چەمپيوناتتتاعى ءبىرىنشى كۇننىڭ قورىتىندىسى بويىنشا العاشقى كۇمىس پەن قولا مەدالدى قازاقستاننىڭ سپورتشىلارى جەڭىپ الدى. وسىلايشا، جەرلەستەرىمىز WordSkills Kazan 2019 چەمپيوناتىندا كاسىبي شەبەرلىكتەرىن كورسەتىپ، پيلوتسىز رەجيمدە اۆياسيالىق جۇيەنى باسقارۋدىڭ جولدارىن تاپتى. رەسپۋبليكالىق قۇراما كوماندانىڭ 30 پايىزى شىعىس قازاقستان وبلىسىنىڭ ستۋدەنتتەرى ەكەنىن ايتا كەتكەن ورىندى.

وسىمەن 45ء-شى رەت ۇيىمداستىرىلىپ وتىرعان WordSkills چەمپيوناتى 2019 جىلدىڭ 22 تامىزىندا باستالدى. باستى ماقسات – جۇمىسشى ماماندىقتارىنىڭ تانىمالدىعىن ارتتىرىپ، جاستاردىڭ ەڭبەك نارىعىندا سۇرانىسقا يە سالالارعا دەگەن قىزىعۋشىلىعىن وياتۋ.

63 مەملەكەتتەن كەلگەن 1600-دەن استام قاتىسۋشى "قازان ەكسپو" كەشەنىنىڭ اۋماعىندا 56 قۇزىرەتتىلىك بويىنشا ب ا ق سىناۋدا.

بۇگىن چەمپيوناتتىڭ العاشقى كۇنىنىڭ قورىتىندىسى شىعارىلدى. اسا تارتىستى دودادا جۇڭگو، رەسەي، مالايزيا، فرانسيادان كەلگەن قاتىسۋشىلارمەن قاتار وسكەمەندەنى ەلەكتروتەحنيكالىق كوللەدجدىڭ نەبارى 15 جاستاعى ستۋدەنتى الي اسكەرحانوۆ تا بار. ول شىعىس قازاقستان وبلىسىندا پيلوتسىز اۆياسيالىق جۇيەنى باسقارۋعا بولاتىنىن دالەلدەي الدى.

چەمپيوناتتىڭ قورىتىندىسى 27 تامىزدا شىعارىلادى. الداعى سىندا ءبىزدىڭ بالالار ەلەكترومونتاجداۋ جۇمىستارى، مەحاترونيكا، شاشتارازدىق ونەر، مەيرامحانا سەرۆيسى، اسپازدىق ءىسى، كىرپىش قالاۋ، ساD ينجەنەرلىك جۇيەسى بويىنشا جارىسقا تۇسەدى.