تارازدىقتار ورتالىق «دوستىق»الاڭىندا قۇر سەرۋەندەپ قانا قويماي، قازاقتىڭ ۇلتتىق ويىنى توعىزقۇمالاقتى ويناپ ۇيرەنۋگە مۇمكىندىك الدى.اۋليەاتالىقتارعا «قويشىلار الگەبراسى» اتانعان بۇل ويىن تۇرىنەن بىلىكتى باپكەرلەر ءدارىس بەردى، دەپ جازادى Qamshy.kz اقپارات اگەنتتىگى. 

ورتالىق الاڭدا ورنالاسقان شاتىرلارداعى توعىزقۇمالاق تاقتاسى قويىلعان ۇستەلدەرگە ءدال وسى ويىن تۇرىنە قىزىعۋشىلىعى بار قالا تۇرعىنى مەن قوناعى جايعاسا الادى. ولارعا ويىننىڭ قىرى-سىرىن بىلىكتى باپكەرلەر نۇسقاپ وتىرادى. تارازدىقتارعا ارنالعان توعىزقۇمالاق ءدارىسى 10 كۇنگە سوزىلدى. جاسىراتىنى جوق ەلباسىنىڭ «بولاشاققا باعدار:رۋحاني جاڭعىرۋ»، «ۇلى دالانىڭ جەتى قىرى» ماقالالارىندا قازاق وركەنيەتىنىڭ وزىق ۇلگىسىن زامان اعىمىنا ساي دارىپتەۋ جايى ءسوز بولادى. سول سەكىلدى عاسىرلار بويى ۇشقىر وي مەن اسقان بىلىمدىلىكتى قاجەت ەتەتىن سايىس رەتىندە ۇلتتىڭ ورتاق مۇراسىنا اينالعان توعىزقۇمالاققا قىزىعۋشىلاردىڭ سانى ارتقاندىعى قۋانارلىق جايت.

– تاراز قالاسى مەن قوناقتارىنا توعىزقۇمالاقتى ۇيرەتۋدى ارقىلى ءار جاستاعى ازاماتتارعا ءتول سپورتتىڭ قىر-سىرىن جاقىنىراق تانىستىرۋدى ماقسات ەتىپ وتىرمىز. ءتىپتى ادامنان مىقتى لوگيكانى، ۇشقىر ويدى قاجەت ەتەتىن ويىندى ۇلىقتاپ، ونى حالىقارالىق سپورتقا اينالدىرۋعا دا بولادى. بيىل تۇركيادا توعىزقۇمالاقتان بەسىنشى الەم چەمپيوناتى ءوتتى. ەرەجەسى وتە قاراپايىم ءارى جەڭىسكە ەسەپ ۇشقىر جاننىڭ ەنشىسىنە بۇيىراتىن بۇل ويىندى ويلاپ تاپقان بابالارىمىز شىنىندا وسال بولماعان، – دەيدى وبلىستىق توعىزقۇمالاق قاۋىمداستىعىنىڭ ءتوراعاسى باتىربەك قۇلەكەيەۆ.

راسىندا قازاقتىڭ ءتول ويىنى توعىزقۇمالاققا الىس-جاقىن شەت مەملەكەتتەر وتە جوعارى قىزىعۋشىلىق تانىتادى. بيىل تۇركيادان وتكەن وتكەن بىرىنشىلىك بەسىنشە الەم چەمپيوناتى سانالادى. ءدال وسى بىرىنشىلىكتە الەمنىڭ 19 ەلىنەن ۇمىتكەردىڭ ب ا ق سىناۋى توعىزقۇمالاقتىڭ بىرتە-بىرتە حالىقارالىق سپورتقا اينالىپ كەلە جاتقاندىعىن كورسەتەدى.

نەگىزىنەن توعىزقۇمالاق سپورت ون سەگىز وتاۋدان جانە ەكى قازاننان تۇراتىن ارنايى تاقتادا ءجۇز الپىس ەكى تاستىڭ كومەگىمەن وينالادى. ويىنشىلار ءوز ۇياشىقتارىنداعى تاستاردىڭ رەتتىلىگىن ساقتاي وتىرىپ قارسىلاستىڭ ۇياشىقتارىنان مەيلىنشە كوپ قۇمالاق الۋدى ماقسات ەتەدى. مۇندا شابۋىل جاساۋشىنىڭ سالعان تاسى ۇياشىقتاعى قۇمالاقتار سانىن جۇپ ەتسە ول اۆتوماتتى تۇردە قارسىلاستىڭ قازاندىعىنا وتەدى. سايىستا ءوز قازاندىعىنا 82 جانە ودان كوپ قۇمالاق جيناعان ويىنشا جەڭىسكە جەتكەن بولىپ سانالادى.

ايتا كەتۋ كەرەك ويىننىڭ بۇل ءتۇرىن قازاق ويشىلدارى اراسىندا اباي قۇنانباي ۇلى اسقان قىزىعۋشىلىقپەن ويناعان ەكەن.سونداي-اق تاريحي زەرتتەۋلەر كەزىندە تاسقا قاشالعان توعىزقۇمالاق تاقتاسىنىڭ تابىلۋى قازاق دالاسىندا بۇل ويىنعا دەگەن قىزىعۋشىلىقتىڭ وتە جوعارى بولعانىن كورسەتەدى.