بۇگىن جامبىل وبلىسى شۋ قالاسىنداعى ساكەن سەيفۋللين اتىنداعى ورتا مەكتەبىندە «ن.نازاربايەۆ: ءداۋىر،تۇلعا، قوعام» اتتى كوشپەلى كورمەسى جوباسى اياسىندا ايتۋلى شارا ۇيىمداستىرىلدى. اتالعان كورمە اياسىندا قازاقستان رەسپۋبيكاسىنىڭ تۇڭعىش پرەزيدەنتى-ەلباسى كىتاپحاناسى «تۇڭعىش» ەكسكۋرسيالىق كونسەپسياسىنىڭ نەگىزىگىندە كەلۋشىلەر «تاريحي تاڭداۋ.باستاماسى» «تاريحي تاڭداۋ. ۇمتىلىس» «قازاقستاننىڭ سپورتتىق داڭقى» تاقىرىپتىق ەكسكۋرسيالارىن تاماشالادى.

شارا الدىندا ەلباسى كىتاپحاناسىنىڭ ديرەكتورى ءامىرحان راحىمجانوۆ، ورىنباسارى كۇلايشا اقتايەۆا، جامبىل وبلىسى اكىمىنىڭ ورىنباسارى سۇلۋشاش قۇرمانبەكوۆا، اۋدان اكىمى جارىلقاسىن ايتاقوۆ جينالعاندار الدىندا ءسوز سويلەپ، سىي سياپاتتار الماستى. اتاپ ايتقاندا ءامىرحان راحىمجانوۆ شارانىڭ ماڭىزى مەن مازمۇنىنا توقتالىپ، جوبا اۆتورى ساياساتتانۋشى عالىم، كورنەكتى قايراتكەر، ەلباسى نۇرسۇلتان نازاربايەۆتىڭ قاسىندا 30 جىل جۇمىس جاساپ كەلە جاتقان ماحمۇد قاسىمبەكوۆتىڭ دۇعاي سالەمىن جەتىكىزىپ، اۋدان اكىمى جارىلقاسىن ايتاقوۆقا جانە مەكتەپ ديرەكتورى جازيرا شالبايەۆاعا العىس حات تاپسىرىپ، ۇيىمداستىرۋعا ات سالىسقاندارى ءۇشىن العىسىن جەتكىزىپ، ەلباسى تۋرالى قۇندى ەڭبەكتەردى سىيعا تارتتى. سونداي-اق اۋدان باسشىسى جارىلقاسىن ايتاقوۆ تا وڭىرگە كەلگەن مەيماندارعا ريزاشىلىعىن ءبىلدىرىپ، جوبا جۇمىسىنان ساتتىلىك تىلەپ ەلباسى كىتاپحاناسىنا ەستەلىك سىيلىق تابىستادى.

سودان كەيىن كەلۋشىلەر ەلباسى ومىرىنەن سىر شەرتەتىن، حابار بەرەتىن دەرەكتەرمەن تانىسىپ،جادىگەرلەردى جاقىنان كورىپ، تاجىربيەلى نۇسقاۋشىلاردىڭ بايانداماسىن تىڭدادى. اۋدان تۇرعىندارىنا سيرەك كەزدەسەتىن بەينەماتەريالدىڭ، فوتوسۋرەتتەر مەن ارحيۆتىك قۇجاتتار، جادىگەرلەردىڭ بىرەگەي كەشەنى ۇسىنىلىپ، كەلۋشىلەرگە ەرەكشە اسەر سىيلادى.ال، ءامىرحان مۇراتبەك ۇلى ءار اۋديتوريانى ارالاپ، كەلۋشىلەرمەن سۇحباتتاستى. جوبانىڭ ماقساتى مەن مىندەتىن ءتۇسىندىردى.

قورداي اۋدانىنىڭ ءالجان انا اۋىلىنان باستاۋ العان كوشپەلى كورمە جوباسى شۋ اۋدانىنا ايالداعاننان كەيىن تاراز قالاسىندا شوقتىعى بيىك شارالارمەن جالعاساتىن بولادى.

كورمە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ اتالمىش كوشپەلى كورمە جوباسىنىڭ باستى وقيعاسى بولىپ تابىلادى. جوبا اياسىندا حالىقارالىق عىلىمي-تاجىريبەلىك كونفەرەنسيا، عىلىمي-تاجىريبەلىك سەمينار، دوڭگەلەك ۇستەل، سەمينار-ترەنينگتەر، «اشىق كەڭىستىك» فورماتىنداعى ينتەراكتيۆتى سۇحبات، كورمە بويىنشا شولۋ جانە تاقىرىپتىق ەكسكۋرسيالار، سونىمەن قاتار اتىراۋ وبلىسى بويىنشا كوشپەلى ەكسكۋرسيالار ۇيىمداستىرىلادى. ەلباسى كىتاپحاناسىنىڭ تاجىريبەسىندە «جادىگەرلەر سويلەيدى» توپتاماسىنان كوشپەلى دارىستەر، مۋزەي ساباقتارى، كوشپەلى ەكسكۋرسيالار ءتارىزدى مادەني-اعارتۋشىلىق قىزمەتىنىڭ ەرەكشە تۇرلەرى بەلسەندى قولدانىلىپ كەلەدى. ولار جادىگەرلەر مازمۇنىن بايانداپ قانا قويماي، سونداي-اق تاريحي ارتەفاكتىلەرمەن تانىسۋعا مۇمكىندىك بەرەدى.