جامبىل وبلىسى اكىمدىگىنىڭ دەنساۋلىق ساقتاۋ باسقارماسى باسشىسى مارات جۇمانقۇلوۆ دەنساۋلىق ساقتاۋ سالاسىنداعى ۇكىمەتتىك ەمەس ۇيىمداردىڭ وكىلدەرىمەن كەزدەسۋ وتكىزدى دەپ جازادى Qamshy.kz اقپارات اگەنتتىگى. 

باسقوسۋ بارىسىندا حالىقتى دارى-دارمەكپەن قامتاماسىز ەتۋ، مەديسينالىق قىزمەتتەردىڭ ساپاسى مەن قولجەتىمدىلىگىن ارتتىرۋ مەسەلەلەرى قارالدى. كەزدەسۋدە ءسوز العان جامبىل وبلىسى بويىنشا «ازاماتتىق اليانس» اسسوسياسياسى زاڭدى تۇلعالار بىرلەستىگىنىڭ ءتوراعاسى زاير يۋلداشيەۆ، جينالعاندارعا باسقوسۋدىڭ ماڭىزدىلىعى جانە دەنساۋلىق ساقتاۋ باسقارماسىمەن بىرلەسىپ كوپتەگەن ماسەلەلەردىڭ شەشىمىن تابۋعا بولاتىنىن ايتتى

كەلەسى كەزەكتە وبلىستىڭ باس دارىگەرى جيىنعا قاتىسۋشىلارعا دەنساۋلىق ساقتاۋ جۇيەسىندە اتقىرىلىپ جاتقان جۇمىستار تۋرالى ايتىپ بەردى. اتاپ ايتقاندا، ول العاشقى مەديسينالىق كومەكتى جاقسارتۋ جونىندەگى شارالار تۋرالى، كادرلار تاپشىلىعى ماسەلەسىن شەشۋ، مامانداردى شەتەلدە وقىتۋ، جاڭا مەديسينالىق نىساندار سالۋ جانە اۋرۋحانالىق سەكتوردى وڭتايلاندىرۋ تۋرالى كەڭىنەن توقتالدى. ءسوز سوڭىندا مارات جۇمانقۇلوۆ ۇكىمەتتىك ەمەس ۇيىمداردىڭ وكىلدەرىنە «ءبىز قاشان دا سىزدەردىڭ سالاعا قاتىستى سۇراقتارىڭىزدى، ۇسىنىس-پىكىرلەرىڭىزدى تىڭداۋعا، شەشىمىن تاپپاي جاتقان ماسەلەلەردى شەشۋگە دايىنبىز، ءبىز ديالوگقا اشىقپىز»، - دەدى.

وبلىستىق دەنساۋلىق ساقتاۋ باسقارماسىنىڭ باسشىسىنا العاشقىلاردىڭ ءبىرى بولىپ «نۇر بالا» قوعامدىق بىرلەستىگىنىڭ ءتورايىمى ايگەرىم داۋلەتبايەۆا گينەكولوگتىڭ قابىلداۋى كەزىندە كوتەرۋ كرەسلوسىنا مۇقتاج ارباداعى ايەلدەردىڭ ماسەلەسىن تىلگە تيەك ەتتى. ولارعا مۇنداي ارنايى جابدىققا تاپسىرىس بەرسە دەگەن تىلەكتەرىن جەتكىزدى. سونىمەن قاتار، ول ەمحانالاردا گەنەتيك جانە ماممولوگ سياقتى دارىگەرلەردىڭ قابىلداۋىمەن مۇگەدەك ايەلدەرگە ارنالعان «اشىق ەسىك كۇندەرىن» وتكىزۋدى سۇرادى.

جامبىل وبلىسى قازاقستان حالقى اسسامبلەياسى انالار كەڭەسىنىڭ ءتورايىمى مۇحاببات ميراجاپوۆانىڭ ءوتىنىشى مەديسينالىق قىزمەتتەردىڭ ساپاسى مەن قولجەتىمدىلىگىن ارتتىرۋعا ارنالدى. ول اۋداندىق ەمحانالاردا ەرەسەكتەر مەن بالالارعا جەكە، ارنايى دارىگەرلەر بولىنسە دەگەن ۇسىنىس ايتتى.

كەزدەسۋ بارىسىندا وعان قاتىسۋشىلار دەنساۋلىق ساقتاۋ سالاسىنىڭ جاعدايى تۋرالى ءوز پىكىرلەرىن ءبىلدىردى جانە سالادا قوردالانعان ءبىرقاتار ماسەلەلەردى شەشۋ بويىنشا ۇسىنىستارىن ورتاعا سالدى. ۇەۇ مەن دەنساۋلىق ساقتاۋ باسقارماسى اراسىنداعى مۇنداي كەزدەسۋلەر الداعى ۋاقىتتا تۇراقتى تۇردە ۇيىمداستىرىلىپ تۇراتىن بولىپ بەكىتىلدى.