تاراز قالاسىندا جاستارعا قاتىستى ماسەلەلەردى جەرگىلىكتى جەردە كەڭ اۋقىمدى ءتۇسىندىرۋ ماقساتىندا «جاستارعا مەملەكەتتىك باعدارلامالار جانە ءتۇرلى سالالار اياسىندا كونسۋلتاسيالىق الاڭ!» اتتى قالالىق كەڭەس بەرۋ الاڭى ۇيىمداستىرىلدى. شارا قازاقستان رەسپۋبليكاسىنىڭ پرەزيدەنتى ق.توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن جۇزەگە اسىرۋ ماقساتىندا وتكىزىلدى.
تاراز قالاسى اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعى» كوممۋنالدىق مەملەكەتتىك مەكەمەسىنىڭ ۇيىمداستىرعان شارا تاراز تەمىرجول كولىك جانە كوممۋنيكاسيا كوللەدجىندە ءوتتى. جيىننىڭ اشىلۋىنا تاراز قالاسى اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعى» كوممۋنالدىق مەملەكەتتىك مەكەمەسى ديرەكتورىنىڭ ورىنباسارى ابزال ەسىركەپوۆ قاتىستى.
كەڭەس بەرۋ الاڭىندا 14-29 جاس ارالىعىنداعى جۇمىسسىز جاستار، مۇمكىندىگى شەكتەۋلى جاستار، جەكە كاسىبىن اشاتىن نەمەسە كاسىبىن دامىتۋشىلار، ءتۇرلى باعىتتاعى مەملەكەتتىك قولداۋ تەتىكتەرى، تۇرعىن ءۇي، جۇمىسقا ورنالاسۋ، الەۋمەتتىك جانە قۇقىقتىق كومەك قاجەت ەتەتىندەر، جوعارى جانە ورتا ارناۋلى وقۋ ورنىن ءبىتىرۋشى ستۋدەنتتەر، ورتا مەكتەپتى ءبىتىرۋشى تۇلەكتەر ءتۇرلى ماسەلەلەرىنە جاۋاپتار الدى.
كەڭەس بەرۋ الاڭىندا ءبىلىم باسقارماسى، كاسىپكەرلىك پالاتاسى، «حالىققا قىزمەت كورسەتۋ ورتالىعى»، دەنە شىنىقتىرۋ جانە سپورت ءبولىمى، دەنساۋلىق ساقتاۋ باسقارماسى، ىشكى ىستەر باسقارماسىنىڭ جپق، تۇرعىن-جاي كوممۋنالدىق شارۋاشىلىعى، جۇمىسپەن قامتۋ ورتالىعى، ءدىن سەكتورى، پسيحولوگ ماماندارى قالامىزدىڭ تۇرعىندارىنا، ارناۋلى ورتا وقۋ ورىندارىنىڭ ستۋدەنتتەرى مەن مۇعالىمدەرىنە، قالا جاستارىنا كەڭەستەرىن بەردى.
شاراعا بارلىعى 500-دەن اسا جاستار قامتىلدى. قاتىسۋشىلاردىڭ باسىم بولىگى ءوز كاسىبىن باستاۋ ءۇشىن كاسىپكەرلىك پالاتاسىنىڭ مامانىنا، سونىمەن قاتار، جاستار پراكتيكاسى جانە تەگىن كۋرستاردا وقۋ بويىنشا جۇمىسپەن قامتۋ ورتالىعىنىڭ مامانىنا ساۋالدارىن قويدى. سونىمەن قاتار، جاتتىعۋ زالدارى مەن سپورت الاڭشالارى بويىنشا دەنە شىنىقتىرۋ جانە سپورت ءبولىمىنىڭ مامانىندارى، كوللەدجدى اياقتاعان سوڭ جوعارى وقۋ ورنىنا ءتۇسۋ بويىنشا ءبىلىم باسقارماسىنىڭ مامانى، جات اعىمداردان ساقتانۋ جولدارى تۋرالى ءدىن سەكتورى مامانى تىڭعىلىقتى جاۋاپتارىن بەردى. ال، جەكە ماسەلەلەر بويىنشا جاستار پسيحولوگ مامانىننان كەڭەس الىپ، ستۋدەنتتەرگە ارنالعان جول ءجۇرۋ بيلەتتەرى بويىنشا تۇرعىن-جاي كوممۋنالدىق شارۋاشىلىعى مامانى تۇسىنىكتەرمە بەردى.
