جازادى Qamshy.kz اقپارات اگەنتتىگى. 

- نەگىزگى بولىنگەن قارجى 3 ملن. 709 مىڭ تەڭگە بولاتىن. مەنىڭ ۇتقان باعام 1 ملن. 648 مىڭ تەڭگەنى قۇراپ وتىر. اعىمدى جوندەۋ جۇمىستارى بارىسىندا 170 شارشى مەتر شاتىر اۋىستىرىلادى،- دەدى سەرىكتەستىك باسشىسى نۇرلان ءابدىرايموۆ بىزبەن اڭگىمەسىندە.

مەردىگەر كومپانيا 30 تامىزدا جۇمىستى تولىق اياقتايمىز دەيدى. ءوز ءىسىنىڭ بىلىكتى ماماندارى: بريگادير جاراسحان ابدەشوۆ، جۇمىسشىلار بەيبىت ەسەن، ءالينۇر بەكتۇرعان جۇمىستارىن ساپالى اتقارۋدا.

راۋشان كۇزدەۋبايەۆا،

كىتاپحانانى دامىتۋ ءبولىمىنىڭ مەڭگەرۋشىسى:

- “اۋىل - ەل بەسىگى” جوباسى اياسىندا اۋدانىمىزدا قىرۋار تىرلىكتەر قولعا الىنىپ، جۇمىستار اتقارىلۋدا.وسى جوبا شەڭبەرىندە ءال -فارابي اتىنداعى مادەنيەت ءۇيىنىڭ سىرتقى كەلبەتى جاڭارتىلىپ،اۋداندىق تاريحي-ولكەتانۋ مۋزەيىنە قوسىمشا بولمەلەر سالىندى.

بۇگىنگى تاڭدا ورتالىق كىتاپحانانىڭ كىتاپ قورى ورنالاسقان بولمەنىڭ شاتىرى اۋىستىرىلۋدا.اعىمدى جوندەۋ جۇمىسى اياقتالعاننان كەيىن وقىرمانداردىڭ كىتاپ قورىنداعى ادەبيەتتەرمەن جۇمىس جاساۋى جاقسارا تۇسەتىن بولادى.

ازامات اسىلبەك ۇلى،

سارىكەمەر اۋىلىنىڭ تۇرعىنى:

“اۋىلدى ءومىر سۇرۋگە قولايلى مەكەنگە اينالدىرۋىمىز كەرەك. كەزىندە جۇڭگو يندۋستريالاۋدى قانداي جولمەن باستادى؟ ولار اۋىلدىق جەرلەردە ونەركاسىپتى، ءتىپتى ەلەكترونيكاعا دەيىن دامىتا باستادى، ءار سالاعا جاۋاپتى ادامداردى بەكىتتى. ءاربىر اۋىلدا مىندەتتى تۇردە جۇمىس ورنى اشىلۋى كەرەك. قاراپايىم تۇرعىندارعا كوپ دۇنيە قاجەت ەمەس. ولارعا لايىقتى جۇمىس بەرىپ، جۇمىسىنا ساي جاعداي جاساساق، اۋىلدارىنان ەشكىم ۇدەرە كوشپەيدى. سوندىقتان اۋىلدىق جەردە ءومىر ساپاسىن جاقسارتۋىمىز كەرەك” دەپ ەلباسى ايتقانداي، ەلىمىزدىڭ تۇكپىر-تۇكپىرىندە جارقىن جوبالار قولعا الىنۋدا. ماسەلەن ءبىر عانا سارىكەمەر اۋىلىندا “اۋىل - ەل بەسىگى” جوباسى اياسىندا 29 جوبا ىرىكتەلىنىپ الىنعان ەكەن.

قازىرگى تاڭدا 14 جوبا بويىنشا جۇمىستار اتقارىلۋدا. كوشەلەر جوندەلىپ، نىسانداردىڭ سىرتقى كەلبەتى جاڭعىرۋدا. شاعىن فۋتبول الاڭدارى

بوي كوتەرۋدە.الداعى ۋاقىتتا تۇرعىندار تازا اۋىز سۋمەن قامتىلاتىن بولادى. بۇدان بولەك، كاسىپكەرلەر مەن ىلكىمدى ازاماتتاردىڭ دەمەۋشىلىگىمەن اۋىلدىق وكرۋگتەردە ەل يگىلىگىنە قىزمەت ەتەتىن عيماراتتار سالىنۋدا.

اتالعان جوبا ەلدىمەكەندەردىڭ تامىرىنا “ءنار” بەرىپ، اۋىلدارداعى كۇردەلى ماسەلەلەردىڭ وڭ شەشىلۋىنە ىقپال ەتەتىن بولادى.