«بارسەلونا» فۋتبولشىسى باس بوستاندىعىنان ايرىلدى دەپ جازادى Qamshy.kz اقپارات اگەنتتىگى.
"بارسەلوناعا" تيەسىلى "يستانبۋل باشاكشەحير" كلۋبىنىڭ جارتىلاي قورعاۋشىسى اردا تۋران 2،8 جىلعا باس بوستاندىعىنان ايىرىلدى. وعان سوت تاپانشادان اتۋ، زاڭسىز قارۋ-جاراق ۇستاۋ جانە قاساقانا دەنە جاراقاتىن سالۋ بويىنشا 2،8 جىلعا باس بوستاندىعىنان ايىردى. دەگەنمەن "جىنىستىق قاتىناسقا يتەرمەلەۋ" بويىنشا تاعىلعان ايىپتى جوققا شىعاردى.
تۇرىك فۋتبولشىسى جىنىستىق قاتىناسقا يتەرمەلەدى، زاڭسىز قارۋ-جاراق ۇستادى، ومىرگە ءقاۋىپ ءتوندىردى جانە قاساقانا دەنە جاراقاتىن سالدى دەپ ايتىپتالعان بولاتىن.
بىلتىر اردا تۋران ستامبۇلدىڭ تۇنگى كلۋبتارىنىڭ بىرىندە تانىمال تۇرىك ءانشىسى بەركاي ءشاحيننىڭ جۇبايىنا ءتيىسىپ، كەيىن ءانشىنىڭ وزىمەن توبەلەسكەن. سودان كەيىن فۋتبولشى اۋرۋحاناعا ءتۇسىپ قالعان انشىگە تاپانشامەن كەلىپ، كەشىرىم سۇراپتى.
"سەنىڭ جۇبايىڭ ەكەنىن بىلگەن جوقپىن. كەشىر، مەنى اتىپ تاستاساڭ بولادى"، - دەپ تاپانشاسىن قالدىرىپ كەتكەن.
پىكىر قالدىرۋ