جامبىل وبلىسىنىڭ مەملەكەتتىك ارحيۆىندە ءوڭىردىڭ تاريحى جايىنداعى مول مالىمەتتەر بار. ءقازىر بۇل مالىمەتتەردىڭ سيفرلىق فورماتقا كوشىرۋ جۇمىستارى قارقىندى جۇرگىزىلۋدە، دەپ جازادى Qamshy.kz اقپارات اگەنتتىگى. 

قازاق مادەنيەتى مەن رۋحانياتىنا تىڭنان تۇرەن سالعان ەلباسى-تۇڭعىش پرەزيدەنت نۇرسۇلتان نازاربايەۆتىڭ «ۇلى دالانىڭ جەتى قىرى» اتتى ماقالاسىندا تاريحي سانانى جاڭعىرتۋ ماسەلەسىنە ەرەكشە توقتالعانى بەلگىلى. سونىڭ ناتيجەسىندە ەل تاريحىن تانۋعا قاتىستى بىردەن-بىر بالاماسى جوق باعدارلاما «ارحيۆ-2025» باعدارلاماسىن دايىنداۋ ىسىنە قوزعاۋ سالىندى. بۇل ورايدا جاڭا باعدارلاما شاراپاتىن سەزىنۋدەن وبلىستىڭ 80 جىلدىق تاريحىنان بولەك وڭىردەن شىققان تانىمال ازاماتتاردىڭ ومىردەرەگى قامتىلعان بىرنەشە قورى بار جامبىل وبلىستىق مەملەكەتتىك ءارحيۆى دە شەت قالماۋدان ءۇمىتتى. بۇگىندە وبلىستىق ارحيۆتەگى ارحيۆتىك قۇجاتتاردى مەملەكەتتىك ساقتاۋدى ۇيىمداستىرۋدا 17 قور قىزمەت كورسەتەدى. بۇل قورلار 4646 ساقتاۋ بىرلىگىنەن تۇرادى. مۇنان بولەك 2705 ساقتاۋ بىرلىگى بار باسقارۋ قۇجاتتاماسى ، 1916 ساقتاۋ بىرلىكتەن تۇراتىن جەكە قۇرام، 25 ساقتاۋ بىرلىكتەن تۇراتىن جەكە تەكتىك قۇرام مەن 4 جاڭا قور جاساقتالعان. وبلىستىق ءارحيۆوز قىزمەتىن ءمىنسىز ۇيىمداستىرۋدا مەملەكەتتىك مەكەمەلەرمەن، زاڭدى تۇلعالاردىڭ ارحيۆتەرىمەن بايلانىستى بەرىك جولعا قويعان. ماسەلەن وتكەن جىلى وبلىستىق مەملەكەتتىك ارحيۆ 168 مەكەمەمەن سەرىكتەس اتانعان. ءقازىر ارحيۆ قورىنداعى قۇندى مالىمەتتەر ەلەكتروندىق فورماتقا كوشىرىلۋدە.

وتكەن جىلى ءوڭىر تاريحىن زەرتتەۋگە، تىڭ دەرەكتەرمەن تولىقتىرۋعا ولاردى حاتتاپ كەلەر ۇرپاققا قالدىرۋعا ءوز ۇلەسىن قوسقان جامبىل ارحەولوگيالىق پۋنكتىنىڭ اشىلعانىنا 80 جىل تولدى. مەرەيتويعا وراي وبلىستىق مەملەكەتتىك ءارحيۆتىڭ اتسالىسۋىمەن «تاراز:ارحەولوگيالىق زەرتتەۋلەر (1938-1945)» جىل اتتى كىتاپ وقىرماندارىنا جول تارتتى.

ءقازىر جامبىل وبلىسى اۋماعىنداعى تاراز قالالىق مەملەكەتتىك ارحيۆىندە «ەلەكتروندىق ارحيۆ» جوباسى ءتيىمدى جۇزەگە اسىرىلۋدا. «ەلەكتروندىق ۇكىمەتتى» قالىپتاستىرۋ ماقساتىندا 2012 جىلى قولعا الىنعان باستاما اياسىندا ارحيۆ قورىنداعى قاعاز نەگىزدى قۇجاتتار سكانەرلەنىپ ەلەكتروندىق فورماتقا كوشىرىلۋدە. ايتا كەتۋ كەرەك بۇل مەكەمەنىڭ قورىندا 106 قوردا 31 473 ساقتاۋ بىرلىگى بار. 2012 جىلدان باستاپ مۇندا «قۇرمەتتى ازاماتتار»، «ۇلى وتان سوعىسىنىڭ ارداگەرى»، «ەرلىگى–ەلگە مۇرا، ۇرپاققا –ۇران»، «تاراز قالاسىنىڭ سپورت تارلاندارى» سىندى جەكە تەكتىك قۇجاتتار توپتاماسىنان قۇرالعان قور اشىلدى.