اقپاراتتىق اشىقتىق پرينسيپىنە سۇيەنە وتىرىپ، «الماتى سۋ» مەملەكەتتىك كوممۋنالدىق كاسىپورنى اۋىز سۋ مەن كارىز قىزمەتىنە قاتىستى سۇراقتاردى شەشۋ ماقساتىندا حالىقپەن تىكەلەي كەرى بايلانىس قۇرۋدى ۇيىمداستىرىپ وتىر، دەپ حابارلايدى Qamshy.kz اقپارات اگەنتتىگى almaty.gov.kz سايتىنا سىلتەمە جاساپ.

وسىلايشا ءار تۇتىنۋشى مەكەمە باسشىسىمەن كەزدەسىپ، ماسەلەلەرىن شەشىپ الۋعا مۇمكىندىگى تۋادى.

تۇتىنۋشىلاردى ءار ايدىڭ ەكىنشى بەيسەنبىسىندە جاروكوۆ، 196 كوشەسىندە ورنالاسقان «الماتى سۋ»-دىڭ ورتالىق كەڭسەسىندە قابىلدايدى.

العاشقى «اشىق ەسىك كۇن» 12 قىركۇيەك كۇنى ساعات 10.00-دەن 13.00-گە دەيىن وتەدى.

سونىمەن قاتار، تۇتىنۋشىلار مەن زاڭدى تۇلعالاردى قابىلداۋ اۋدانداردا ورنالاسقان مەكەمەنىڭ 4 تۇتىنۋشىلاردى قابىلداۋ بولىمشەلەرىندە دە جۇرگىزىلەدى. مۇندا 50 قابىلداۋ تەرەزەسى جۇمىس ىستەيدى.

قاشىقتىقتان كەڭەس الۋعا دا بولادى. ول ءۇشىن 3-777-444 تەلەفونىنا حابارلاسۋعا بولادى.