پرەزيدەنت قاسىم-جومارت توقايەۆ مەملەكەتتىك كومپانيالاردىڭ، ولاردىڭ قىزمەتكەرلەرى مەن مەملەكەتتىك قىزمەتشىلەردىڭ سانىن قىسقارتۋ كەرەكتىگىن ءمالىم ەتتى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.
"مەملەكەتتىك كومپانيالار كونگلامەراتتارعا اينالىپ شىعا كەلدى. مۇنى ءتۇسىنۋ كەرەك. حالىقارالىق باسەكەگە قابىلەتكە بۇل ايتارلىقتاي كۇمان تۋعىزىپ وتىر. مەملەكەتتىڭ ەكونوميكاعا ارالاسۋىن قىسقارتۋ ءۇشىن مەن كۆازيمەملەكەتتىك كومپانيالاردى قۇرۋعا موراتوريي جاريالادىم. ءبىز سوڭعى 14 جىلدا ۇلتتىق ءال-اۋقات قورىنىڭ حالىقتىڭ جاعدايىن كوتەرۋدە قانشالىقتى پايداسى بولعانىن ۇعىنۋىمىز كەرەك. ۇكىمەت ەسەپ كوميتەتىمەن بىرگە ءۇش ايدىڭ ىشىندە تالداۋ جۇرگىزىپ، مەملەكەتتىك حولدينگتەر مەن ۇلتتىق كومپانيالاردىڭ تيىمدىلىگىن زەرتتەۋى كەرەك"، – دەدى مەملەكەت باسشىسى قازاقستان حالقىنا جولداۋىندا.
سونداي-اق جولداۋدا 2024 جىلدان باستاپ مەملەكەتتىك قىزمەتكەرلەر مەن ۇلتتىق كومپانيالاردىڭ جۇمىسشىلارى سانى 25 پايىزعا قىسقاراتىنى ايتىلدى.
"مەملەكەتتىك قىزمەتكەرلەردىڭ ساپاسىن ارتتىرۋ ءۇشىن ولاردىڭ قاتارىنا جاس دايارلانعان مامانداردى تارتۋ قاجەت. 2020 جىلدان باستاپ مەملەكەتتىك قىزمەتكەرلەر سانىن بىرتىندەپ قىسقارتۋعا كوشەمىز. ودان بوساعان قارجىنى پايدالى قىزمەتكەرلەردى ماتەريالدىق تۇرعىدا ىنتالاندىرۋعا باعىتتايمىز. 2024 مەملەكەتتىك قىزمەتكەرلەر مەن ۇلتتىق كومپانيالاردىڭ جۇمىسشىلار سانىن 25 پايىزعا، ياعني تورتتەن بىرىنە قىسقارتۋ كەرەك"، – دەدى قاسىم-جومارت توقايەۆ.
پىكىر قالدىرۋ