ەلباسىنىڭ «بولاشاققا باعدار:رۋحاني جاڭعىرۋ» باعدارلامالىق ماقالاسىندا ايتىلعان «جاھانداعى زاماناۋي قازاقستاندىق مادەنيەت» جوباسىنا جامبىلدىق ونەرپازدار دا ءوز ۇلەستەرىن قوسىپ ءجۇر. جامبىلدان شىققان ونەرلى ورەندەر بىرىككەن اراب امىرلىكتەرى، ماكەدونيا، تۇركيا مەملەكەتتەرىندە رەسپۋبليكا مەن ءوڭىر اتىن ايگىلەپ ءجۇر، دەپ جازادى Qamshy.kz اقپارات اگەنتتىگى.
«بولاشاققا باعدار:رۋحاني جاڭعىرۋ» باعدارلاماسىندا ەلباسى قازاقستاننىڭ ءححى عاسىردىڭ جاھاندىق كارتاسىندا ەشكىمگە ۇقسامايتىن، دەربەس ورنى بار مەملەكەت رەتىندە قالىپتاسۋى ءۇشىن «جاھانداعى زاماناۋي قازاقستاندىق مادەنيەت» جوباسىن ىسكە اسىرۋدىڭ ءمان-مازمۇنىنا ايرىقشا توقتالعانى ءمالىم. الەم ەلدەرى وسى جوبا تولىعىمەن ىسكە اسىرىلعاندا عانا قازاقستاننىڭ مادەني جەتىستىكتەرىنە باسىن يەدى. مىنە اتالعان جوبا قولعا الىنعان از ۋاقىت ىشىندە الەم ساحناسىندا قازاق ونەرپازدارى جارقىراي شىقتى. ولاردىڭ قاتارىندا جامبىلدىقتار دا از ەمەس.
–كەنەن ازىربايەۆ اتىنداعى وبلىستىق فيلارمونياسىنىڭ «بالاۋسا» سيركىنىڭ ارتيستەرى يلياس راحمانقۇلوۆ پەن تالاپ تاۋبەكوۆ بىرىككەن اراب امىرلىكتەرىنىڭ دوحا قالاسىندا جالاۋىنكەرگەن «MAGIC FESTIVAL–2018» فەستيۆالىندە جۇلدەگەرلەر قاتارىنان تابىلدى. ال ماكەدونيانىڭ ۆەلەس قلاسىندى ۇيىمداستىرىلعان «ستوبي–2018» حالىقارالىق تەاترالدىق دراما فەستيۆالىندە وبلىستىق دراما تەاترىنىڭ اكتەرى بەكنازار ءىزباساروۆ «ەڭ ۇزدىك ەر ادام ءرولى» اتالىمىن يەلەندى. مۇنان بولەك بولەك شۋ اۋدانىنىڭ «اسەم اۋەن» فولكلورلىق ءانسامبلى تۇركياداعى «انادولۋ»بايقاۋىنا قاتىسىپ،ءوز ونەرلەرىن كورسەتتى،–دەيدى وبلىس اكىمدىگىنىڭ مادەنيەت جانە قۇجاتتاما باسقارماسىنىڭ باسشىسى دۇيسەنالى بىقىبايەۆ.
قازاق ونەرىن، جەرگىلىكتى مادەنيەتتىڭ وزىق ۇلگىسىن الەمگە تانىتىپ جۇرگەن ءجامبىلدىقارتىس بەكنازار ءىزباساروۆتىڭ تەاتر ساحناسىندا جۇرگەنىنە 30 جىلع جۋىقتادى. ونەر جولىن جاسوسپىرىمدەر تەاترىنىڭ ساحناسىنان باستاعا ول كەيىننەن تەاترسۇيەر كورەرمەنگە باۋىرجان مومىش ۇلىنىڭ، شىڭعىسحاننىڭ وبرازدارى ارقىلى تانىمال بولدى. ەرتەگىلەردىڭ باستى كەيىپكەرلەرىن سومداۋ ارقىلى دا بەكنازار تەاتردىڭ جاس كورەرمەندەرىنىڭ كوزايىمىنا اينالدى. ال كەنەن ازىربايەۆ اتىنداعى وبلىستىق فيلارمونياسىنىڭ «بالاۋسا» سيركىنىڭ ارتيستەرى يلياس راحمانقۇلوۆ پەن تالاپ تاۋبەكوۆتىڭ ەسىمى وبلىس ەرەكشە ونەر يەلەرى رەتىندە تانىمال.
