ق ر پرەمەر-مينيسترىنىڭ ورىنباسارى جەڭىس قاسىمبەك قازاقستان اۋماعىندا سالىناتىن جۇڭگو زاۋىتتارىنا قاتىستى تۇسىنىك بەردى، دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
ۇكىمەت ۇيىندەگى باسپا ءسوز ءماسليحاتىندا جەڭىس قاسىمبەك يندۋستريالاندىرۋ اياسىندا جۇزەگە اسىرعالى وتىرعان 55 قازاق-قىتاي بىرلەسكەن جوباسى بار ەكەنىن ايتتى. ونىڭ سوزىنشە، قىتايدان ەشقاندايدا زاۋىت كوشىرىلمەيدى، جوبالاردىڭ بارلىعى جاڭادان سالىنادى.
"ءار نىسان بويىنشا ناقتى ايتا الامىن. جۋىردا عانا قاپشاعاي ماڭىندا كۇن ەنەرگياسى وندىرىلەتىن بالامالى ەنەرگەتيكالىق ستانسا سالىندى. وندا ىستەيتىن 30 جۇمىسشىنىڭ بارلىعى قازاقستان ازاماتتارى. ءبىز بىرتىندەپ بالامالى ەنەرگەتيكاعا وتەمىز. جىل سوڭىنا دەيىن كۇن جانە جەل ەنەرگياسى ەسەبىنەن 1000 مەگاۆاتت ەنەرگيا وندىرىلەدى. بۇل الەمدىك ترەند. ءبىز ودان تىس قالا المايمىز. وسىلاي ءار كاسىپورىن تۋرالى تولىق اقپارات بەرە الامىن" دەدى ول.
ونىڭ ايتۋىنشا، جوبالار تۋرالى بارلىق اقپارات يندۋستريا جانە ينفراقۇرىلىمدىق دامۋ مينيسترلىگىنىڭ رەسمي سايتىندا تۇر.
"بۇل دەرەكتەر جەلىدە، مينيسترلىك سايتىندا وسىدان ەكى جىل بۇرىن شىققان. ەشقانداي قۇپيا جوق. ايتا كەتكىم كەلەتىنى، قىتايدان ەلگە ەشقاندايدا "لاس" نەمەسە ەسكى كاسىپورىن كەلمەيدى. بارلىق كاسىپورىندار جاڭا. وسى زاۋىتتار اياسىندا 20 مىڭ جۇمىس ورنىن اشۋ جوسپارلانعان" دەپ اتاپ ءوتتى قاسىمبەك.
پىكىر قالدىرۋ