بۇعان دەيىن حابارلانعانداي، جاڭا مارشرۋتتىق جەلى 10 قىركۇيەكتەن باستاپ ىسكە قوسىلادى. الايدا ۇيىمداستىرىلعان باسپا ءسوز ءماسليحاتىندا كولىك ءبولىمىنىڭ وكىلدەرى جاڭا اۆتوبۋستار قالا بويىنشا 7 قىركۇيەكتەن باستاپ قاتىنايتىن بولادى دەپ حابارلادى.

–  29 تامىزدا قالالىق كولىك مارشرۋتتارىنا قىزمەت كورسەتۋ بويىنشا جالپى كونكۋرس ءوتتى. ءبىر اپتا بويى بايقاۋدىڭ قورىتىندىسى شىعارىلدى. بۇگىنگى كۇنى كەلىسىمشارتتار دايىن. ءبىز جاڭا مارشرۋتتىق جەلى 10 قىركۇيەكتە ىسكە قوسىلادى دەپ ايتتىق. قالا باسشىلىعىمەن اقىلداسىپ، دەمالىس كۇندەرى بارلىق ولقىلىقتاردى رەتتەۋ ءۇشىن 7 قىركۇيەك كۇنى ىسكە قوسۋدى دۇرىس دەپ شەشتىك، – دەيدى جولاۋشىلار كولىگى ءبولىمىنىڭ باسشىسى سەرىكقالي جۇمانوۆ.

قالا بويىنشا بارلىعى 321 اۆتوبۋس جۇرەتىن 42 مارشرۋت جۇمىس ىستەيدى.
مارشرۋتتارعا ءۇش تاسىمالداۋشى قىزمەت كورسەتەدى: "سەمەي" اۆتوبۋس پاركى، تاكسي پاركى جانە "سەمەي Bus" ج ش س.

قازىرگى 4، 5، 8 "جاسىل" اۆتوبۋستارعا كەلەتىن بولساق، ولار ادەتتەگى باعىت بويىنشا جۇمىستى جالعاستىرادى.

– بۇل تاسىمالداۋشىلار كونكۋرسقا 2018 جىلى قاتىستى. ولارمەن شارت 10 جىلعا دەيىن جاسالدى. ياعني، 2028 جىلعا دەيىن ولار بار باعىت بويىنشا قوزعالىس جاسايتىن بولادى، – دەدى جولاۋشىلار كولىگى ءبولىمىنىڭ سەكتور مەڭگەرۋشىسى نازىم جامبولاتوۆا.