مەملەكەتتىك باعدارلامالاردىڭ باسىم باعىتتارى بۇگىندە ەلگە ەلەۋلى دەمەۋ جاساۋدا. ونىڭ شاراپاتىن قالاداعىلارمەن قاتار، دالاداعىلار دا كورۋدە. ارينە ۇكىمەتتىڭ جان ۇرلەگەن جوبالارىن جۇيەلۋ جۇزەگە اسىرۋ بارشامىزدىڭ ازاماتتىق پارىزىمىز. وسى ورايدا جامبىل جەرىندە مەملەكەتتىك باعدارلامالار ءمىنسىز ماقساتىن تابۋدا دەپ جازادى Qamshy.kz اقپارات اگەنتتىگى. 

ماسەلەن «كمف» ءجشس-ى ارقىلى 2019 جىلدىڭ 1ء-شى توقسانىندا 1028 ازاماتقا 590،7 ميلليون تەڭگە، «قورداي» نەسيە سەرىكتەستىگى» ءجشس-ى ارقىلى 20 شارۋا قوجالىقتارىنا 182،5 ميلليون تەڭگە نەسيە بەرىلگەن.

«باستاۋ بيزنەس» كاسىپكەرلىك نەگىزىندە 135 ادام وقىتۋ جوسپارلانسا، ونىڭ قازىرگى تاڭدا 57 ادامى وقىتىلۋدا. ال، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا 125 ادامعا نەسيە بەرۋ كوزدەلىپ وتىر.

«ديپلوممەن اۋىلعا» باعدارلاماسىنا كەلسەك، قورداي اۋدانىنىڭ اۋىلدىق ەلدى مەكەندەرىنە ءبىلىم بەرۋ، دەنساۋلىق ساقتاۋ، الەۋمەتتىك قامسىزداندىرۋ جانە مادەنيەت سالاسىندا تۇراقتى جۇمىس ىستەۋگە كەلگەن ماماندارعا «ديپلوممەن اۋىلعا» جوباسى شەڭبەرىندە الەۋمەتتىك قولداۋ شارالارى ۇسىنىلعان. اتالعان باعدارلاما اياسىندا 2018 جىلى 110 مامانعا جوسپارلانىپ، ونىڭ ىشىندە 44 مامانعا ءارقايسىنا 70 تومەنگى ەسەپتىك كورسەتكىش كولەمىندە 11811،0 مىڭ تەڭگە (ءبىر مامانعا 176،75 مىڭ تەڭگە) كوتەرمە جاردەم اقى، 19 مامانعا 1500 تومەنگى ەسەپتىك كورسەتكىش كولەمىندە نەسيەگە تۇرعىن ءۇي ساتىپ الۋعا 66673،5 مىڭ تەڭگە قاراجات بەرىلىپ وتىر. (ءبىر مامانعا 3787،5 مىڭ تەڭگە). (ءبىلىم سالاسى بويىنشا 12 مامان، دەنساۋلىق ساقتاۋ سالاسى 4 مامان، مادەنيەت سالاسى 1 مامان، اۋىل شارۋاشىلىق سالاسى 2 مامان).

اۋىلدىق جەرلەردى دامىتۋعا باعىتتالعان «وڭىرلەردى دامىتۋدىڭ 2020 جىلعا دەيىنگى» باعدارلاماسى اياسىندا بولسا، 19 اۋىلدىق وكرۋگ بويىنشا 21 نىسانعا 126،8 ميلليون تەڭگە قاراستىرىلعان. ونىڭ ىشىندە جارىقتاندىرۋعا 2 جوبا – 3،5 ميلليون تەڭگە، جاياۋ جولداردى جانە جولداردى اعىمدى جوندەۋگە 5 جوبا – 47،0 ميلليون تەڭگە، جولداردى ورتاشا جوندەۋگە 11 جوبا – 66،9 ميلليون تەڭگە جانە اباتتاندىرۋ جۇمىستارىنا 2 جوبا – 9،3 ميلليون تەڭگە بولىنگەن.

ارينە، بۇل مەملەكەتتىك باعدارلامالاردىڭ حالىققا بەرەرى مول ەكەنى ايان. جانە جامبىلدىقتار بارىنشا جەمىسىن كورۋدە. ەل ەرتەڭىنە باعىتتالعان مۇنداي باستامالاردان الەۋمەتتىڭ الەۋەتى ارتپاسا، كەمىمەيتىنى انىق.