جامبىل وبلىسىنىڭ توەنشە جاعدايلار دەپارتامەنتىنىڭ جانە تاراز قالاسى توتەنشە جاعدايلار باسقارماسىنىڭ قىزمەتكەرلەرى «قازترانسگازايماق» اق جامبىل وندىرىستىك فيليالىنىڭ مەكەمەسىمەن بىرلەسىپ تاراز قالاسى اۋماعىنداعى تۇرعىن سەكتورلارىندا گاز ساراپتاۋىش ورناتۋدا. اتالمىش شارا «ءورت قاۋىپسىزىدىگى ايلىعى» كەزەڭىندە الداعى جىلىتۋ ماۋسىمى قارساڭىندا ادامداردىڭ قازا بولۋى مەن جاراقاتتانۋىن، سونداي-اق ۋلى گازدان ۋلانۋىن بولدىرماۋ ماقساتىندا قولعا الىنىپ وتىر. جۇرگىزىلگەن جۇمىستار ناتيجەسىىندە بۇگىنگى كۇنگە دەيى 1673 دانا گاز ساراپتاۋىش ورناتىلعان.

تۇرعىن ءۇي سەكتورلارىننىڭ يەلەرى كوپ بالالى وتباسىلار مەن تۇرمىسى ناشار وتباسىلار بولىپ تابىلادى. بۇل باعىتتا گاز ساراپتاۋىش قوندىرعىلارى تۇرعىن سەكتورىندا ورناتۋ جالعاسۋدا. وكىنىشكە وراي، اعىمداعى جىلدىڭ باسىنان تاراز قالاسى اۋماعىندا تابيعي گازبەن ۋلانۋ 3 فاكتىسى تىركەلىپ، ونىڭ ىشىندە 1 ادام تابيعي گازبەن ۋلانىپ قازا بولدى جانە 4 ازامات تابيعي گازدان زارداپ شەكتى.

بۇل رەتتە، تۇرعىن ۇيدە جوعارىدا اتالعان اۆتونومدى سيگناليزاتور نەمەسە ۋلى گاز داچيگىن ورناتۋ ارقىلى ۋلى گازدان ۋلانۋدى الدىن الۋعا بولادى.

سونداي-اق، توتەنشە جاعدايلاردى بولدىرماۋ، ادامداردىڭ ءولىمى مەن جاراقاتتانۋىن الدىن الۋ ماقساتىندا الداعى جىلىتۋ كەزەڭىندە ءورت قاۋىپسىزدىك ەرەجەسىن ساقتاعان ءجون. اتاپ ايتقاندا، ۇيگە، پاتەرگە، ساياجايعا وزدىگىنەن گاز تارتۋعا، گاز جابدىعىن ورناتۋعا، گاز قۇرالدارى مەن تىعىن ارماتۋراسىن اۋىستىرۋعا جانە جوندەۋگە تىيىم سالىنادى. مۇنداي جۇمىستاردى بىلىكتى ماماندار عانا نورمالار مەن ەرەجەلەرگە سايكەس جۇرگىزە الادى. گاز جابدىقتارىنا تەحنيكالىق قىزمەت كورسەتەتىن ماماندار كىرپىشتەن سالىنعان مۇرجالاردى توقسانىنا ءبىر رەت تازالايدى، ال اك پەن سەمەنتتەن جاسالعان جانە مەتالل مۇرجالاردى جىلىنا ءبىر رەت جىلىتۋ كەزەڭىنىڭ الدىندا تازالايدى. جىلىتۋ قۇرالدارىن قوساردىڭ الدىندا مىندەتتى تۇردە مۇرجانىڭ ءتۇتىن تارتۋىن تەكسەرەدى. جەكە ۇيلەردە مۇرجا قاتىپ قالماۋى ءۇشىن قىسقى ۋاقىتتا ونى وراۋ . ىسكە قوسىلعان مۇرجانى كىرپىشپەن، سونداي-اق مۇرجاداعى جاپقىشپەن جابۋعا بولمايدى. مۇرجانىڭ باس جاعىنا قۇس ۇيا سالماۋىنا، سونداي-اق جاۋىن-شاشىن تامباۋىنا ورايلاستىرىلىپ جاسالۋى ءتيىس. گازداندىرىلعان پەشتەر مەن مۇرجالاردىڭ قالانۋى، سىلاعىنىڭ تىعىزدىعى وزگەرگەن، جارىقتار پايدا بولعاندا كەزدە پايدالانۋعا بولمايدى. مۇرجالاردا جانە سۋ جىلىتقىشتىڭ ءتۇتىن شىعاراتىن قۇبىرلارىندا وزبەتىنشە قوسىمشا شيبەرلەر ورناتۋعا تىيىم سالىنادى. تەرەزە، جاليۋزدەر جانە جەلدەتكىش ارنالارى جابىق بولسا، مۇرجالاردا، جەلدەتۋ ارنالارىندا جانە ۆاننا بولمەسىنىڭ ەسىگى استىندا ءتۇتىن تارتاتىن قۋىس بولماعان جاعدايدا گاز قۇرالدارىن قولدانۋعا بولمايدى.