جامبىل وبلىسى اۋماعىندا اعىمداعى جىلعى 29 تامىز جاعدايىنا سۋ ايدىندارىندا 19 وقيعا تىركەلىپ، وندا 20 ادام قازا بولدى، ونىڭ ىشىندە 11 بالا. بارلىق قايتىس بولعان بالالار 2 جاستان 15 جاسقا دەيىنگى. بالالاردىڭ ءولىمىنىڭ باستى سەبەبى – بۇل ەرەسەكتەردىڭ قاراۋسىز قالدىرۋ، جابدىقتالماعان جانە تىيىم سالىنعان ورىنداردا شومىلۋ بولىپ تابىلادى دەپ جازادى Qamshy.kz اقپارات اگەنتتىگى. 

اعىمداعى جىلدىڭ باسىنان جامبىل وبلىسى دپ جەرگىلىكتى پوليسيا قىزمەتىنىڭ ۋچاسكەلىك ينسپەكتورلارىنىڭ قاتىسۋىمەن وبلىستىڭ سۋ ايدىندارىندا 808 رەيد پەن اڭگىمەلەر وتكىزىلدى. سونداي-اق، سۋ ايدىندارىندا بولعان كەزدە اتا-انالار مەن بالالارعا جازعى كەزەڭدە قاۋىپسىزدىك ەرەجەلەرىن، بالالاردى ەرەسەك ادامداردىڭ قاراۋىنسىز قالدىرعانى اتا-انالاردىڭ جاۋاپكەرشىلىگىن تۇسىندىرە وتىرىپ، تۇرمىسى تومەن جانە كوپ بالالى وتباسىلاردا رەيدتەر جۇرگىزىلدى. سونداي-اق رەيد بارىسىندا جەرگىلىكتى پوليسيا قىزمەتى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 364 جانە 440 - باپتارى بويىنشا 70 اكىمشىلىك سومماسى 690 مىڭ 593 تەڭگەگە ايىپپۇل سالىنىپ، ال 364-باپ بويىنشا اكىمشىلىك جاۋاپكەشىلىككە «ەسكەرتۋ» تۇرىندە 69 جەكە تۇلعا تارتىلدى.

مۇددەلى ورگاندارمەن: جەرگىلىكتى اتقارۋشى ورگاندارمەن، وبلىستىق ءىىد جەرگىلىكتى پوليسيا قىزمەتىمەن، جامبىل وبلىسى اكىمدىگىنىڭ ءبىلىم بەرۋ، دەنساۋلىق ساقتاۋ باسقارمالارىمەن كەلىسىلگەن جازعى شومىلۋ كەزەڭىندە وبلىستىڭ سۋ ايدىندارىندا ادامداردىڭ قازا بولۋىن الدىن-الۋ بويىنشا جامبىل وبلىسى اكىمىنىڭ ءبىرىنشى ورىنباسارى بىرلەسكەن جوسپاردى بەكىتتى.

سونداي-اق، اعىمداعى جىلعى ءساۋىر-مامىر ايدارىندا وبلىس اۋماعىندا «سۋداعى قاۋىپسىزدىك شارالارى» تاقىرىبىندا وبلىس اۋماعىندا ءساۋىر ايىنان باستاپ 443 ورتا مەكتەپتە جانە 20 كوللەدجەردە 70 مىڭنان استام وقۋشىنىڭ قاتىسۋىمەن 443 ساباق وتكىزدى.

«ءقاۋىپسىز جاز -2019» جوسپارىنىڭ ءىس-شارالارىن ورىنداۋ اياسىندا، 11 قالا سىرتىنداعى بالالار ساۋىقتىرۋ لاگەرلەرىندە وقۋشى مەن تاربيەشىلەر قامتىلۋىمەن بالالاردى باستاپقى ءجۇزۋ داعدىلارىنا ۇيرەتۋ تەوريالىق جانە پراكتيكالىق ساباقتار وتكىزىلۋدە.

وبلىس اۋماعىندا جەرگىلىكتى اتقارۋشى ورگاندارمەن 3 قالالىق جاعاجاي (تاراز قالاسىنىڭ "زەربۇلاق" كولى، قاراتاۋ قالاسىنىڭ "جارتاس" كولى جانە جاڭاتاس قالاسىنىڭ "قالالىق جاعاجاي" كولى) جابدىقتالىپ، وندا سۋدا قۇتقارۋ بولىمشەلەرى ورنالاسقان. سۋ ايدىندارىنىڭ دەمالۋ جانە شومىلۋعا ءقاۋىپتى، جابدىقتالماعان ۋچاسكەلەرىندە 101 ەسكەرتەتىن جانە تىيىم سالاتىن بەلگىلەر جانە 45 اقپاراتتىق ستەندتەر ورناتىلعان.