بۇگىندە جامبىل وبلىسىنىڭ بايزاق اۋدانىندا 106 253 تۇرعىن بار. ەلباسىنىڭ بۇقارالىق سپورتتى دامىتۋعا باسىمدىق بەرۋىنىڭ ناتيجەسىندە اۋداندا تۇراقتى تۇردە دەنە شىنىقتىرۋ جانە سپورتپەن اينالىساتىن ازاماتتار سانى 31 670 ادام نەمەسە حالىق سانىنىڭ 29،8 پايىزىن قۇرايدى. بۇل كورسەتكىش وتكەن جىلمەن سالىستىرعاندا 940 ادامعا كوبەيىپ، وبلىس اۋداندارى اراسىنداعى ەڭ جوعارعى كورسەتكىشتەردىڭ ءبىرى سانالادى دەپ جازادى Qamshy.kz اقپارات اگەنتتىگى. 

جالپى، اۋدان بويىنشا 1 ستاديون، 1 سپورت كەشەنى، 34 سپورت زال، 170 جازىقتىقتى قۇرىلعى، 23 ورناتىلعان سپورت زالدارى بار. سپورت نىساندارىنىڭ ىشىندە 2018-2019 جىلدارى پايدالانۋعا بەرىلگەن 20 كوشە جاتتىعۋ قوندىرعىلارى ورناتىلعان سپورت الاڭشالارىنىڭ 16-سى جەرگىلىكتى تۇرعىنداردىڭ ۇيىمشىلدىعى جانە كاسىپكەرلەردىڭ دەمەۋشىلىگىمەن سالىنعان. ۇستىمىزدەگى جىلى جەرگىلىكتى بيۋدجەت ەسەبىنەن ءۇش كىشى فۋتبول الاڭشاسى سالىنسا، بۋرىل، سارىكەمەر اۋىلدارىندا ەكى بىردەي كىشى فۋتبول الاڭشاسىنىڭ قۇرىلىستارى باستالىپ، جۇمىستارى جۇرگىزىلۋدە. بۇگىنگى تاڭعا، بارلىق ەلدىمەكەندەردىڭ سپورتتىق نىساندارىندا اۋىل تۇرعىندارىنا سپورتپەن اينالىسۋعا مۇمكىندىك جاساۋ ماقساتىندا كەشكى، ساباقتان تىس ۋاقىتتا ءتۇرلى سپورت تۇرلەرىنەن اينالىسۋ كەستەلەرى جاسالعان جانە اۋدان تۇرعىندارى وسى سپورتتىق نىسانداردا دەنە شىنىقتىرۋ جانە سپورتپەن ەش كەدەرگىسىز اينالىسۋدا.

ودان وزگە، دەنە شىنىقتىرۋ جانە سپورت سالاسى بويىنشا اۋداندا «اۋىل – ەل بەسىگى» جوباسى اياسىندا ءۇش سپورت نىسانىن جاساۋ جوبالانعان. اتاپ ايتقاندا، سارىكەمەر اۋىلىنداعى ج.ۇشكەمپىروۆ اتىنداعى №1 بالالار-جاسوسپىرىمدەر سپورت مەكتەبىنىڭ عيماراتىنا كۇردەلى جوندەۋ جۇمىستارىن جۇرگىزۋ، سارىكەمەر اۋىلىنىڭ ورتالىق ستاديونى اۋماعىنان شاعىن فۋتبول الاڭشاسىن ورناتۋ جانە باسكەتبول الاڭىنىڭ باستىرماسىنا اعىمداعى جوندەۋ جۇمىستارىن جاسالماق. ج.ۇشكەمپىروۆ اتىنداعى №1 بالالار-جاسوسپىرىمدەر سپورت مەكتەبىنىڭ عيماراتىنا كۇردەلى جوندەۋ جۇمىستارى جاسالىنعاننان كەيىن، سپورت نىسانى قايتا جاڭعىرىپ، بالالارعا بارلىق جاعدايى جاسالىنعان زاماناۋي سپورت نىسانىنا اينالاتىن بولادى. ال، حالىقارالىق ستاندارتقا ساي كەلەتىن شاعىن فۋتبول الاڭشاسىنىڭ قۇرىلىسى باستالىپ كەتسە، باسكەتبول الاڭىنىڭ باستىرماسى جوندەۋ جۇمىستارىنان كەيىن قۇرامداستىرىلعان سپورت الاڭى رەتىندە قايتا جاڭعىرىپ، ەل يگىلىگىنە بەرىلمەك.

جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسىنىڭ 2018 جىلى اتقارعان جۇمىسىنىڭ قورىتىندىسى بويىنشا وبلىس اكىمى اسقار مىرزاحمەتوۆتىڭ توراعالىعىمەن وتكەن ءماجىلىستىڭ 2019 جىلعى 24 قاڭتارداعى №15 حاتتاماسى 10 تارماعىنىڭ 2 تارماقشاسىنا سايكەس، وزەندەردىڭ جانىنان شاعىن، قاراپايىم ءجۇزۋ باسسەيندەرىن جاساپ،

جەتكىنشەكتەردى جۇزۋگە ۇيرەتۋدى قولعا الۋ تاپسىرماسىن ورىنداۋ ماقساتىندا، سارىكەمەر اۋىلىنداعى «داميرا» باسسەينىمەن وقۋشىلاردىڭ جازدىق كانيكۋل ۋاقىتتارىندا جۇزۋگە ۇيرەتۋ ءۇشىن ءتيىستى 450 مىڭ تەڭگە كولەمىندە كەلىسىم شارت جاسالىندى. كەلىسىم شارت بويىنشا جاز مەزگىلىنىڭ اياعىنا 90 بالا سۋدا ءجۇزۋدى ۇيرەنۋدە.