ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ باستى جاڭالىعى لاتىن گرافيكاسىنا نەگىزدەلگەن قازاق جازۋىنا كوشۋ بولعانى بەلگىلى. سايكەسىنشە جامبىل وبلىسى اۋماعىندا بۇل باعىتتا جۇيەلى جۇمىستار اتقارىلىپ كەلەدى. وتكەن جىلى باسقارما تاراپىنان لاتىن گرافيكاسىنا نەگىزدەلگەن قازاق جازۋىن ءتۇسىندىرۋ ماقساتىندا قولعا الىنعان 4 الەۋمەتتىك جوبا اياسىندا 120-دان اسا ءىس-شارالار وتكىزىلىپ، وعان 150 مىڭعا جۋىق ادام قامتىلعان، دەپ جازادى Qamshy.kz اقپارات اگەنتتىگى. 

سونداي-اق وبلىس اكىمدىگىنىڭ تىلدەردى دامىتۋ باسقارماسى جانىنداعى تىلدەردى وقىتۋ ورتالىعىندا «رۋحاني جاڭعىرۋ: لاتىن ءالىپبيى» كابينەتى اشىلعان. بۇل ورتالىق وبلىس تۇرعىندارىنا لاتىننەگىزدى قازاق الىپبيىنە كوشۋ جونىندە ادىستەمەلىك كومەك كورسەتەدى.

–ءبىزدىڭ رەسپۋبليكادا العاشقىلاردىڭ ءبىرى بولىپ ەلباسىنىڭ №637 جارلىعىمەن بەكىتىلگەن لاتىن گرافيكاسىنا نەگىزدەلگەن قازاق ءتىلى ءالىپبيىن ينتەرنەتتىڭ مۇمكىندىگىن پايدالانا وتىرۋعا كوڭىل ءبولدى. سايكەسىنشە جەرگىلىكتى ءتىلتانۋشى، باعدارلاماشى مامانداردىڭ اتسالىسۋىمەن Qazalipbi.kz سايتى ىسكە قوسىلدى. ونلاين وقىتۋ باعدارلاماسى تۇرىندە ازىرلەنگەن بۇل قوسىمشاعا ينتەرنەتتىڭ كەز كەلگەن براۋزەرلەرى مەن سمارت تەلەفوندار ارقىلى كىرۋگە بولادى. بۇل باعدارلامانىڭ تاعى ءبىر ءتيىمدى تۇسى ونىڭ قول جەتىمدىلىگى مەن ۋاقىتى جاعىنان شەكتەۋ بولماۋىندا. ياعني ينتەرنەتى بار كەز-كەلگەن ادام وزىنە ىڭعايلى ۋاقىتتان تەوريالىق، پراكتيكالىق، باعالاۋ بولىمدەردەن قۇرالعان 18 ساباقتى وقي الادى،– دەيدى وبلىس اكىمدىگى تىلدەردى دامىتۋ باسقارماسى باسشىسىنىڭ مىندەتىن اتقارۋشى ءنابيرا ءسۇيمانوۆا.

مۇنان بولەك باسقارما ماماندارى اۋداندار مەن تاراز قالاسىندا «ءتىل جاڭعىرۋى – جاڭا ءالىپبي» اتتى لاتىن گرافيكاسىنا نەگىزدەلگەن قازاق ءتىلى ءالىپبيىن تۇسىندىرۋگە باعىتتالعان 55 سەمينار-ترەنينگ وتكىزگەن.

لاتىن قارپىنە نەگىزدەلگەن قازاق ءالىپبيى مەن جالپىحالىقتىق ديكتانتتى جازۋ ۇيىمداستىرىلدى. بۇل شاراعا 128 مىڭعا جۋىق ادام ءوز ەرىكتەرىمەن قاتىسىپ، جوعارى دايىندىقتارىن كورسەتتى. وبلىس اكىمدىگىنىڭ تىلدەردى دامىتۋ باسقارماسى جانىنان قۇرىلعان جۇمىسشى توپتار اۋداندار مەن تاراز قالاسىندا «قازاق ءتىلى ەملەسىنىڭ نەگىزگى ەرەجەلەرىنىڭ جوباسىن» ءتۇسىندىرىپ، سەمينار-ترەنينگتەر جۇرگىزدى.

ءبىر سوزبەن ايتقاندا جامبىلدىق جۇرتشىلىق ەلباسىنىڭ لاتىن قارپىنە كوشۋ تۋرالى باستاماسىن قىزۋ قولدايدى.