«Nur Otan» پارتياسى جاريالاعان باستاۋىش ۇيىمداردىڭ ءرولىن ارتتىرۋ، بەلسەندىلىگىن دامىتۋ ماقساتىندا، رەسپۋبليكالىق «ۇزدىك باستاۋىش پارتيا ۇيىمى» بايقاۋى بيىل دا ءوز جالعاسىن تابۋدا. وسىعان وراي «Nur Otan» پارتياسى بايزاق اۋداندىق فيليالىنىڭ عيماراتىندا «ۇزدىك باستاۋىش پارتيا ۇيىمى» بايقاۋىنىڭ ىرىكتەۋ كەزەڭى بولىپ ءوتتى.

ۇزدىك باستاۋىش پارتيا ۇيىمىن انىقتاۋ، ولاردىڭ جۇمىس تاجىريبەسىن بارلىق ايماقتاردا تاراتۋ، پارتيالىق جانە سايلانبالى قىزمەتتەرگە ۇسىنۋ ماقساتىندا بىلىكتى جانە بەلسەندى باستاۋىش پارتيا ۇيىمدارى ءتوراعالارىنان پارتيالىق كادرلاردىڭ رەزەرۆىن قالىپتاستىرۋ جانە پارتيا جۇمىسىنا قوعامداستىقتىڭ نازارىن اۋدارۋ ماقساتىن كوزدەگەن بايقاۋعا وبلىستىق پارتيا فيليالىنىڭ قوعامدىق قابىلداۋ ءبولىمىنىڭ مەڭگەرۋشىسى ءۇمىت يبرايموۆا قاتىستى.

اتالمىش ىرىكتەۋ بايقاۋىن «Nur Otan» پارتياسى اۋداندىق فيليالى ءتوراعاسىنىڭ ءبىرىنشى ورىنباسارى شولپان بايتاقوۆا اشىپ، جۇرگىزىپ وتىردى. بايقاۋ ەرەجەسىنە سايكەس، اۋداندىق پارتيا فيليالىندا ارنايى كوميسسيا قۇرىلىپ، بارلىق باستاۋىش پارتيا ۇيىمدارىنىڭ ءتوراعا - ءتورايىمدارىنا بايقاۋ ەرەجەسى مەن تالاپتارى تولىقتاي ءتۇسىندىرىلدى.

بايقاۋعا قاتىسۋشى باستاۋىش پارتيا ۇيىمدارى ءوز جۇمىستارىن سلايدتار ارقىلى تانىستىردى. كوميسسيا مۇشەلەرى الدىن الا زەردەلەنگەن ءىس قۇجاتتارىنا باعا بەرە وتىرىپ، بايقاۋدىڭ نەگىزگى جەتى كريتەرييلەرىنە توقتالدى. ونىڭ ىشىندە، «بپۇ جەتەكشىسىن باعالاۋ» باعىتى بويىنشا قاتىسۋشىلارعا پارتيانىڭ جارعىسى مەن باعدارلامالىق قۇجاتتارىن بىلۋلەرىن نازارعا الدى. كوميسسيا مۇشەلەرى بايقاۋ ەرەجەسىنىڭ №2 قوسىمشاسى، باعالاۋ ادىستەمەسىنە سايكەس، قاتىسۋشىلار باعالارىن 1-دەن 5-كە دەيىن باللمەن باعالادى. ءاربىر كوميسسيا مۇشەسى باعالاۋ پاراعىن جەكە تولتىردى جانە سوڭىندا ءوز قولدارىن قويىپ، كوميسسيا حاتشىسىنا تاپسىرىپ وتىردى.

ارنايى قۇرىلعان كوميسسيا مۇشەلەرى «ۇزدىك باستاۋىش پارتيا ۇيىمى» بايقاۋىنىڭ ەرەجەسىنە، پارتيالىق جوبالاردى ىسكە اسىرۋى، ىشكىپارتيالىق جۇمىستارى، جاڭا ادىستەردى پايدالانۋى، ازاماتتىق باستامالاردى ىسكە اسىرۋى، باستاۋىش پارتيا ۇيىمى قىزمەتىن بۇقارالىق اقپارات قۇرالدارىندا جاريالاۋى، جاستارمەن جۇمىسى، باستاۋىش پارتيا ۇيىمى جەتەكشىسىن باعالاۋ ادىستەمەسىنە سايكەس جەتى باعىت بويىنشا جۇمىس جۇرگىزىپ، بايقاۋعا قاتىسۋعا ۇسىنىم بىلدىرگەن باستاۋىش پارتيا ۇيىمدارى اراسىنان جەڭىمپازدى انىقتادى. سونىمەن، كوميسسيا مۇشەلەرىنىڭ قابىلداعان شەشىمىمەن مۇشە سانى 100-گە دەيىنگى «قوستوبە»، مۇشە سانى 500-گە دەيىنگى «مادەنيەت ءۇيى»، مۇشە سانى 500 جانە ودان استام پارتيا مۇشەسى بار “دانا” باستاۋىش پارتيا ۇيىمدارى ءبىرىنشى ورىنداردى يەلەنىپ، وبلىستىق ەكىنشى كەزەڭگە جولداما الدى.