جامبىلدىق قولونەرشى راحات ساپارالييەۆا كيىزدەن كادەسىي جاسايدى. قولونەرشى ءوزى قولداناتىن شيكىزاتتىڭ تازالىعى ءونىمنىڭ ساپاسىنا تىكەلەي اسەر ەتەتىندىگىن العا تارتادى دەپ جازادى Qamshy.kz اقپارات اگەنتتىگى.
راحات ساپارالييەۆا – قازاقستان سۋرەتشىلەر وداعىمەن، تەاتر قايراتكەرلەرى وداعىنىڭ مۇشەسى. ول قولونەرگە دەيىن جيۆوپيسپەن دەكوراتيۆتى ونەرمەن جانە گرافيكامەن اينالىسقان. ءوز تۋىندىلارىنا پورترەتتەر، ناتيۋمورت، پەيجاز جانرىندا ورىنداپ شىعاتىن سۋرەتشىنىڭ قولونەرگە قادام جاساعانىنا كوپ بولا قويعان جوق.
–مەن ءقازىر كيىز باسۋمەن اينالىسامىن. ونەردىڭ بۇل ەسكى ءتۇرىن بىزگە اجەلەرىمىز ۇيرەتكەن. ءبىز كونەرگەن وسىناۋ تەحنولوگيانى جاڭعىرتىپ قولدانىسقا ەنگىزىپ جاتىرمىز. بۇعان دەيىن مەن ءوز شىعارمالارىمدا بوياۋدى قولدانىپ كەلسەم مۇندا كادەسىيدىڭ كولەمىن، انىق ءتۇسىن قامتاماسىز ەتە الاتىن كيىزدى قولدانامىن. سونداي-اق مەن كادەسىيلاردى ازىرلەگەندە قاتارداعى كادەسىي ەتىپ جاساي بەرگىم كەلمەيدى. مۇمكىندىگىنشە ءار نارسەنى ءوز تابيعاتىنا جاقىن ەتىپ، مىنەزىمەن ۇيلەستىرىپ جاساعاندى ءجون كورەمىن،–دەيدى قولونەر شەبەرى.
ۇمىت قالعان ءداستۇردى جالعاستىرىپ كيىزدەن كادەسىي جاساۋدى قولعا العان شەبەر بۇل كاسىپتەن پايدا تابۋدى ماقسات ەتپەيتىنىن ايتادى. تەك ءوزىنىڭ جان راقاتى ءۇشىن جاسايدى. بۇعان دەيىن كوركەم-قولونەر تۋىندىلارىن الماتى قالاسىندا وتەتىن كورمەگە قويىپ جۇرگەن قولونەرشى تارازداعى توركۇل كەشەنىندە شەبەرلەرگە ارنالعان «كونە تاراز قالاسىنىڭ شەبەرلەرى» اتتى ەتنوجوبانىڭ وزىنە مول مۇمكىندىك بەرگەنىن تىلگە تيەك ەتتى.
–تالايعى تاريحى بار تورتكۇل كەشەنىندە ەجەلگى ونەر تۇرلەرىنەن شەبەرلىك سىنىپتار وتكىزۋگە ارنالعان الاڭ اشىلعانى قۋانتادى. وسى الاڭ ارقىلى ءبىز كيىز باسۋعا قىزىعاتىندارعا شەبەرلىك سىنىپتارىن وتكىزىپ تۇرامىز. اسىرەسە بالالار وەنردىڭ بۇل تۇرىنە قىزىعىنا قارايدى. ۋاقىت وتە الاڭشادا ءوز تۋىندىلارىن كوپشىلىك نازارىنا ۇسىنۋشىلار سانى ارتىپ كەلەدى. وسى ءبىر يگى ءداستۇر ارقىلى «تورتكولدى» تۋريستەر اراسىندا تانىمال بولاتىندىعىنا سەنەمىن، –دەيدى ر.ساپارالييەۆا.
سۋرەتشىنىڭ ويىن قۇپتاعان جامبىل وبلىسى اكىمدىگىنىڭ تۋريزم باسقارماسىنىڭ باسشىسى قارلىعاش ارالبەكوۆا دا «تورتكول» كەرۋەن-سارايىن تارازدىڭ تۋريستىك بويتۇمارىنا اينالدىرۋداعى كونە تاراز قالاسىنىڭ شەبەرلەرى» ەتنوجوباسىنىڭ بەرەرى مول ەكەندىگىنە نازار اۋداردى. ءقازىردىڭ وزىندە بۇل نىسان جىبەك جولى بويىندا جاتقان تۇركيا، ازەربايجان، قىرعىزستان مەملەكەتتەرىنەن وتەتىن تۋريستىكتۋردىڭ تىزىمىنە ەنگەن.
پىكىر قالدىرۋ