ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنان تۋىنداعان مىندەتتەردى ىسكە اسىرۋ ماقساتىندا مويىنقۇم اۋدانىندا عالىم جازيرا ساۋرىقوۆانىڭ دەمەۋشىلىك ەتۋىمەن جامبىل ورتا مەكتەبىندە «رۋحاني جاڭعىرۋ» ورتالىعى جۇمىسىن باستادى، دەپ جازادى Qamshy.kz اقپارات اگەنتتىگى. 

ەندى اتالعان ورتالىق ارقىلى مەكتەپتە ءبىلىم الاتىن 800 بالا قازاقستان تاريحىمەن بىرگە تۋعان ولكە تاريحىندا جاقىننان تاني تۇسپەك. ويتكەنى مۇندا قازاق حاندىعىنىڭ پايدا بولۋ العىشارتتارى، كەرەي مەن جانىبەك حانداردىڭ باستامالارى، ءدال وسى وڭىردە دۇنيەگە كەلگەن جامبىل جابايەۆ، جازىلبەك قۋانىشبايەۆتاردىڭ ءومىر جولى،ونەگەلى ىستەرى ۇرپاق ساناسىندا جاڭعىرماق. ءوز كەزەگىندە «رۋحاني جاڭعىرۋ» ورتالىعى مەكتەپتەگى ۇرپاق تاربيەسىنە تارتىلعان 160 ۇستاز بەن اۋىل تۇرعىندارعا ارعى-بەرگى تاريحتان مول مالىمەت بەرىپ وتىرادى.

ورتالىق جۇمىسىن مەكيەپ ءمۇعالىمى ءجانيا المەنوۆا جۇرگىزەدى. ول ورتالىقتاعى سوڭعى جاڭالىقتاردى مەكتەپىشىلىك راديو ارقىلى حاباردار ەتىپ وتىرادى. شالعايداعى اۋىل تۇرعىندارى مۇنداي ورتالىقتىڭ ۇرپاق تاربيەسىندە بەرەرى مول ەكەندىگىن العا تارتىپ ونىڭ مەكتەپ جانىندا اشىلۋىن قۇپتايدى.

ايتا كەتۋ ورتالىق جۇمىسىنا دەمەۋشىلىك جاساعان جۇلدىز ساۋرىقوۆا قازاق تاريحى ونىڭ ىشىندە ادەبيەت وكىلدەرى جايىندا عىلىمي ەڭبەكتەر جازىپ، ونداعى تۇشىمدى ويلار مەن پايىمدى پىكىرلەرىن بولاشاق پەداگوگتەردى دايارلاۋ ىسىندە قولدانىپ جۇرگەن وقىتۋشى. بۇگىندە ونىڭ اۆتورلىعىمەن جارىق كورگەن عىلىمي ماقالالاردىڭ جالپى سانى 30-دان اسىپ جىعىلادى. پەداگوگ عالىمنىڭ زەرتتەۋلەر پەداگوگيكا سالاسىنىڭ ەڭ وزەكتى ماسەلەلەرىن تانۋىمەن قۇندى. سوندىقتان بۇل ەڭبەكتەرى جوعارى وقۋ ورىندارى پروفەسسور-وقىتۋشىلارىنىڭ عىلىمي ماقالالارى جارىق كورەتىن وتاندىق جانە شەتەلدىك باسىلىمدارعا جاريالانعان.

مويىنقۇم اۋدانىنداعى جامبىل مەكتەبەنىڭ تۇلەگى رەتىندە جۇلدىز مەيىرحان قىزى ءبىلىم ورتاسىنا ۇنەمى قولداۋ بىلدىرەدى. «مەنىڭشە ەلدىڭ دامۋى، ەكونوميكانىڭ وركەندەۋى، تابىس پەن تۇرمىس ساپاسىنىڭ ارتۋى سىندى ستراتەگيالىق جوسپارلاردىڭ باستاۋىندا ەڭ اۋەلى جاستارعا ساپالى ءبىلىمنىڭ بەرىلۋى تۇرادى. ول ءۇشىن ءبىز ەلىممىزدەگى بارلىق مەكتەپتەرگە وقۋشىلارعا ساپالى ءبىلىم، سانالى تاربيە الۋعا مۇمكىندىك بەرەتىندەي جاعداي جاساۋىمىزى كەرەك»، دەيدى ج.مەيىرحان قىزى.