مەملەكەت باسشىسىنىڭ جولداۋىنداعى باسىم باعىتتاردىڭ ءبىرى – «قۋاتتى وڭىرلەر – قۋاتتى ەل» جوباسى. بۇل باعىتتا ەڭ ءبىرىنشى جەرگىلىكتى بيلىك ورگاندارى جۇمىسىنىڭ تيىمدىلىگىن ارتتىرۋ مىندەتى تۇر. وسى ورايدا جامبىل وبلىسىندا بيۋدجەتتەن قارجىلاندىرىلاتىن جەرگىلىكتى اتقارۋشى ورگانداردىڭ شتاتتىق بىرلىكتەرىن وڭتايلاندىرۋدىڭ جوباسى ازىرلەندى دەپ جازادى Qamshy.kz اقپارات اگەنتتىگى.  تاراز قالاسى جانە اۋدان اكىمدىكتەرىنە بەكىتىلگەن 2173 شتاتتىق بىرلىكتى وڭتايلاندىرۋ ناتيجەسىندە 742 شتاتتىق بىرلىكتى لاۋازىمىنان تومەندەتۋ جوسپارلانۋدا. بۇل جالپى تومەندەتىلۋگە جاتاتىن 1773 شتاتتىق بىرلىكتىڭ 41،8%-ى.

لاۋازىمى تومەندەتىلەتىندەر ىشىندە 175 شتاتتىق بىرلىك باسشى قىزمەتىندەگىلەر، 567 شتاتتىق بىرلىك ورىنداۋشى قىزمەتىندەگى لاۋازىمدار.

مەملەكەتتىك ورگانداردىڭ جوبا بويىنشا بەكىتىلەتىن جاڭا شتاتتىق قۇرىلىمدارىنا سايكەس، باسشىلىق قۇرام جالپى 18،2%-عا ازايادى (128 شت.بىرلىك) دەپ كۇتىلۋدە.

جوبا بويىنشا وبلىس اكىمدىگىنىڭ باسقارمالارىن 17-گە دەيىن ازايتۋ كوزدەلۋدە (15 باسقارما ءوزارا بىرىكتىرىلىپ، 7 باسقارما بولىپ قايتا قۇرىلادى، 10 باسقارما وزگەرىسسىز قالادى). ناتيجەسىندە، جالاقى تولەمىن ارتتىرۋعا قول جەتكىزۋگە بولادى. سونىمەن بىرگە، تۇرعىندار تاراپىنان جەرگىلكتى بيلىك جۇمىسىنىڭ تيىمدىلىگىن باعالاۋ جۇيەسىن ەنگىزۋ ۇسىنىلۋدا. بۇل حالىق پەن بيلىكتىڭ اراسىن جاقىنداتىپ، جۇمىستى ناتيجەگە باعىتتاۋعا مۇمكىندىك بەرەدى.

بيۋدجەتارالىق قاتىناستار جۇيەسىن رەفورمالاۋدىڭ دا ماڭىزى زور.

بۇل باعىتتا ۇكىمەت قاۋلىسىنا سايكەس جۇمىس جۇرگىزىلەتىن بولادى. باسقارىلاتىن ۋربانيزاسيا جانە ءبىرىڭعاي تۇرعىن ءۇي ساياساتى. وبلىستا تۇرعىن ۇيمەن قامتاماسىز ەتۋ بويىنشا جۇمىستار جولعا قويىلعان.

«نۇرلى جەر» باعدارلاماسى اياسىندا تۇرعىن ۇيلەر مەن ينجەنەرلىك ينفراقۇرىلىممەن قامتاماسىز ەتۋ نىساندارىنا 17،6 ملرد. تەڭگە قارالدى. وسى قارجى ەسەبىنەن 2019 جىلى 30 كوپپاتەرلى تۇرعىن ءۇيدىڭ قۇرىلىسى جۇرگىزىلىپ (28 ءۇي - 2019 جىلى تاپسىرىلۋى ءتيىس، 2 ارەندالىق ءۇي – 2020 جىلعا وتپەلى تاراز-1، قورداي-1)، 24 ينجەنەرلىك ينفراقۇرىلىم جوبالارى ىسكە اسىرىلۋدا (ونىڭ ىشىندە كوپقاباتتى ۇيلەردىڭ ينفراقۇرىلىمى تاراز قالاسى 9 ءۇي 328 ملن.تگ. 22 نىسان- 2019 جىلى تاپسىرىلۋى ءتيىس، 2 نىسان -

2020 جىلعا وتپەلى). جالپى، جىل سوڭىنا دەيىن 2175 ادامدى پاتەرمەن قامتۋ كوزدەلىپ وتىر.

ونىڭ ىشىندە، كرەديتتىك 1 460 پاتەرلى 21 ءۇي (111 175 شم)، ارەندالىق 528 پاتەرلى 7 ءۇي (26 700 شم)، 187 پاتەر كەزەكتەگى كوپبالالى وتباسىلارىنا ساتىپ الۋ.

سونىمەن قاتار، 1 704 گا تۇرعىن ءۇي القابى (8 272 ۋچاسكە) ينجەنەرلىك-كوممۋنيكاسيالىق ينفراقۇرىلىممەن قامتىلماق.

2020 جىلعا 30 كوپپاتەرلى تۇرعىن ءۇيدىڭ قۇرىلىسىن جۇرگىزۋگە بارلىعى رەسپۋبليكالىق بيۋدجەتتەن 11،1 ملرد.تەڭگەگە بيۋدجەتتىك ءوتىنىم ۇسىنىلدى. ونىڭ ىشىندە 17 ارەندالىق ءۇيدىڭ قۇرىلىسىنا 4،9 ملرد.تەڭگە جانە 13 كرەديتتىك ۇيلەردىڭ قۇرىلىسىنا 6،2 ملرد.تەڭگە قاجەتتىلىك ايقىندالدى.