«Nur Otan» پارتياسى سارىسۋ اۋداندىق فيليالىنا قاراستى «قاراتاۋ» باستاۋىش پارتيا ۇيىمىندا پارتيا جامبىل وبلىستىق فيليالى قوعامدىق قابىلداۋ ءبولىمىنىڭ مەڭگەرۋشىسى ءۇمىت يبرايىموۆا «حالىققا كومەك» پارتيالىق جوباسى اياسىندا كوشپەلى قوعامدىق قابىلداۋ وتكىزدى دەپ جازادى Qamshy.kz اقپارات اگەنتتىگى.
كوشپەلى قوعامدىق قابىلداۋعا پارتيا بەلسەندىلەرى مەن ءتيىستى مەكەمە باسشىلارى قاتىستى. قابىلداۋ بارىسىندا ساۋداكەنت اۋىلىنىڭ تۇرعىنى گۇلبارشىن تاۋەكەلوۆا قازىرگى كەزدە "قازپوشتا" اق-نىڭ اۋداندىق بولىمشەسىندە جۇمىس ىستەيتىندىگىن، دەگەنمەندە ماماندىعى بويىنشا جۇمىس اتقارعىسى كەلەتىندىگىن جەتكىزدى. ءوتىنىش يەسىنە اۋداندىق حالىقتى جۇمىسپەن قامتۋ ورتالىعى ديرەكتورىنىڭ ورىنباسارى باقىتكۇل بەيسەنبەكوۆا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان "ەڭبەك" مەملەكەتتىك باعدارلاماسى اياسىندا جۇمىسقا تۇرۋ مۇمكىندىكتەرى تۋرالى كەڭىنەن ءتۇسىندىرۋ جۇمىسىن جۇرگىزدى.
جاڭاتاس قالاسىنىڭ تۇرعىنى ايجان ۇسەنوۆا تۇرمىستىق جاعدايىنا بايلانىستى قىسقى قاجەتتى وتىن-سۋ الۋعا مۇمكىندىگى بولماي وتىرعانىن جەتكىزىپ، كومەك بەرۋدى سۇرادى. اتالعان ماسەلە بويىنشا قالا اكىمىنىڭ مىندەتىن اتقارۋشى تالعات تولەبايەۆ قىركۇيەك ايىنىڭ سوڭىنا دەيىن ءوتىنىش يەسىنە قاجەتتى كومەك بەرىلەتىندىگىن جەتكىزدى.
كەلەسى قالا تۇرعىنى ايجان ماحامبەتوۆا ءوزىنىڭ كوپ بالا انا ەكەندىگىن، مەكتەپ جاسىنداعى بالالارىنا وقۋعا قاجەتتى كيىم-كەشەك الۋعا كومەك سۇرادى. ءوتىنىش يەسىنە پارتيا اۋداندىق فيليالى تاراپىنان ءتيىستى كومەك كورسەتىلدى.
قالا تۇرعىنى ءلاززات كومەكوۆادا مەكتەپ جاسىنداعى قىزىنا وقۋعا قاجەتتى قۇرالدار الۋعا كومەك سۇرادى. ءوتىنىش بىلدىرۋشىگە پارتيا اۋداندىق فيليالى تاراپىنان قاجەتتى كومەك بەرىلدى.
قالا تۇرعىنى ايشا جاڭبىربايەۆا تۇرمىستىق جاعدايىنا بايلانىستى مەكتەپ جاسىنداعى بالاسىنا وقۋعا قاجەتتى قۇرال-جابدىقتار الۋعا مۇمكىندىگى بولماعانىن جەتكىزىپ، كومەك بەرۋدى سۇرادى. بۇل ءوتىنىش يەسىنە پارتيانىڭ وبلىستىق ءماسليحاتتاعى دەپۋتاتتىق فراكسياسىنىڭ مۇشەسى، "قاراتاۋ" تاۋ-كەن وڭدەۋ كەشەنىنىڭ ديرەكتورى مۇراتقالي سارسەنوۆ ءوز كومەگىن كورسەتتى.
كەلەسى قالا تۇرعىنى نۇرسۇلتان ەرمەك جاقىندا جوعارعى وقۋ ورنىن ءبىتىرىپ كەلگەندىگىن، قازىرگى كەزدە جۇمىسسىز ەكەندىگىن جەتكىزىپ، جۇمىسقا تۇرۋعا كومەك بەرۋدى سۇرادى. ءوتىنىش يەسىنە اۋداندىق حالىقتى جۇمىسپەن قامتۋ ورتالىعى ديرەكتورىنىڭ ورىنباسارى باقىتكۇل بەيسەنبەكوۆا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان "ەڭبەك" مەملەكەتتىك باعدارلاماسى اياسىندا جۇمىسقا تۇرۋ مۇمكىندىكتەرى تۋرالى ءتۇسىندىردى. قوعامدىق قابىلداۋدى قورىتىندىلاعان ءۇمىت سەرىك قىزى الداعى ۋاقىتتادا وسىنداي كوشپەلى قابىلداۋلار بولاتىندىعىن جەتكىزدى.
