اۋليەاداداعى مەكتەپ وليمپيادالارىن جانە مەكتەپتەن تىس ءىس-شارالاردى وتكىزەتىن وبلىستىق ورتالىقتا «ءوز ولكەڭنىڭ تاريحىن بىلەسىڭ بە؟» اتتى بايقاۋ ءوتتى.

جامبىل وبلىسى اكىمدىگى ءبىلىم باسقارماسىنىڭ ۇيىتقى بولۋىمەن وتكەن شارا «رۋحاني جاڭعىرۋ» باعدارلاماسى اياسىندا ۇيىمداستىرىلدى. باسەكەگە 8-10-سىنىپ وقۋشىلارى اراسىندا اۋداندىق، قالالىق بايقاۋلاردىڭ جەڭىمپازدارى قاتىسىپ، ءوزارا وي جارىستىردى. جيىننىڭ اشىلۋ سالتاناتىندا وبلىستىق ءبىلىم باسقارماسىنا قاراستى وبلىستىق وقۋ-ادىستەمەلىك كابينەتى باسشىسىنىڭ ورىنباسارى بيگەلدى تاجىبايەۆ شارانىڭ ماقساتى وقۋشىلاردىڭ تۋعان ولكە تاريحىن بىلۋگە دەگەن تانىمدىق قىزىعۋشىلىقتارىن ارتتىرۋ، زەرتتەۋشىلىككە ىنتالاندىرۋ ەكەندىگىن جەتكىزىپ، قاتىسۋشىلارعا ساتتىلىك تىلەدى.

– قازاقستاننىڭ دامۋىندا، ونىڭ رۋحاني نىعايۋىندا ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كورسەتىلگەن «رۋحاني جاڭعىرۋ» باعدارلاماسىن ىسكە اسىرۋ ۇلكەن ماڭىزعا يە. باعدارلامانىڭ «قازاقستاننىڭ كيەلى جەرلەرى» باعىتىندا «مادەني-گەوگرافيالىق بەلدەۋ» تۋرالى، وسى بەلدەۋدىڭ ءرولى مەن وعان ەنەتىن ورىندار تۋرالى، جات يدەولوگيالاردىڭ اسەرىنەن قورعانىس رەتىندە، ۇلتتىق ماقتانىش رەتىندە ءاربىر قازاقستاندىق ءبىلۋى ءۇشىن وقۋ-اعارتۋ دايىندىعىن جۇرگىزۋ قاجەتتىگى تۋرالى ايتىلعان. وسى ورايدا وبلىس اكىمىنىڭ حاتتامالىق تاپسىرماسى دا بار، – دەدى ب.تاجىبايەۆ.

مۇنان سوڭ بىلىمدەرىمەن وزا شاۋىپ، كوپتىڭ ىشىنەن ىرىكتەلىپ كەلگەن وقۋشىلار بايقاۋدىڭ العاشقى «ءوز ولكەڭنىڭ تاريحىن بىلەسىڭ بە؟» اتتى كەزەڭىن باستاپ كەتتى. وندا قاتىسۋشىلارعا ءوڭىردىڭ تاريحى تۋرالى تەست تاپسىرمالارى بەرىلدى. سونداي-اق شارانىڭ قورىتىندى «تۋعان ولكە – تۇنعان تاريح» اتتى ەكىنشى بولىمىندە وقۋشىلار زەرتتەۋ جۇمىستارىن ۆيدەوپرەزەنتاسيا ارقىلى جەتكىزدى. ءوز كەزەگىندە قاتىسۋشىلاردىڭ بىلىمىنە م.ح.دۋلاتي اتىنداعى تارمۋ «قازاقستان تاريحى» كافەدراسىنىڭ دوسەنتى سەيداحان باقتورازوۆ پەن تارمپۋ «قازاقستان تاريحى» كافەدراسىنىڭ اعا وقىتۋشىسى باعىمكۇل قوزىكەيەۆا وزىندىك باعالارىن بەرىپ وتىردى.

جالپى بايقاۋ بارىسىندا وقۋشىلار وبلىس اۋداندارى مەن تاراز قالاسىنىڭ تاريحي-مادەني نىساندارى، ارحەولوگيالىق ەسكەرتكىشتەرى، وبلىس تاريحى، تۋعان ولكەدەن شىققان تانىمالى ساياسي جانە قوعام قايراتكەرلەرى، اقىن-جازۋشىلار، عالىمدار، سپورتشىلار، تاريحي وقيعالار جايلى بىلىمدەرىن كورسەتىپ، عىلىمي ىزدەنىس جۇمىستارىنىڭ ناتيجەسىمەن ءبولىستى.

بايقاۋ ناتيجەسى بويىنشا ءى ورىندى تاراز قالالىق №30 مەكتەپ-گيمنازياسىنىڭ 10-سىنىپ وقۋشىسى ديليارا اتىربايەۆا ەنشىلەدى. جامبىل اۋدانى ب.مومىش ۇلى اتىنداعى مەكتەپ-گيمنازياسىنىڭ 10-سىنىپ وقۋشىسى ەركەماي قايرات پەن شۋ اۋدانى م.اۋەزوۆ اتىنداعى ورتا مەكتەپتىڭ 9-سىنىپ وقۋشىسى اياجان نۇرماحان ءىى ورىندى ءوزارا ءبولىستى. ت.رىسقۇلوۆ اۋدانى ب.مومىش ۇلى اتىنداعى ورتا مەكتەپتىڭ 9-سىنىپ وقۋشىسى سابينا بەكق ۇلى، سارىسۋ اۋدانى ج.وتاربايەۆ اتىنداعى ورتا مەكتەپتىڭ 9-سىنىپ وقۋشىسى

اياۋلىم جاڭاباي جانە شۋ اۋدانى ش.ءۋاليحانوۆ اتىنداعى ورتا مەكتەپتىڭ 10-سىنىپ وقۋشىسى ءىنجۋ مۇقاتاي جۇلدەلى ءىىى ورىنعا قول جەتكىزدى.