بۇگىندە مەملەكەتتىك تۇرعىن ءۇي ساياساتىندا ينفراقۇرىلىمدى دامىتۋدىڭ ماڭىزدىلىڭى ەرەك. جانە قاي سالادا بولماسىن بۇگىندە جەلىلىك جەلىلەر جۇرگىزىلمەي قۇرىلىس باستاۋ قيىننىڭ-قيىنى. بۇنى مەملەكەت باسشىسى قاسىم-جومارت توقايەۆ تا حالىققا ارناعان جولداۋىندا باسا ايتتى. وسى ورايدا جامبىل وبلىسىندا 377 ەلدى مەكەننىڭ 48 پايىزى نەمەسە 181ء-ى گازداندىرىلسا، 2027 جىلعا دەيىن 196 ەلدى مەكەندى گازداندىرۋ جوسپارلانۋدا دەپ جازادى Qamshy.kz اقپارات اگەنتتىگى. ەلدى مەكەندەردىڭ 53،3% نەمەسە 199 اۋىل ورتالىقتاندىرىلعان اۋىز سۋمەن، 174 اۋىل ورتالىقتاندىرىلماعان سۋمەن قامتىلعان. 2023 جىلى وبلىس تۇرعىندارىن 100% تازا اۋىز سۋمەن قامتۋ جوسپارلانىپ وتىر.
«نۇرلى جول» باعدارلاماسى اياسىندا 2019 جىلى 46 جوبا ىسكە اسىرىلۋدا. بۇل ماقساتقا 9،8 ملرد.تەڭگە بولىنگەن (رب- 7،2 ملرد.تەڭگە، وب- 2،6 ملرد.تەڭگە).
بولىنگەن قاراجات بويىنشا 16 شاقىرىم جاڭا جول سالۋ، 6،2 شاقىرىم قايتا جاڭعىرتۋ، 30 شاقىرىم كۇردەلى جوندەۋمەن قاتار 340،5 شاقىرىم جولدار ورتا جوندەۋدەن وتۋدە.
ناتيجەسىندە جىل قورىتىندىسىمەن جاقسى جانە قاناعاتتانارلىق جاعدايداعى جەرگىلىكتى ماڭىزى بار اۆتوموبيل جولدارىنىڭ ۇلەسىن 85%-عا جەتكىزۋ مەجەلەنگەن.
2025 جىلى جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزى بار اۆتوموبيل جولدارىنىڭ ۇلەسى 97،5%-عا جەتكىزىلمەك.
مەملەكەت باسشىسىنىڭ جولداۋى ەلىمىزدىڭ جاڭاشا دامۋىنا جول اشىپ، ءاربىر ازاماتتىڭ ءومىر ساپاسىن ارتتىراتىنى انىق. جولداۋدىڭ تالاپتارىن ورىنداۋ – بارشامىزدىڭ مىندەتىمىز. ءبىزدىڭ ورتاق جەتىستىگىمىز - ءار ازاماتتىڭ كۇش-جىگەرىنە، جوعارى ازاماتتىق بورىشى مەن جاۋاپكەرشىلىگىنە بايلانىستى. ماقساتىمىز ايقىن، مەجەمىز بەلگىلى.
اسىرەسە ينفراقۇرىلىم تارتۋ جۇمىستارىنا بەلسەنە كۇش سالعانىمىز ابزاس. جوعارىدا ايتقانىمىزداي 2023 جىلعا تازا اۋىزسۋمەن قامتىلادى دەپ كوزدەلۋدە. سونداي-اق 2025 جىلدارى رەسپۋبليكالىق جانە وبلىستىق ماندەگى جولدار 97،5 پايىزعا جاڭارتىلماق. ودان بولەك 2027 جىلى 196 ەلدى مەكنە كوگىلدىر وتىنعا قوسىلادى. بۇل دەگەنىڭىز بىرەر جىلدىڭ بەدەرىندە گاز قۇبىرى مويىنقۇم سىندى شالعاي اۋىلدارعا دا جەتەدى دەگەن ءسوز. سوندىقتان مەملەكەت تاراپىنان جاسالىپ جاتقان مۇنداي قامقورلىققا ءدان ريزالىق بىلدىرگەن ءجون. سەبەبى ەگەمەندى ەلىمىزدىڭ، پرەزيدەنتىمىز قاسىم-جومارت
توقايەۆتىڭ ەڭ باستى ۇستانىمى تۇرعىنداردىڭ ساپالى عۇمىر كەشۋى مەن تۇرمىسىنىڭ تۇزەلۋى.
