تاراز قالاسىنىڭ اكىمى قايرات دوسايەۆ قىزمەتكە كىرىسكەن العاشقى كۇندەردەن باستاپ كونە شاھار اۋماعىنداعى كوشەلەر مەن الەۋمەتتىك نىسانداردى تۇراقتى تۇردە ارالاپ كەلەدى. مۇنداعى ماقسات-تۋىنداپ وتىرعان ماسەلەلەردىڭ بايىبىنا تەرەڭىرەك كوز جەتكىزىپ قانا قويماي، تۇرعىنداردىڭ تالاپ-تىلەگىن تىڭداۋ. ەسەسىنە بۇل ءادىس جۇمىستىڭ تيىمدىلىگىن ارتتىرۋعا دا وڭ سەپتىگىن تيگىزىپ جاتقانى جاسىرىن ەمەس. ءتىپتى، شاھار باسشىسىنىڭ تازالىق جۇمىستارىنا تىكەلەي ءوزى باس بولىپ، اتسالىسۋى دا جەرگىلىكتى جۇرتشىلىقتى ءسۇيتىنتىپ تاستاعانى ءسوزسىز.
ءقازىر تاراز قالاسىندا جامبىل وبلىسىنىڭ اكىمى اسقار مىرزاحمەتوۆتىڭ تاپسىرماسىنا سايكەس قۇرىلىس جۇمىستارى قارقىندى جۇرگىزىلۋدە. نەگىزگى كۇش شاھاردىڭ ورتالىعىنداعى «شاحريستان» كەشەنىن جاڭعىرتۋ جۇمىستارىنا جۇمىستارىنا جۇمىلدىرىلۋدا. سونىمەن قاتار وزگە اۋماقتاردا دا تىنىمسىز تىرلىك جالعاسۋدا. قالانىڭ ءبىر بولىگىندە الەۋمەتتىك جاتاقحانالار بوي كوتەرىپ جاتسا، ەندى ءبىر اۋماعىندا كاسىپكەرلىك نىساندارىنىڭ قاتارى كوبەيۋدە. سونىمەن قاتار جىلۋ جۇيەلەرىن جاڭعىرتۋ جۇمىستارىنىڭ ساپالى ءارى ۋاقتىلى اياقتالۋىنا دا باسا نازار اۋدارىلۋدا. ال تاعى ءبىر تۇستا جول جوندەۋ جۇمىستارى قارقىن العان. مۇنىڭ ءبارى دە الەۋمەتتىك يگىلىگىنە باعىتتالعان شارۋا. بۇل تۇرعىدا مەملەكەتتىك باعدارلامالاردىڭ ورىندالۋىنا قاتاڭ قاداعا دا كەرەك. وسى ورايدا جەرگىلىكتى شەنەۋنىكتەر قۇرىلىس بارىسىن ءوز باقىلاۋلارىنا الىپ، نىساردارعا ءجيى-جيى ات باسىن بۇرۋدا.
كۇنى كەشە تاراز قالاسىنىڭ اكىمى قايرات دوسايەۆ قالانىڭ «تايۆان» اۋماعىندا باستالعان جولدارعا ورتاشا جوندەۋ جۇمىستارىنىڭ بارىسىمەن تانىستى. ۇزىندىعى 2 شاقىرىم بولاتىن باجەنوۆ كوشەسىندە اسفالتتاۋ جۇمىستارىن جۇرگىزىپ وتىرعان «تاراز كولىك جولى» ءجشس-نىڭ جۇمىس ساپاسىنا كوز جەتكىزدى.
ودان كەيىن قايرات اسكەربەك ۇلى «شالعاي قاراسۋعا» جول تارتتى. مۇندا تاياۋدا عانا اسفالت توسەلگەن پريبالحاشسكايا، تەپلوۆوزنايا كوشەلەرىنىڭ جول جابىندىسىنىڭ قالىڭدىعىن، ساپاسىن كورىپ، ەندىگى جەردە بالالاردىڭ قاۋىپسىزدىگى ءۇشىن جاياۋ جۇرگىنشىلەر جولىن سالۋ جانە جول بەلگىلەرىن ورناتۋ قاجەتتىگى تۋرالى سالا ماماندارىنا تاپسىرما بەردى. اۋماقتىڭ جول جابىندىسىمەن تانىسىپ تۇرعان قالا اكىمىن كورگەن اۋماق تۇرعىندارى، كوپ جىلعى تىلەكتەرىنىڭ ورىندالعانىنا العىستارىن جاۋدىردى.
