7-21 قىركۇيەك كۇندەرى بوكستان رەسەيدىڭ ەكاتەرينبۋرگ قالاسىندا وتەتىن الەم چەمپيوناتىنا قاتىساتىن بوكسشىلاردىڭ ءتىزىمى بەلگىلى بولدى دەپ جازادى Qamshy.kz اقپارات اگەنتتىگى قازاقپاراتقا سىلتەمە جاساپ.

بۇل تۋرالى قازاقستان ۇلتتىق قۇراماسىنىڭ باس باپكەرى عالىمبەك كەنجەبايەۆ قازاقپارات تىلشىسىنە ايتىپ بەرگەن. 

كەنجەبايەۆتىڭ ايتۋىنشا، قۇراما الەم چەمپيوناتىنا تولىقتاي دايىن.

"جالپى، بىرىنشىلىككە 8 سالماقتا ءار سالماقتان ءبىر-بىر بوكسشى اپارۋدى ءجون دەپ سانادىق. اتاپ ايتار بولساق، 52 كەلىدە ساكەن بيبوسىنوۆ، 57 كەلىدە قايرات ەرالييەۆ، 63 كەلدە زاكىر سافيۋللين سىنعا تۇسسە، قازاقتىڭ سالماعى اتانىپ كتكەن 69 كەلىدە ابىلايحان ءجۇسىپوۆ، 75 كەلىدە سوڭعى ازيا ويىندارىندا جاسىنداي جارقىراپ، چەمپيون اتانعان تۇرسىنباي قۇلاحمەتكە سەنىم ارتىپ وتىرمىز. ال 81 كەلى سالماقتا بەكزات نۇرداۋلەتوۆ، 91 كەلىدە  ۆاسيليي ليەۆيت شارشى الاڭعا شىعاتىن بولادى. ال اسا اۋىر سالماقتا كوماندا كاپيتانى قامشىبەك قوڭقابايەۆ ەل نامىسىن قورعايدى"، - دەدى باس باپكەر.

بوكستان ەرلەر اراسىندا الەم چەمپيوناتى جيىرماسىنشى رەت وتەكەلى تۇر. بيىلعى چەمپيوناتتىڭ الدىڭعىلاردان ەرەكشەلىگى - بوكسشىلار سەگىز سالماق دارەجەسى بويىنشا  عانا جۇلدەگە تالاسادى. سونداي-اق وليپيادا ويىندارىنىڭ ليسەنزياسى ساراپقا سالىنبايدى. 

1993 جىلدان باستاپ الەم چەمپيوناتىنا قاتىسىپ كەلە جاتقان قازاقستان قۇراماسى 11- التىن، 12 - كۇمىس، 17 - قولا جۇلدەمەن  ءتورتىنشى ورىندا تۇر. 

قازاقستان بوكسشىلارىنڭ اراسىنان الەم چەمپيوناتىندا ەڭ كوپ جۇل العان  - سەرىك ساپييەۆ. ول ەكى رەت التىن جانە ءبىر-بىر رەتتەن كۇمىس پەن قولا جۇلدە جەڭىپ العان.