بۇگىندە اۋىلشارۋاشىلىق سالاسى جامبىل وبلىسى قورداي اۋدانىنىڭ ەكونوميكاسىن العا سۇيرەۋشى سالالاردىڭ بىرىنە اينالدى. جىل سايىن مەملەكەتتىك باعدارلامالار اياسىندا قوماقتى قارجى ءبولىنىپ، اۋىل ەكونوميكاسى مەن تۇرعىنداردىڭ الەۋمەتتىك تۇرمىسى ايتارلىقتاي دامۋ ۇستىندە.اۋداندا ق ر اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا اتقارىلعان جۇمىستاردىڭ ناتيجەسىندە جىل باسىنان اۋىل شارۋاشىلىعى ءونىمىنىڭ جالپى كولەمى 10158،8 (8589،6) ملن.تەڭگەنى نەمەسە ناقتى كولەم يندەكسى 106،5% قۇرادى دەپ جازادى Qamshy.kz اقپارات اگەنتتىگى. جالپى جامبىل وبلىسى اكىمى مەن اۋدان اكىمى اراسىنداعى بەكىتىلگەن مەجەگە سايكەس ينديكاتور 111،8 پايىزعا ارتقان.

بۇگىنگى كۇنگە اۋىلشارۋاشىلىق سالاسىنا 1281،0 ملن.تەڭگەگە ينۆەستيسيا تارتىلىپ وتىر.

2019 جىلى اۋدان بويىنشا بارلىق اۋىل شارۋاشىلىعى ماقساتىنداعى ەگىستىك جەرلەردىڭ كولەمى 132039 گەكتار بولىپ، وتكەن جىلمەن سالىستىرعاندا 593 گەكتارعا وسكەن.

جامبىل وبلىسى اكىمدىگىنىڭ اۋىل شارۋاشىلىعى باسقارماسىمەن كەلىسىپ، ەگىس القاپتارىنىڭ قۇرىلىمىن ءارتاراپتاندىرۋ ماقساتىندا، 2019 جىلى ەگىلگەن جەر كولەمى 112620 گەكتاردى قۇراعان. (ونىڭ ىشىندە: كۇزدىك بيداي 21500 گا، جازدىق ارپا 36800 گا، داندىك جۇگەرى 8000 گا، كارتوپ 3050 گا، قانت قىزىلشاسى 1200 گا، كوكونىس جانە باقشا ونىمدەرى 6720 گا، مايلى داقىلدار 3950 گا جانە ازىقتىق داقىلدار كولەمى 31400 گا.)

2019 جىلى سەبىلگەن 36800 گەكتار جەرگە قاجەتتى 6624 توننا ارپا تۇقىمى شارۋاشىلىقتار تولىعىمەن قامتىلىپ، جوسپارلى كولەمى سەبىلدى.

شارۋاشىلىقتار 8000 گەكتارعا قاجەتتى 160 توننا داندىك جۇگەرى تۇقىمىن الماتى وبلىسىنداعى «قازاق ەگىنشىلىك جانە وسىمدىك شارۋاشىلىعى عزي» ج ش س، «بۋدان» ج ش س جانە اۋدانداعى «GR-Agro» جشس-ن ساتىپ الدى. شارۋاشىلىقتار جۇگەرىنىڭ زپسك-704، ارمان-689، تۋلپار-539، ماركو-419، نك-تەرمو سورتتارىن سەپتى.

شارۋاشىلىقتار باسقا دا قاجەتتى كارتوپ، كوكونىس، باقشا داقىلدارىنىڭ تۇقىمدارىمەن تولىعىمەن قامتىلىپ، سەبىلدى.

جەكە قوسالقى شارۋاشىلىقتاردىڭ بىرىگۋىمەن بۇگىندە اۋداندا 5 ءسۇت باعىتىندا، («قاينار-قورداي-2017»، «قاسىق»، «بولاشاق-2018»، «مايسۋپ تەگى»، «مالييەۆ»)، 1 بال ءونىمىن وندىرەتىن («ارا تاۋ») جانە 8 كووپەراتيۆ ەگىن باعىتىندا («المالى»، «كاراساي»، «ششەنحو-2017»، «سامعاۋ تاۋ»، «دياس-2017» جانە «قورداي كورم»، «ماسانشى-3»، «ەۆرازيا اگرو لتد»)جۇمىستارىن اتقارۋدا. اعىمدى جىلى «كازمەاتكورداي» ءجشس-ى كىرعىزستان رەسپۋبليكاسىنا 107،8 توننا سيىر ەتىن وتكىزدى نەمەسە بەكىتىلگەن مەجەگە سايكەس ينديكاتور 179،7 پايىزعا ارتتى.

سونىمەن قاتار، «پەرۆومايسكيە دەليكاتەسى» ءجشس-ى 54،9 توننا قوزى ەتىن اراب ەلدەرىنە وتكىزدى.

قازىرگى ۋاقىت تالابىنا ساي تامشىلاتىپ سۋعارۋ تەحنولوگياسىنىڭ كولەمى 7627 گەكتارعا جەتتى. جوسپار بويىنشا 380 گەكتارعا ورناتۋ جوسپارلانسا، بۇگىنگى كۇنگە ناقتى ورناتىلعانى 712 گەكتارعا جەتىپ، جوسپار 332 گەكتارعا ارتىپ وتىر.

شارۋاشىلىقتار تاراپىنان 358،2 ملن. تەڭگەگە، بارلىعى 25 دانا تەحنيكا مەن قۇرال-جابدىقتار الىندى. (ونىڭ ىشىندە: شارۋاشىلىقتار ءوز قاراجاتتارىنا 10 دانا تەحنيكانى 88،3 ملن.تگ الدى جانە 15 دانا تەحنيكانى ليزينگىگە 269،9 ملن.تگ الدى.)

«سىباعا» باعدارلاماسى بويىنشا ءمىق انالىق باسىن يمپورتتاۋ جوسپارداعى 350 باستىڭ 235 باسى جانە قوي مالىن ساتىپ الۋ جوسپارداعى 5624 باستىڭ 2283 باسى الىندى.