ولاردىڭ جەكپە-جەگى رەسەيدىڭ چەليابى قالاسىنداعى "تراكتور" ارەناسىندا بوكس كەشىنىڭ باستى كەزدەسۋىندە ءوتتى. كوۆاليەۆ ءوزىنىڭ تۋعان قالاسىندا ءبىرىنشى العاش رەت جەكپە-جەك ۇيىمداستىردى، جالپى ول رەسەيدە نەبارى ءۇش كەزدەسۋ وتكىزگەن. يارد بولسا سپورتتىق مانسابىندا العاش رەت ءوز ەلىنىڭ شەكاراسىنان شىقتى. 

جەكپە-جەك 11ء-شى راۋندتا اياقتالدى. كوۆاليەۆ كۇشى سارپىلعان قارسىلاسىن نوكاۋتقا ءتۇسىردى. سەگىزىنشى راۋندتا ۇلىبريتانيالىق بوكسشى ءسال بولماعان دا رەسەيلىكتى ەسىنەن تاندىرۋعا از قالعان ەدى. ءبىراق ول گونگقا دەيىن شىداپ باقتى، سوسىن باسىمدىقتى ءوز قولىنا الدى. 

36 جاستاعى كوۆاليەۆ ءۇشىن بۇل 34ء-شى (29 نوكاۋت) جەڭىس، ول ءۇش رەت جەڭىلگەن جانە ءبىر رەت تەڭ تۇسكەن. ال 27 جاستاعى يارد سپورتتىق مانسابىندا العاش رەت جەڭىلدى. وسىعان دەيىن ول 18 كەزدەسۋدە جەڭىمپاز بولىپ، ونىڭ 17-ن مەرزىمىنەن بۇرىن اياقتاعان. وسى كەزدەسۋ ءۇشىن كوۆاليەۆ بەس ميلليون دوللار، ال ۇلىبريتانيالىق ءۇش ميلليون دوللار الادى. 

كوۆاليەۆ WBO بەلبەۋىن 2 اقپاندا قايتارعان ەدى. ول كولۋمبيالىق ەلەيدەر الۆارەستى ريەۆانش كەزىندە جەڭدى. 2013-2016 جىلدارى جانە 2017-2018 ارالىعىندا وسى بەلبەۋ رەسەيلىكتىڭ يەلىگىندە بولعان.