جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆ سارىسۋ اۋدانىنداعى جۇمىس ساپارىمەن بولدى. بەكبولات سەرىكبەك ۇلى ساپارىن اۋدان ورتالىعىنداعى ورتالىق قازاندىقتىڭ جىلۋ ماۋسىمىنا ازىرلىگىن كورۋدەن باستادى دەپ جازادى Qamshy.kz اقپارات اگەنتتىگى. 

قازاندىقتىڭ جىلۋ قۋاتىن ءوندىرىپ، تاسىمالداپ تاراتۋ، اۋىز سۋدى كوتەرۋ، ونى بەرۋ، شايىندى سۋدى قابىلداپ، تازالاپ اعىزۋ سەكىلدى نەگىزگى قىزمەتتەرىمەن تانىستىرىپ ءوتتى.

1965 جىلى ىسكە قوسىلعان قازاندىقتىڭ 98 گكال/ساع قۋاتتىلىعىن، جۇمىسشى سانىمەن ورتاشا ەڭبەك جالاقى،تەحنيكالىق جاعدايىنىڭ بۇگىنگى احۋالىن، وبلىس اكىمىنىڭ ءبىرىنشى ورىنباسارىنا جەتكىزدى.

سونداي-اق، جاڭاتاس قالاسىنداعى كارىز جەلىلەرىن قايتا جاڭعىرتۋ جۇمىسىن جۇرگىزىپ جاتقان مەردىگەر جۇمىسىمەن تانىستى. ب.ورىنبەكوۆ تاپسىرىسشى: سارىسۋ اۋدانى اكىمدىگىنىڭ ساۋلەت، قالا قۇرىلىسى جانە قۇرىلىس ءبولىمى،باس مەردىگەر: «سك-رەتما» جشس-گىنە قاجەتتى تاپسىرمالارىن بەردى.

جالپى 2013 جىلى «جاڭاتاس قالاسىنىڭ كارىز جەلىلەرىن جانە تازالاۋ يماراتتارىن قايتا جاڭعىرتۋ. كارىز جەلىلەرى» نىسانىنىڭ قۇرىلىس-مونتاج جۇمىستارى باستالدى.

«سارىسۋ اۋدانى جاڭاتاس قالاسىنىڭ كارىز جەلىلەرىن جانە تازالاۋ يماراتتارىن قايتا جاڭعىرتۋ. كارىز جەلىلەرى. تۇزەتۋ» نىسانىنىڭ جۇمىستارىن جالعاستىرۋعا 2018 جىلعا قاراجات ءبولىنىپ تولىقتاي يگەرىلگەن. 2018 جىلى نىسان باسىندا 9،6 شاقىرىم كارىز قۇبىرى سالىنىپ، 300 دانا قۇدىقشا ورناتىلدى سونىمەن قاتار سمەتادا قارالعان 8500 م2 اسفالت جابىندىسى توسەلىندى.

تەمىر جول استىمەن كارىز قۇبىرىن وتكىزۋ، الەۋمەتتىك نىساندار مەن كوپقاباتتى تۇرعىن ۇيلەرگە كارىز جەلىسىن قوسۋ، جەكە سەكتورداعى كوشەلەرگە كارىز جەلىسىن تارتۋ جۇمىستارى جۇرگىزىلدى.

2019 جىل عا 6،0 شاقىرىم كارىز جەلىسى، 450 قۇدىقشا، 450 ليۋك جانە قۇدىقشالارعا ءتۇسىپ-شىعاتىن تەمىر ساتىلار ورناتىلماق.

جاڭاتاس قالاسى 6 شاعىن اۋدان، 2 شاعىن اۋدان باستيليو عيماراتىنىڭ الدىنا اسفالت توسەلەدى جانە بورديۋرلار قويىلادى. تۇرعىن ءۇي القاپتارى كارىز جەلىلەرىنە قوسىلادى. 2019 جىلدىڭ قازان ايىنىڭ اياعىندا قۇرىلىس جۇمىستارى تولىق اياقتالادى دەپ كۇتىلۋدە.

سونداي-اق وبلىس اكىمىنىڭ ءبىرىنشى ورىنباسارى ب.ورىنبەكوۆ جۇمىس ساپارى بارىسىندا جون ولكەسىندەگى ارالتوبە ايماعىنا دا ات ءىزىن سالدى.

مۇندا اۋداننىڭ الەۋمەتتىك-ەكونوميكالىق جاعدايىنىڭ جاقسارۋىنا ۇلەس قوسىپ جاتقان حيميا ونەركاسىبى سالاسىنداعى الپاۋىتتاردىڭ ءبىرى

«ەۆروحيم-تىڭايتقىش» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى.

اتالمىش كومپانيانىڭ جۇمىس بارىسىمەن «ەۆروحيم-تىڭايتقىش» جشس-نىڭ باس ديرەكتورى يگور گەورگيادي تانىستىرىپ،ب.ورىنبەكوۆ الداعى جوسپارلارىن قاراپ، باسقا دا وزەكتى ماسەلەلەر جونىندە ءوزارا پىكىرلەستى.