جامبىل وبلىسىندا جاستار جىلى اياسىندا قولعا الىنعان «ءاۋلياتا جاۋھارلارى» تاريحي-تانىمدىق ەكسپەديسياسىنىڭ جەڭىمپازدارى ماراپاتتالدى دەپ جازادى Qamshy.kz اقپارات اگەنتتىگى.
جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنىڭ تاريحي-مادەني ەسكەرتكىشتەردى قورعاۋ جانە قالپىنا كەلتىرۋ ديرەكسياسى مەن جاستار ساياساتى باسقارماسىنىڭ ۇيىمداستىرۋمەن شىلدە ايىندا وبلىس جاستارى اراسىنداعى «اۋليەاتا جاۋھارلارى» تاريحي-تانىمدىق ەكسپەديسياسىنىڭ جۇمىسىن قولعا العان ەدى. ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا بەلگىلەنگەن تاپسىرمالاردى ورىنداي وتىرىپ، تۋعان ولكە اۋماعىنداعى تاريحي-مادەني ورىنداردى جاستارعا تانىستىرۋدىڭ ماقسات ەتكەن ەكسپەديسيانىڭ شىنىندا بەرەرى مول بولدى. سونداي-اق بۇل شارا «قازاقستان 2020: بولاشاققا جول» مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ ءىى كەزەڭىن ىسكە اسىرۋ ماقساتىن كوزدەپ جاستار اراسىندا جالپىۇلتتىق ءپاتريوتيزمدى قالىپتاستىرۋعا، ولكەتانۋ باعىتتىندا تىڭ اقپاراتتى جيناۋعا، تۋعان ولكەنىڭ تاريحى مەن مول رۋحاني قۇندىلىقتارى تۋرالى بىلىمدەرىن ارتتىرۋعا، بەلگىلى ءبىر ايماقتى تانىپ، بىلۋگە جانە زەرتتەۋگە باعىتتالعان.
ەكسپەديسيا كەزىندە وبلىس جاستارى وڭىردەنشىققان تانىمال تۇلعالاردىڭ ءومىر جولىمەن، وبلىستىڭ تاريحي-ارحەولوگيالىق ورىندارىمەن، حالىق اۋىز ادەبيەتىنىڭ تاڭداۋلى ۇلگىلەرىمەن تانىستى. قازاقستاندىق پاتريوتتىق سانا-سەزىمىن نىعايتۋ، جاستاردى ءىس-شاراعا قاتىستىرۋ ارقىلى قوعامدىق-ساياسي ومىرگە تارتۋ جانە مادەني، رۋحاني قۇندىلىقتارىن ارتتىرۋعا باعىتتالعان مۇنداي شارالاردىڭ جاستاردى جان-جاقتى جەتىلدىرۋدەگى ىقپالى زور.
ءوڭىر جاستارىنىڭ نازارىن ءبىر ءسات تاسىن تۇرتسەڭ مىڭجىلدىق تاريحتان سىر شەرتەتىن ولكەنىڭ وتكەنىمەن تانىستىرۋعا دەن قويعان «اۋليەاتا جاۋھارلارى» اتتى تاريحي-تانىمدىق ەكسپەديسيانىڭ جەڭىمپازدارى ماراپاتتالدى. بىرنەشە كۇندى قامتىعان شارا قورىتىندىسى بويىنشا ءى ورىندى شۋ اۋدانىنىڭ كومانداسى يەلەنسە، ءىى جانە ءىىى ورىندار تاراز قالاسى مەن سارىسۋ اۋدانىنىڭ جاستارىنىڭ ەنشىسىنە ءتيدى.سونداي-اق شارا كەزىندە تۇسىرىلگەن فوتو، بەينەماتەريالداردىڭ ەڭ ۇزدىگى دە ارنايى سىيلىققا يە بولدى.بارلىق جەڭىمپازدارعا ۇيىمداستىرۋشىلار تاراپىنان ديپلومدار مەن باعالى سىيلىقتار تابىستالدى.
پىكىر قالدىرۋ