تاراز قالاسىنداعى دوستىق ۇيىندە جامبىل وبلىسى قازاقستان حالقى اسسامبلەياسى كەڭەسىنىڭ وتىرىسى ءوتتى دەپ جازادى Qamshy.kz اقپارات اگەنتتىگى. 

باسقوسۋدى جامبىل وبلىسى قحا حاتشىلىعى مەڭگەرۋشىسىنىڭ مىندەتىن اتقارۋشى جاسوركەن جاقسىلىق پەن قحا قوعامدىق كەلىسىم كەڭەسىنىڭ ءتوراعاسى يۋريي ميناكوۆ وتكىزدى.

كۇن تارتىبىندەگى بەلگىلەنگەن ماسەلەلەر بويىنشا قازاقستاندىق بىرەگەيلىك پەن بىرلىكتى نىعايتۋ جانە «ماڭگىلىك ەل» جالپىۇلتتىق پاتريوتتىق يدەياسىن ىسكە اسىرۋ جونىندە اتقارىلىپ جاتقان جۇمىستار تۋرالى ت.رىسقۇلوۆ، مويىنقۇم اۋداندارى اكىمدەرىنىڭ ورىنباسارلارى مەن وبلىس اكىمدىگى ءبىلىم باسقارماسىنىڭ باسشىلارى بايانداما جاسادى. قازاقستان حالقى اسسامبلەياسىنىڭ «قازاقتانۋ» مادەني-اعارتۋشىلىق جوباسىن ىسكە اسىرۋ بويىنشا اتقارىلعان جۇمىستار تۋرالى جامبىل وبلىسى اكىمى اپپاراتىنىڭ «قوعامدىق كەلىسىم» مەكەمەسىنىڭ باسشىسى رانو ۋبايدۋللايەۆا، «ارحىز» رەسپۋبليكالىق قوعامدىق بىرلەستىگىنىڭ بىرلىك-قاراشاي-بالكارلاردىڭ جامبىل فيليالى» قوعامدىق بىرلەستىگىنىڭ جەتەكشىسى لەليا ۋزدەنوۆا جانە سونىمەن قاتار «جامبىل وبلىستىق «ۆىنحۋا» دۇنگەندەر اسسوسياسياسىنىڭ مادەني ورتالىعى» قوعامدىق بىرلەستىگىنىڭ ءتوراعالارى جانە اۋدان اكىمدەرىنىڭ ورىنباسارلارى بايانداما جاسادى.

جامبىل وبلىسى اكىمى اپپاراتىنىڭ «قوعامدىق كەلىسىم» مەكەمەسىنىڭ باسشىسى رانو ۋبايدۋللايەۆا ءوزىنىڭ بايانداماسىندا جوسپارلانعان ءىس-شارالارعا سايكەس «قازاقتانۋ» باعدارلاماسى بويىنشا 2018 جىلى جامبىل وبلىسىنىڭ قازاقستان حالقى اسسامبلەياسىندا 15 ءىس-شارا، 2019 جىلدىڭ ءبىرىنشى جارتى جىلدىعىندا بارلىعى 6850 ادام قاتىسقان 11 ءىس-شارانىڭ وتكىزىلگەندىگى تۋراسىندا اتاپ ءوتتى. سونىمەن قاتار بيىلعى ەكىنشى جارتى جىلدىققا جوسپارلانعان 11 ءىس-شارا جونىندە قىسقاشا مالىمەت بەردى:

-2019 جىلدىڭ ەكىنشى جارتى جىلدىعىنا 11 ءىس-شارا جوسپارلانعان. «مامىلە» كلۋبى، شەبەرلەردىڭ قولونەر كلۋبى ءوز جۇمىسىن جالعاستىرۋدا. «قازاقتانۋ» - قازاقستاننىڭ بارلىق ەتنوستارى اراسىندا قازاق مادەنيەتىن، تاريحىن، فيلوسوفياسىن، ءتىلىن ۇيرەنۋگە جانە ناسيحاتتاۋعا باعىتتالعان جوبا. وسى تۇستا جوبانىڭ جاستار ءۇشىن ەرەكشە ماڭىزدىلىعىن اتاپ وتكىم كەلەدى. اتالمىش جوبا قازاق مادەنيەتىنىڭ داستۇرگە باي تاريحىنا تەرەڭ ۇڭىلە بىلۋگە، كوشپەلى حالىقتىڭ سان عاسىرلىق فيلوسوفياسىن ءتۇسىنۋ مۇمكىندىگىنە جەتەلەيدى. ول قازاق حالقىنىڭ قۇندىلىقتارىن رۋحاني قابىلداۋ ارقىلى جاس قازاقستاندىقتاردى بىرىكتىرۋگە جاڭا سەرپىن بەرە الادى،-دەدى ءوز سوزىندە ر.ۋبايدۋللايەۆا.

جيىن سوڭى قازاقستان رەسپۋبليكاسىنىڭ 2008 جىلعى 20 قازانداعى «قازاقستان حالقى اسسامبلەياسى تۋرالى» زاڭىنا سايكەس، جامبىل وبلىسى قازاقستان حالقى اسسامبلەياسى كەڭەسىنىڭ ءبىرقاتار ماسەلەلەر بويىنشا شەشىم قابىلداۋىمەن اياقتالدى.