ءماجىلىس دەپۋتاتى بەكبولات تىلەۋحان قازاقستانداعى ءبىلىم بەرۋ جۇيەسىن قاتاڭ سىنعا الدى، دەپ جازادى Qamshy.kz اقپارات اگەنتتىگى. ءماجىلىس دەپۋتاتىنىڭ پىكىرىنشە، كەلەشەك ۇرپاق ءۇشىن ءبىلىم بەرۋ جۇيەسىن تۇبەگەيلى وزگەرتۋ كەرەك.

"ماسەلە جۇيەدە. جۇيە – قاسكوي جۇيە. مۇنداي جامان جۇيە جوق. تالاي پروبلەمانى ايتىپ ءجۇرمىز. جۇمىسسىزدىقتى ايتىپ جاتىرمىز. جەمقورلىقتى ايتامىز. ماسىلدىق دەيمىز. ەلىمجاندىقتىڭ جوقتىعى دەيمىز. وسىنىڭ ءبارى دە پروبلەما شىعار. ءبىراق بۇل ءبىلىم جۇيەسىنەن ماڭىزدى پروبلەما ءبىزدىڭ ۇرپاق ءۇشىن جوق. ادامنىڭ ءومىر جولىنىڭ تابالدىرىعى مەكتەپ بولسا، مەكتەپتىڭ جانى ءمۇعالىم بولسا، ءمۇعالىمنىڭ قۇرالى وقۋلىق بولسا، وقۋلىقتىڭ باسى وقۋ باعدارلاماسىنان باستالاتىن بولسا، وسى بۇكىل سيكلدى جاساعان كەزدە، بىلەسىز بە قانداي جۇيەمەن جاسالىپ جاتقانىن؟ ال ەندى بۇل جەردە جۇيەنى تۇبەگەيلى وزگەرتۋ كەرەك. جۇيە وزگەرمەي، بۇل داۋ – ەشقاشان تاۋسىلمايتىن داۋ"، - دەدى بەكبولات تىلەۋحان Qazaqstan تەلەارناسىنداعى "اشىق الاڭ" باعدارلاماسىندا.

ال "جۇيەنى كىم وزگەرتۋى كەرەك؟" دەگەن سۇراققا بەكبولات تىلەۋحان حالىقتىڭ ءوزى وزگەرتۋى ءتيىس دەپ جاۋاپ بەردى.