جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆ سارىسۋ اۋدانىندا جۇمىس ساپارىمەن بولدى. ساپارى بارىسىندا بەكبولات سەرىكبەك ۇلى بىرنەشە ازاماتتاردى جەكە ماسلەلەرىمەن قابىلداپ، ولاردىڭ ايتقان ۋاجدەرىن تىڭداپ، ونىڭ ورىندالۋ جولدارىن قاراستىردى دەپ جازادى Qamshy.kz اقپارات اگەنتتىگى. 

سودان سوڭ اۋدانىندا جۇمىس ساپارىن قورىتىندىلاۋ بويىنشا اكتيۆ جيىنى ءوتتى. وندا ءتيىستى مەكەمە-كاسىپورىن باسشىلارىن ناقتى تاپسىرمالار بەرىلىپ، جۇمىستى جاۋاپكەرشىلىكپەن اتقارۋ ماسەلەسى قوزعالدى.

سونىمەن قاتار 2019-2020 جىلدارداعى جىلۋ بەرۋ ماۋسىمىنا دايىندىق بارىسى تۋرالى كوشپەلى شتاب وتىرىسىن وبلىس اكىمىنىڭ ءبىرىنشى ورىنباسارى ب.ورىنبەكوۆ جۇرگىزدى. شتاب ءتوراعاسى ءوز سوزىندە:

– بۇگىنگى وتكىزىلىپ وتىرعان شتاب وتىرىسىنىڭ ماقساتى – كومىرمەن قامتۋ نىساندارىن، بيۋدجەتتىك نىسانداردى، ورتالىقتاندىرىلعان جۇيەمەن جىلۋ الاتىن كوپقاباتتى تۇرعىن ۇيلەردى جانە بارلىق ينفراقۇرىلىمدىق جەلىلەردى جىلىتۋ ماۋسىمىنا ۋاقىتىلى جانە ساپالى دايىنداۋ.

وزدەرىڭىزگە بەلگىلى، جىلىتۋ ماۋسىمىندا جىلۋ،ەلەكتر جەلىلەرىندەگى اقاۋلار، ۇزاق-قىسقا مەرزىمدى توقتاۋلار، قازاندىقتارداعى تەحنولوگيالىق ەرەجەلەردىڭ ساقتالماۋى ورىن الىپ جاتقانى بەلگىلى.

الداعى ۋاقىتتا نىسانداردى قايتا جاڭعىرتۋ جانە كۇردەلى جوندەۋگە قاتىستى بيۋدجەتتىك جوبالاردىڭ، وتىن-ەنەرگەتيكا كەشەنى كاسىپورىندار مەن جوسپارلانعان جوندەۋ جۇمىستارىنىڭ، ينۆەستيسيالىق باعدارلامالاردىڭ ۋاقىتىلى ورىندالۋىن، كاسىپورىنداردىڭ دەبيتورلىق-كرەديتورلىق بەرەشەكتەرىنىڭ جويىلۋىن، كوپقاباتتى تۇرعىن ۇيلەردىڭ جىلۋ ەنەرگياسىن قابىلداۋعا تولىق قامتاماسىز ەتۋ قاجەت.

بۇل ماسەلەلەر وبلىستىق شتابتىڭ تۇراقتى باقىلاۋىندا جانە جوعارىدا اتالعان قانداي دا ءبىر كەمشىلىكتەر ءجىتى نازارعا الىنىپ، ولاردى ورىنداماۋ ناتيجەسىندە ءتيىستى شارالار قابىلداناتىن بولادى. سوندىقتان ۇلكەن جاۋاپكەرشىلىكپەن قاراۋدى سۇرايمىن، – دەدى.

ودان كەيىن، سارىسۋ اۋدانى اكىمىنىڭ ورىنباسارى و.كوكەي اۋدانداعى نىسانداردىڭ جىلىتۋ ماۋسىمىنا دايىندىق بارىسىنا توقتالدى.

سارىسۋ اۋدانى بويىنشا ءبىلىم بەرۋ، دەنساۋلىق ساقتاۋ، مادەنيەت جانە سپورت نىساندارىنىڭ دايىندىعى تۋرالى دا مەكەمە باسشىلارىنان وبلىس اكىمىنىڭ ءبىرىنشى ورىنباسارى ب.ورىنبەكوۆ جەكە-جەكە سۇراپ، ناقتى تاپسىرمالار بەردى.

شتاب وتىرىسىن وبلىس اكىمىنىڭ ءبىرىنشى ورىنباسارى ب.ورىنبەكوۆ قورىتىندىلاي كەلە، سارىسۋ اۋدانىنىڭ 2019-2020 جىلدارداعى جىلۋ بەرۋ ماۋسىمىنا دايىندىقتارىن كۇشەيتۋ قاجەتتىگىن قاتاڭ ەسكەرتتى.