ەكونوميكانى ءارتاراپتاندىرۋ جانە شيكىزات ەكسپورتىنا تاۋەلدىلىكتى ازايتۋ ءۇشىن يندۋستريالاندىرۋ باعىتىنداعى باعدارلامالارعا بارىنشا باسىمدىق بەرۋ قاجەت ەكەنى بەلگىلى. سوندىقتان، بيىل يندۋستريالىق-يننوۆاسيالىق دامۋ باعدارلاماسى اياسىندا كاسىپكەرلىكتى دامىتۋ كارتاسىنا 2 جوبا ەنگىزۋدى جوسپارلانعان. سونىڭ ىشىندە جامبىل وبلىسى جامبىل اۋدانى ءايشابيبى اۋىلدىق وكرۋگىندەگى «سۋپەرفارم» ءجشس-نىڭ «ءبىر رەتتىك مەديسينالىق بۇيىمدار شىعاراتىن زاۋىتىنىڭ كولەمىن كەڭەيتۋ» قۇرىلىسىن ىسكە اسىرۋ جوباسىنىڭ قۇنى شامامەن 3،5 ميلليارد تەڭگەگە جۋىقتايدى دەپ جازادى Qamshy.kz اقپارات اگەنتتىگى. 

جەر كولەمى – 1،5 گەكتار. جوبا جۇزەگە اسقاندا 250 ادام جۇمىسپەن قامتىلاتىن بولادى. ءقازىر قۇرىلىس-مونتاج جۇمىستارى جۇرگىزىلۋدە. قاراشا ايىندا تولىق پايدالانۋعا بەرىلەدى دەپ كۇتىلۋدە. جوبا بۇگىندە وبلىستىڭ يندۋستريالاندىرۋ كارتاسىنا ەنگىزىلدى.

قىسى-جازى ەڭبەكتەنۋدى قاجەت ەتەتىن، بەينەتىنە ساي تابىسقا جەتەلەيتىن نەگىزگى سالانىڭ ءبىرى – اۋىل شارۋاشىلىعى. بۇل سالاعا توقتالساق وڭىردە 2 389 اگروقۇرىلىم جۇمىس جۇرگىزۋدە. ونىڭ ىشىندە 3 وندىرىستىك كووپەراتيۆ، 25 اۋىلشارۋاشىلىق كووپەراتيۆى جانە 2 361 شارۋا قوجالىعى بار. ولاردىڭ ءونىمىنىڭ جالپى شىعارىلىمى – 9 ميلليارد 249،7 ميلليون تەڭگە. وتكەن جىلدىڭ ءتيىستى كەزەڭىمەن سالىستىرعاندا مەجە 116،7 پايىزدى قۇراپ وتىر. وسىمدىك شارۋاشىلىعى بويىنشا 1 ميلليارد 987،4 ميلليون تەڭگەگە ءونىم ءوندىرىلدى. ال مال شارۋاشىلىعىندا وندىرىلگەن ءونىم كولەمى 7 ميلليارد 251 ميلليون تەڭگەگە جەتتى.

قازىرگى ۋاقىتتا كۇن تارتىبىنە قويىلعان باستى ماسەلەنىڭ ءبىرى – جەر يگەرۋ. سەبەبى جەر بوس جاتپاۋى كەرەك. ماسەلەن اۋداننىڭ جالپى جەر كولەمى 430 954 گەكتاردى قۇرايدى. ونىڭ ىشىندە اۋىل شارۋاشىلىعى ماقساتىنداعى جەرلەر 244 999 گەكتار. ەلدى مەكەن جەرلەرى – 28 258 گەكتار. جالپى ەگىستىك جەردىڭ كولەمى 64 189 گەكتار، ونىڭ ىشىندە اۋىل شارۋاشىلىعى ماقساتىنداعى پايدالانۋعا جارامدى ەگىستىك كولەمى 59 163 گەكتار. 1 638 گەكتار كوپ جىلدىق ەكپەلەر بولسا، 9452 گەكتار شابىندىق، 339 315 گەكتار جايىلىمدىق، 16 360 گەكتار بوگدە جەر ۋچاسكەلەرى. سوڭعى ەكى جىل كولەمىندە 8 805،05 گەكتار جەر مەملەكەتتىك جەر قورىنا الىنىپ، 7 866،5 گەكتار جەر كونكۋرس ارقىلى قايتا اينالىمعا قوسىلدى. بۇل باعىتتا دا جۇرگىزىلگەن جۇمىس جاندانۋ ۇستىندە.

قازاق مال شارۋاشىلىعىنا ەرتەدەن بەيىم حالىق. اتا كاسىپتى اردا تۇتقان اۋىلدىقتار بۇل سالانىڭ دامۋىنا ەسەلى ەڭبەگىمەن ۇلەس قوسۋدا. سونىڭ ارقاسىندا بيىل مال ءمۇيىزدى ءىرى قارا سانى 44 806-عا جەتتى. قوي-ەشكى – 250 631 بولسا، جىلقى – 19 244. تۇيە – 118، ءۇي قۇستارىنىڭ – 343 533ء-تى قۇرادى. اۋدان كولەمىندە 6 370 باسقا ارنالعان 13 مال بورداقىلاۋ الاڭدارى جانە 14 تاۋارلى ءسۇت فەرمالارى بار. وسى جىلى 23 974،4 توننا ءسۇت، ءتىرى سالماقتا 4 489،2 توننا جانە سويىس سالماقتا 2 468،5 توننا ەت، 40 036،6 مىڭ دانا جۇمىرتقا ءوندىرىلدى. 2018 جىلدىڭ ءتيىستى كەزەڭىمەن سالىستىرعاندا ءسۇت 102،9 پايىزعا، ەت 105،2 پايىزعا، جۇمىرتقا 116،2 پايىزعا ورىندالدى.