جامبىل وبلىسى مەركى اۋدانىنداعى №5 اقارال جالپى ءبىلىم بەرەتىن مەكتەپ-گيمنازياسىنىڭ «جاس قىران» جاساعى قاراعاندى قالاسىندا وتكەن رەسپۋبليكالىق جاس قوزعالىس ينسپەكتورلارى، 19ء-شى عازيز بايتاسوۆ اتىنداعى سلەتكە قاتىسىپ قايتتى دەپ جازادى Qamshy.kz اقپارات اگەنتتىگى. 

جامبىل وبلىسىنىڭ نامىسىن قورعايتىن، وبلىستىڭ اتىنان قاتىسۋ قۇرمەتى كەز-كەلگەن كومانداعا تاپسىرماسى انىق. بۇعان دەيىن وتكىزىلگەن اۋداندىق جانە وبلىستىق بايقاۋ جەڭىمپازى اتانىپ، باس جۇلدەنى جەڭىپ العان «جاس قىران» جاساعى رەسپۋبليكالىق سلوتكە قاتىساتىنىن ەستىگەندە، قالايدا سەنىمەن شىعۋ ءۇشىن، دايىندىقتى جازعى دەمالىس كەزىندە دە جالعاستىردى.

قاراعاندى قالاسىندا وتكەن 19-شى رەسپۋبليكالىق عازيز بايتاسوۆ اتىنداعى سلەتكە قازاقستان قۇراما كومانداسى، بەلورۋس رەسپۋبليكاسى، قىرعىزستان، رەسەيدەن، نۇر-سۇلتان قالاسىنان، الماتى، تۇركىستان، اقمولا، اقتوبە، اتىراۋ، شىعىس قازاقستان، باتىس قازاقستان، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان، تۇركىستان جانە جامبىل وبلىسىنىڭ جاس ينسپەكتورلارىنان جاساقتالعان كوماندالارى قاتىستى.

سلەت بارىسىندا «جاس قىراندار» «جولدا ءجۇرۋ ەرەجەلەرىنىڭ بەلگىلەرى»، «جاس ۆەلوسيپەدشى»، «جاس سانيتار»، «جاس ەرۋديت»، «اشىق ءۇزىلىس»، «ۇگىت بريگاداسى»، «اشىق اۋىسىم»، «ساپتا ءجۇرۋ»، «جاس رەتتەۋشى»، «اۆتوقالاشىقتى ايداۋ» سياقتى بايقاۋلاردا ب ا ق سىنادى. ەڭ ماڭىزدىسى، «جاس قىران» كومانداسى سلەتكە باراردا عازيز بايتاسوۆ تۋرالى تاراز قالاسىنا بارىپ، ەسكەرتكىشتەرىنە گۇل شوقتارىن قويىپ، مونولوگ وقىپ ۆيدەوروليك تۇسىرگەن بولاتىن. وسى روليكتى قورعاپ، ساحنادا عازيز بايتاسوۆ جايلى تەاترلاندىرىلعان كورىنىس قويىپ، ءبۇل كورىنىسكە جەتەكشى عابيت ايتبايەۆ قاتىسىپ، كونسەرت قويىپ، ءان ايتىلىپ، جىر وقىلدى. ع. بايتاسوۆ تۋرالى مونولوگ وقىلعاندا كورەرمەندەر كوزىنە جاس الىپ وتىردى. بۇل جامبىل وبلىسىنان بارعان «جاس قىران» كومانداسىنىڭ ونەرلى وقۋشىلار ەكەنىن كورسەتتى. ۆەلوسيپەد ايداپ، تەست تاپسىرىپ، جەتەكشى ع.ايتبايەۆ ساباق كورسەتىپ، بارلىق بايقاۋلارعا بەلسەنە قاتىستى.

سلەت جۇمىسى دا اياقتالار كۇنى ءار بايقاۋ بولەك باعالانىپ، سلەت ءتارتىبى بويىنشا قازىلار القاسى بارلىق كوماندالاردى ماقتاۋ قاعازدارى مەن ءتۇرلى سەرتيفيكاتتارمەن ماراپاتتالدى. بارلىق وقۋشىلارعا ەستەلىك رەتىندە سلەتتىڭ بارلىق كۇنىنەن فوتوسۋرەتتەر جانە فلەشكالار سىيعا بەرىلدى.