بۇل تۋرالى قورعانىس مينيسترلىگىنىڭ سايتى حابارلادى.
"21 قىركۇيەكتە توتەنشە جاعداي سالدارىن جويۋ جانە ارنايى جابدىقتالعان پوليگوننىڭ اۋماعىندا (ارىس قالاسىنان 60 شاقىرىم جەردە) جوسپارلى جارۋ جۇمىستارى بارىسىندا ءوق-دارى فراگمەنتىنىڭ وزدىگىنەن جارىلىسى ورىن الدى.
ناتيجەسىندە كەلىسىمشارت بويىنشا ارنايى دايىندالعان 10 ساپەر-اسكەري قىزمەتشى جارقىنشاق جاراقاتىن الدى.
اتالعان اسكەري قىزمەتشىلەر قازاقستان رەسپۋبليكاسى قورعانىس مينيسترلىگىنىڭ دالالىق گوسپيتالىنە جاتقىزىلدى.
ولارعا قاجەتتى مەديسينالىق كومەك تولىق كولەمدە كورسەتىلۋدە. بولعان وقيعانىڭ سەبەپتەرى مەن جاعدايلارىن انىقتاۋ ءۇشىن قاجەتتى ءىس-شارالار جۇرگىزىلىپ جاتىر" دەلىنگەن مينيسترلىك حابارلاماسىندا.
پىكىر قالدىرۋ