جامبىل وبلىسىنىڭ جۋالى اۋدانىندا ەكوتۋريستەرگە قىزمەت كورسەتۋ، ولاردىڭ الاڭسىز دەمالىسىن ۇيىمداستىرۋ ماسەلەسى تالقىلاندى. شارانى ۇيىمداستىرۋعا «قازاقستاننىڭ تۋريستىك قاۋىمداستىعى» مۇرىندىق بولعان شارادا ەكو جانە اگروتۋريزمدى دامىتۋ توڭىرەگىندەگى تۇيتكىلدەر تالقىلاندى، دەپ جازادى Qamshy.kz اقپارات اگەنتتىگى. 

اۋداندىق مادەنيەت ۇيىندە وتكەن جيىنعا وڭىردەگى تۋريستەرگە قىزمەت ۇسىنۋدى جولعا قويعان 20 كاسىپكەر قاتىستى. ولارعا گەرمانيانىڭ اۋىلدىق تۋريزم بويىنشا وقىتۋ تۋرىنىڭ قاتىسۋشىسى، «Travelife» ەۋروپالىق تۇراقتى دامۋ تۋريزم جەلىسىنىڭ مۇشەسى كسەنيا شيەۆسوۆا جانە قازاقستان تۋريستىك قاۋىمداستىعىنىڭ ەكوتۋريزم اقپاراتتىق رەسۋرستىق ورتالىعىنىڭ ۇيلەستىرۋشىسى، ورتالىق ازيا وڭىرلەرىندە اۋىل ءتۋريزمىن دامىتۋ جونىندەگى ەو جوباسىنىڭ مەنەدجەرى، اۋىل ءتۋريزمىنىڭ ءادىسناماسى بويىنشا جاتتىقتىرۋشى الينا داۋلەتباكوۆا ءدارىس وقىدى. سونداي-اق دارىسكەرلەر كاسىپكەرلەرگە ەكوتۋريستەردى قابىلداۋ مەن قوناقجايلار اشۋدىڭ ماڭىزدىلىعى جانە ءقوناق-ۇي قىزمەتىنىڭ تابىستىلىعىن ارتتىرۋدى قۇپياسىمەن ءبولىستى.

سەميناردا، تۋريستەرگ جوعارى دارەجەدە قىزمەت كورسەتۋدىڭ زاماناۋي ۇلگىلەرى، تاماقتاندىرۋ جانە اس ءمازىرىن ازىرلەۋ ەرەكشەلىكتەرى سىندى باستى ماسەلەلەر قامتىلدى. ءوز كەزەگىندە بۇل ماسەلەلەر قوناق ءۇي بيزنەسىن تابىستى ەتۋدىڭ العىشارتى سانالادى.

جيىن بارىسىندا كاسىپكەرلەردى وبلىس اكىمدىگىنىڭ تۋريزم باسقارماسىنىڭ باسشىسى قارلىعاش ارالبەكوۆا جۋالى اۋدانىندا قولعا الىنعان «قارالما تاۋ-شاڭعى بازاسىمەن» تانىستىردى. جىلىنا 40 مىڭنان اسا ءتۋريستى قابىلداۋعا قاۋقارلى جوبا ءوڭىر ءتۋريزىمىن دامىتۋدا بالاماسى جوق باستاما سانالدى. سوندىقتان كەشەن اۋماعىندا تۋريستەر تالعامىنا ساي ساپالى قىزمەت كورسەتۋ ورىندارىن ۇيىمداستىرۋ قاجەتتىلىگى تۋىندايدى. دەمەك بۇل ىسكە ءوڭىر كاسىپكەرلەرىنىڭ دە تارتىلعانى ءجون. سول سەبەپتەن دە وبلىس اكىمدىگىنىڭ تۋريزم باسقارماسىنىڭ باسشىسى قارلىعاش ارالبەكوۆا جيىنعاقاتىسقان كاسىپكەرلەردى «قارالما تاۋ-شاڭعى بازاسىن» قىزمەت كورسەتۋ ورىندارىن اشۋعا شاقىردى.

جالپى جۋالى اۋدانىندا ەكولوگيالىق ءتۋريزمدى دامىتۋدىڭ بارلىق مۇمكىندىكتەرى بار. جازعا دەيىن باسىنان باسىنان قار كەتپەيتىن اسقار تاۋ بوكتەرىمەن جانعا جايلى كليمات بۇگىنگى تۋريزم نارىعىنىڭ نەگىزگى نىسانى اينالعالى تۇر. تەك بۇل ىستە تۋريستەرگە قىزمەت كورسەتۋ سالاسىن وڭتايلى ۇيىمداستىرا ءبىلۋ قاجەت-اق.