«كوكنار» جانە «دوپينگ» جەدەل-الدىن الۋ ءىس-شارالارى شەڭبەرىندە تۇركىستان وبلىسى پد ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى ەسىرتكىنىڭ زاڭسىز اينالىمىنا قاتىستى 62 قىلمىستى تىركەدى. ونىڭ ىشىندە 18 ەسىرتكى زاتتارىن وتكىزۋ جايتى، 3 اسا ءىرى كولەمدە ەسىرتكىنى ساقتاۋ مەن 38 ەسىرتكى وسىمدىكتەرىنىڭ القابى جويىلدى دەپ جازادى  Qamshy.kz اقپارات اگەنتتىگى otyrar.kz سايتىنا سىلتەمە جاساپ. 

پوليسيا قىزمەتكەرلەرىمەن تاركىلەنگەن ەسىرتكىنىڭ جالپى سالماعى 6 تونناعا جۋىق، ونىڭ ىشىندە 5،5 كگ-دان استامى گەروين.

اتالعان ءىس-شارالاردىڭ نەگىزگى ماقساتى ەسىرتكى قۇرالدارىنىڭ زاڭسىز اينالىمىمەن بايلانىستى قىلمىستاردىڭ الدىن الۋ جانە جولىن كەسۋ، كۇدىكتىلەردى ەسىرتكىنى ساقتاۋ مەن وتكىزۋ كەزىندە ۇستاۋ، قۇرامىندا ەسىرتكىسى بار وسىمدىكتەردىڭ زاڭسىز ەگىلۋى مەن ەسىرتكىنى جەتكىزۋ ارنالارىن جانە باسقا دا قۇقىق بۇزۋشىلىقتاردى انىقتاۋ مەن جويۋ بولىپ تابىلادى.

مىسالى، 17 قىركۇيەك كۇنى تۇركىستان وبلىسى پد ەققكب قىزمەتكەرلەرى جەدەل-ىزدەستىرۋ ءىس-شاراسى بارىسىندا سايرام اۋدانىنىڭ تۇرعىنىن ۇستادى. كۇدىكتىنى ءتىنتۋ كەزىندە جەدەل ۋاكىلدەر ماريحۋاناعا ۇقساس وسىمدىك تەكتەس ەسىرتكى زاتىن تاپتى. ودان ءارى ۇستالعان كۇدىكتىنىڭ ۇيىندە تاعى بىرنەشە پوليەتيلەن پاكەتتەر مەن ەسىرتكى وراماسى تاركىلەندى. ساراپتاماعا سايكەس، الىنعان ەسىرتكى زاتتارىنىڭ جالپى سالماعى 5 كگ-دان اساتىن ماريحۋانا بولىپ شىقتى.

اتالعان جايت ق ر قك-نىڭ 296-بابى «ەسىرتكى پسيحوتروپتىق زاتتارمەن، سول تەكتەستەرمەن پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ» جانە 297-بابى «ەسىرتكى پسيحوتروپتىق زاتتاردى سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ تاسىمالداۋ، جونەلتۋ نە وتكىزۋ» بويىنشا سدتبت-عا تىركەلدى. كۇدىكتى قاماۋعا الىندى. سوتقا دەيىنگى تەرگەۋ امالدارى جۇرگىزىلەدى.

سونداي-اق، جەدەل-الدىن الۋ ءىس-شارالارىن جۇرگىزۋ بارىسىندا تۇركىستان وبلىسى پد ەققكب جەدەل ۋاكىلدەرى كەنتاۋ قالاسىنىڭ تۇرعىنىن ەسىرتكى ساقتاۋدا كۇدىكتى رەتىندە ۇستادى. ۇستالعان كۇدىكتىنىڭ ءۇيىن ءتىنتۋ كەزىندە ءتارتىپ ساقشىلارى ماريحۋاناعا ۇقساس وسىمدىك تەكتەس ەسىرتكى زاتى بار ەكى پوليەتيلەن پاكەتتى تاۋىپ، تاركىلەدى. ساراپتاما قورىتىندىسى بويىنشا، تاركىلەنگەن ەسىرتكى زاتى 1 كگ-دان اساتىن ماريحۋانا بولىپ شىقتى.

قازىرگى ۋاقىتتا اتالعان جايت بويىنشا ق ر قك-نىڭ 296-بابى «ەسىرتكى پسيحوتروپتىق زاتتارمەن، سول تەكتەستەرمەن پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ» بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى. پوليسيا قىزمەتكەرلەرى كۇدىكتىنىڭ ەسىرتكىنى قانداي ماقساتپەن ساقتاعانىن، سونداي-اق باسقا دا قىلمىستاردىڭ تولىق ءمان-جايىن انىقتاۋدا.