جامبىل وبلىسىندا «جاسىل ەكونوميكاعا» كوشۋ جۇمىستارى قارقىندى جۇرۋدە. ناتيجەسىندە اۋليەاتا ايماعى ەلىمىزدەگى بالامالى ەنەرگيا كوزدەرىن پايداسىنا جاراتىپ وتىرعان ايماقتاردىڭ كوشىن باستاپ وتىر. اتاپ ايتقاندا، جۋالى اۋدانىنداعى «بۋرنوە-سولار» كۇن ەلەكتر ستانساسى، قورداي اۋدانىنداعى جەل ەلەكتر ستانساسى جانە بىرنەشە سۋ ەلەكتر ستانسالارى تابيعي تازا قۋات وندىرۋگە مۇمكىندىك بەرىپ وتىر. اتالعان نىسانداردىڭ قاتارىن جۋىردا سارىسۋ اۋدانىندا سالىناتىن جەل ەلەكتر ستانساسى تولىقتىرماق دەپ جازادى Qamshy.kz اقپارات اگەنتتىگى. 

قازىرگى ۋاقىتتا سارىسۋ اۋدانى اكىمدىگىنىڭ تۇركىستان اۋىلدىق وكرۋگىنەن بەرىلگەن 233 گەكتار جەر كولەمى «جاڭاتاس جەل ەلەكتر ستانسياسى» ءجشس-نىڭ ۇزاق جىلدار بويى ەل ەكونوميكاسىنىڭ دامۋىنا وزىندىك ۇلەس قوسۋىنا ىقپال ەتپەك.

ينۆەستيسيالىق جوبا اياسىندا جەرگىلىكتى حالىقتىڭ جاعدايىن جاساۋ مەن قاتار الەۋمەتتىك-ەكونوميكالىق دامۋعا ۇلكەن سەرپىن بەرمەك.

بۇل ەلباسىمىزدىڭ جىل سايىنعى قازاقستان حالقىنا جولداۋلارىنداعى وتانعا كەلىپ جاتقان ينۆەستورلارعا قويىلاتىن العى تالاپتاردىڭ ءبىرى.

اۋدانعا ارنايى ىسساپارمەن كەلگەن جامبىل وبلىسى اكىمىنىڭ ءبىرىنشى ورىنباسارى ب.ورىنبەكوۆ وسى «جاڭاتاس جەل ەلەكتر ستانسياسى» جشس-ندە بولىپ، اتقارىلىپ جاتقان اۋقىمدى جۇمىستارمەن تانىستى.

ەلەكتر ستانسياسىنىڭ قۇرىلىسى 2020 جىلعا قاراي تولىعىمەن اياقتالعان سوڭ، وسىندا 40 ادام تۇراقتى جۇمىس ىستەيتىن بولادى. جوبانىڭ قۇنى-130 ملن. اقش دوللارىن قۇراپ وتىر. قۋاتتىلىعى 100 مۆت ەلەكتر ەنەرگياسىن وندىرەدى دەپ كۇتىلۋدە.

قۇرىلىس جۇمىستارىنىڭ العاشقى كەزەڭى باستالعان بۇل جەل ەلەكتر ستانساسى الداعى ۋاقىتتا ورتا ازياداعى جەلدەن ەلەكتر قۋاتىن وندىرەتىن ەڭ ۇلكەن ستانسا بولماق. وسى ستانسادا بولعان ب.ورىنبەكوۆ مەردىگەرلەرمەن تىلدەسىپ، الداعى جوسپارلاردى تالقىلادى.

ساپارى بارىسىندا بەكبولات ورىنبەكوۆ سونداي-اق تۇركىستان اۋىلدىق وكرۋگىنە دە ات باسىن بۇردى. وندا وبلىس اكىمىنىڭ ءبىرىنشى ورىنباسارى وكرۋگ اكىمشىلىگىندە بولىپ، وكرۋگ اكىمى دۇيسەنالى بورسىقوۆ پەن جانە اۋىل قاريالارىمەن جولىقتى.

اتالمىش وكرۋگكە ءاشىر بۇركىتبايەۆ، ارىستاندى، ءۇشباس ەلدى مەكەندەرى كىرەدى. وكرۋگتەگى اقساقالداردىڭ پىكىرلەرىن تىڭداپ، وتىنىشتەرىنە قۇلاق اسقان وبلىس باسشىسىنىڭ ءبىرىنشى ورىنباسارى اۋىل ەل بەسىگى ارقىلى الداعى ۋاقىتتا كوپتەگەن جاقسى جاڭالىقتار ورىن الاتىنىن جەتكىزدى.