جامبىل وڭىرىندە دەنساۋلىق ساقتاۋ سالاسى ولكەگە كەڭەس ۇكىمەتىنىڭ ورناۋىمەن كاسىبيلەنە تۇسكەن. ءوڭىر تۇرعىندارىنا ساپالى مەديسينالىق قىزمەتتى ۇيىمداستىرۋ ءىسىنىڭ باسىندا ريەۆوليۋسيونەر-فەلدشەرلەر تۇردى. سونىڭ ءبىرى اسكەري فەلدشەر ستەپەن حمەليەۆكيي بولاتىن، دەپ جازادى Qamshy.kz اقپارات اگەنتتىگى.
قازان توڭكەرىسىنەن سوڭ اۋليەاتا ۋەزدىندە كەڭەس ۇكىمەتى ورنادى. وڭىرگە ءتۇرلى سالا ماماندارىمەن بىرگە اسكەري فەلدشەرلەر دە كەلىپ، مۇنداعى دەنساۋلىق ساقتاۋ قىزمەتىن ۇيىمداستىرۋعا اتسالىسقان. ءدال وسى قاتاردان تابىلعان اسكەري فەلدشەر ستەپەن حمەليەۆسكيي 1884 جىلى رەسەيدىڭ ودەسسا قالاسىندا دۇنيە ەسىگىن اشقان. 18 جاسىندا مەديسينالىق كوللەدجدى ءتامامداعان حمەليەۆسكيي ەرىكتى تۇردە تۇركىستان ولكەسىندەگى وباعا قارسى مەديسينالىق بريگادا ساپىن تولىقتىرعان. ارادا 10 جىل وتكەن سوڭ ەلدەگى قوعامدىق ساياسي ءومىردىڭ اعىسىمەن حمەليەۆسكيي اۋليەاتا شاھارىنداعى اسكەري گارنيزوندا مەديسينالىق قىزمەتتى ۇيىمداستىرۋعا تارتىلادى. مۇندا ول بىلىكتىلىگىمەن جوعارى ۇيىمداستىرۋشىلىق قابىلەتىمەن باسشىلاردىڭ كوزىنە تۇسەدى. جاس دارىگەر پاتشالىق ورىس يمپەرياسىنىڭ يدەيالارىنا قارسى باس كوتەرىپ، قازاق ريەۆوليۋسياسىنا قولداۋ بىلدىرەدى. سويتە ءجۇرىپ جەرگىلىكتى جەردەگى ساياسي قىزمەتكە دە ارالاسادى. ول جاس ريەۆوليۋسيونەر تۇرار رىسقۇلوۆتان قولداۋ تاۋىپ اۋليەاتا ۋەزدىك اتقارۋ كوميتەتىنىڭ ءتوراعاسى قىزمەتىنە دەيىن كوتەرىلەدى . كەيىننەن ۋەزدىك دەنساۋلىق ساقتاۋ باسقارماسىنا جەتەكشىلىك ەتىپ، وڭىردەگى دەنساۋلىق ساقتاۋ ءىسىنىڭ جۇمىسىن جۇيەلەندىرۋگە ايانباي ەڭبەك ەتەدى. ستەپان حمەليەۆسكيي دەنساۋلىق ساقتاۋ ىسىنە باسشىلىق جاساپ تۇرعان تۇستا سالادا ءبىرقاتار ىلگەرىلەۋشىلىكتەر بولعانىمەن ساپالى مەديسينالىق قىزمەتتىڭ قولجەتىمدىلىگىن ارتتىرۋدا اۋرۋحانالار مەن ءدارىحانا عيماراتتارىنىڭ تاپشىلىعى، بىلىكتى مامانداردىڭ جەتىسپەۋشىلىگى ءوز اسەرىن تيگىزدى. وسى تۇستا اۋليەاتا العاشقى ايەلدەر امبۋلاتورياسى اشىلدى. بۇل مەكەمە انا مەن بالا ءولىمىن ازايتۋ، انا مەن بالا كۇتىمىن ساقتاۋ ىسىنە ايرىقشا ۇلەس قوستى. اۋىلدىق جەرلەردە دەنساۋلىقتى كۇتىپ-باپتاۋ ىسىنە ناسيحاتتاۋ «قىزىل كيىز ۇيلەردىڭ» ەنشىسىنە ءتيدى.
اۋمالى-توكپەلى زاماندا وڭىردەگى ەڭ كۇردەلى ءارى قيىن سالاعا جەتەكشىلىك جاساعان ستەپان حمەليەۆسكيي 1950 تاراز قالاسىندا دۇنيە سالدى. تارازدىقتار وبلىس مەديسيناسىنىڭ دامۋىنا زور ەڭبەك سىڭىرگەن ماماننىڭ قۇرمەتىنە كوشە اتاۋىن بەردى.
پىكىر قالدىرۋ