ءقازىر ەۋروپادا تۇرىپ جاتقان قازاقستاننىڭ بۇرىنعى پرەمەر-مينيسترى اكەجان قاجىگەلدين قازاقستاندى 30 جىلعا جۋىق ۇزدىكسىز بيلەگەن نۇرسۇلتان نازاربايەۆپەن شەتەلدە كەزدەسكەنى تۋرالى ايتتى، دەپ جازادى Qamshy.kz اقپارات اگەنتتىگى. بۇل تۋرالى قاجىگەلدين ازاتتىق راديوسىنا بەرگەن سۇحباتىندا ايتتىپ بەردى.  

قاجىگەلديننىڭ سوزىنشە، ول نازاربايەۆپەن شەتەلدە جۇرگەن كەزىندە كەزدەسكەن، نازاربايەۆ ودان كەشىرىم سۇراعان. 

"مەن ول كىسىگە (رەد. نازاربايەۆقا) ايتتىم. نۇرەكە، ءسىزدىڭ ەڭ باستى قيىنشىلىعىڭىز - ءسىز حالىقتى، قازاقتى ءبولىپ ءجۇرسىز. جانىڭىزدا راحات (نازاربايەۆتىڭ ۇلكەن قىزى داريعا نازاربايەۆانىڭ كۇيەۋى) بار، تيمۋر (نازاربايەۆتىڭ ەكىنشى قىزى دينارا نازاربايەۆانىڭ كۇيەۋى) بار، مەن نەگە جوقپىن. مەنىڭ كىنام نەدە؟ مەنىڭ سىزگە سىن ايتقانىمدا ما؟ ءسىز مەنى قىزمەتكە شاقىرعاندا كەلىسىپ ەدىك قوي. "مەن سىزگە ۇناسىن، ۇناماسىن شىندىقتى ايتىپ تۇرامىن دەگەنمىن. ءسىز سوندا "جارايدى، مەيلى" دەگەنسىز دەپ ايتتىم. سوندا ول كىسى (رەد. نازاربايەۆ) مەنەن كەشىرىم سۇرادى عوي. ايتتى، "اينالايىن، كەشىر. ءبىزدىڭ بارلىق جاساعان تىرشىلىك ارتىق بولىپ كەتتى" دەدى. سونى مويىنداي دا، كەزدەسۋدەن شىققان سوڭ باسقاشا جاسايدى"، دەيدى قاجىگەلدين. 

سونىمەن قاتار قىجىگەلدين سۇحبات بارىسىندا ەلدەگى باسقا دا ساياسي احۋالدارعا قاتىستى پىكىرىن ايتتى.