ەلباسىنىڭ تىكەلەي باستاماسىمەن مونوقالالاردى دامىتۋ باعدارلاماسى اياسىندا جاڭاتاس قالاسىندا دا كوپتەگەن تىرلىكتەر اتقارىلىپ، قالانىڭ الەۋمەتتىك-ەكونوميكالىق احۋالى تۇزەلدى. ەل اراسىندا «جاڭا پاريج» اتانىپ كەتكەن سارىسۋ اۋدانىنىڭ ورتالىعىندا قيراعان ۇيلەر تازالانىپ، جارامدىسى جاڭعىرتۋدان ءوتىپ، تۇرعىندار يگىلىگىنە بەرىلۋدە. بوس تۇرعان تۇرعىن ۇيلەردىڭ جوندەۋدەن ءوتىپ، تۇرعىندار يەلىگىنە تاپسىرىلۋى تىرشىلىك ءدۇبىرىن ءتىپتى جانداندىرا ءتۇستى دەپ جازادى Qamshy.kz اقپارات اگەنتتىگى.
جولداردى جوندەۋ، سۋ قۇبىرلارىن تارتۋ، گاز قۇبىرىن جۇرگىزۋ، اۋىلداردى كورىكتەندىرۋ، اباتتاندىرۋ، بيزنەستى دامىتۋ باعىتىندا ناقتى مىندەتتەر جۇزەگە اسۋدا. اۋداننىڭ مادەني-رۋحاني سالاسى جىلدان-جىلعا جاقسارۋدا. سوڭعى جىلداردىڭ وزىندە قالانىڭ ءبىلىم، مادەنيەت وشاقتارى، كىتاپحانالار زاماناۋي ۇلگىگە ءوتىپ، جاڭا تەحنولوگيامەن جۇمىس ىستەۋگە كوشتى.
بۇگىندە جاڭارعان شاھاردا پاتەر كەزەگىندە تۇرعاندار سانى جەتەرلىك. كەزەككە تۇرعاندار جىل سايىن، قايتا جاڭعىرتۋدان وتكەن ۇيلەردەن پاتەرگە يە بولۋدا. جاڭاتاستىقتارعا قۋانىشتى كۇن ياعني جاڭا قونىس تويىن تويلايتىن كۇن الىس ەمەس. وسىنداي قايتا جاڭعىرتۋدان ءوتىپ جاتقان №2 شاعىن اۋدانداعى 70 پاتەرلى №29-شى ۇيدەگى جۇرگىزىلىپ جاتقان قۇرلىس جۇمىستارىنىڭ بارىسىمەن وبلىس اكىمىنىڭ ءبىرىنشى ورىنباسارى ب.ورىنبەكوۆ تانىسىپ، قۇرىلىس جۇمىستارىنىڭ ساپاسىنا باسا نازار اۋداردى.
قۇرلىس جۇمىستارىن جۇرگىزىپ جاتقان مەردىگەرمەن كەزدەسكەن بەكبولات سەرىكبەك ۇلى پاتەرلەرگە ارنايى كىرىپ كورىپ، تۇرعىنداردىڭ قاۋىپسىزدىگى مەن قايتا جاڭعىرتىلىپ جاتقان كوپقاباتتى ءۇيدىڭ ساپاسىنا جاۋاپكەرشىلىكپەن قاراۋدى مىقتاپ تاپسىردى.
وبلىس اكىمىنىڭ كەلەسى ساپارى سارىسۋ اۋدانى اكىمدىگىنىڭ حالىقتى جۇمىسپەن قامتۋ ورتالىعى بولدى. وندا ورتالىق ديرەكتورى تەمىرلان ابدىرەيەۆ جانە ورتالىق قىزمەتكەرلەرى اتقارىلىپ جاتقان جۇمىستارمەن تانىستىردى. بۇگىنگى تاڭدا قولعا الىنىپ جاتقان اتاۋلى الەۋمەتتىك كومەكتىڭ بەرىلۋى مەن اۋدانداعى جۇمىسپەن قامتۋ ماسەلەسىمەن تۇبەگەيلى تانىسىپ شىققان ب.ورىنبەكوۆ ورتالىقتا كورسەتەتىن مەملەكەتتىك قىزمەتتەردى جانداندىرىپ،»ەڭبەك نتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ باعىتتارى بويىنشا ناقتى تاپسىرمالار بەردى.
پىكىر قالدىرۋ