ەلباسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا الداعى ۋاقىتتا مۇمكىندىگى شەكتەۋلى تۇلعالارعا ارنالعان «كەدەرگىسىز ورتا» قالىپتاستىرۋعا ايرىقشا كوڭىل ءبولىنىپ، ناقتى مىندەتتەر جۇكتەگەن بولاتىن. بۇل باعىتتاعى جۇمىستار جامبىل وبلىسىندا دا جۇيەلى جۇزەگە اسۋدا.

جالپى اعىمداعى جىلى مۇمكىندىگى شەكتەۋلى ازاماتتاردى وڭالتۋ ماقساتىندا وبلىستىق بيۋدجەتتەن 793، 6 ميلليون تەڭگە قارجى ءبولىنىپ، 7 342 مۇگەدەك ءتيىستى وڭالتۋ قۇرالدارىمەن قامتاماسىز ەتىلگەن. بۇدان بولەك، وبلىس بويىنشا 2 138 مۇگەدەك ەمدەۋ-ساۋىقتىرۋ شيپاجايلارىنا جولدامالارمەن قامتىلعان. سونىمەن قاتار، تاراز قالاسى مەن اۋدان بيۋدجەتتەرىنەن 1229، 2 ميلليون تەڭگەگە 8 320 مۇگەدەك الەۋمەتتىك كومەكپەن قامتىلۋدا. مۇگەدەكتەردىڭ ءومىر ساپاسىن جاقسارتۋ ماقساتىندا 2020 جىلعا وبلىستىق بيۋدجەتتەن 741،5 ميلليون تەڭگە قارجى ءبولىنىپ، 6 416 مۇگەدەكتى قاجەتتى تەحنيكالىق ورنىن تولتىرۋشى وڭالتۋ قۇرالدارىمەن جانە ەمدەۋ-ساۋىقتىرۋ شيپاجايلارىنا جولدامالارمەن قامتۋ جوسپارلانۋدا. سونداي-اق 490 قيىن ومىرلىك جاعدايعا تاپ بولعان ازاماتتارعا ۇكىمەتتىك ەمەس ۇيىمدار ارقىلى ارناۋلى الەۋمەتتىك قىزمەتتەردى ۇسىنۋ ماقساتىندا 79،1 ميلليون تەڭگە قارجى ءبولۋ جوسپارلانۋدا. ياعني بۇگىندە جامبىل وبلىسىنداعى 45 235 مۇگەدەك جاننىڭ (1ء-شى توپتاعىلار – 4 135، 2ء-شى توپتاعىلار – 18 422، 3 توپتاعىلار – 16 376 ادام، ال 18 جاسقا دەيىنگى مۇگەدەكتەر سانى 6 302) قۇقىعى مەن الەۋمەتتىك قورعالۋىن قامتاماسىز ەتۋ ءوڭىردىڭ الەۋمەتتىك ساياساتىنىڭ ماڭىزدى باعىتتارىنىڭ بىرىنە اينالىپ وتىر.

ايتا كەتۋ كەرەك، «Nur Otan» پارتياسىنىڭ «كەدەرگىسىز كەلەشەك» پارتيالىق جوباسى اياسىندا اۋليەاتا وڭىرىندە بىرنەشە باعىتتا اۋقىمدى جۇمىستار اتقارىلىپ جاتىر. وسى ورايدا كۇنى كەشە عانا «Nur Otan» پارتياسى وبلىستىق فيليالىنىڭ ۇيىمداستىرۋىمەن وتكەن مۇمكىندىگى شەكتەۋلى ازاماتتارعا ارنالعان بوس جۇمىس ورىندارىنىڭ جارمەڭكەسىن ايرىقشا اتاپ وتۋگە بولادى. جارمەڭكەدە 24 جۇمىس بەرۋشى مەكەمەلەردەن 70 ماماندىق بويىنشا 166 جۇمىس ورنى ۇسىنىلدى. نەگىزى اتالمىش جارمەڭكە پارتيا فيليالىنىڭ ۇيىتقى بولۋىمەن جىلىنا ەكى مارتە وتكىزىلىپ تۇرادى.

جامبىل وبلىسى اكىمدىگى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى تيمۋرجان نۇرىمبەتوۆتىڭ ايتۋىنشا، مۇمكىندىگى شەكتەۋلى ازاماتتاردى جۇمىسپەن قامتۋ جوسپارى دايىندالىپ، سوعان سايكەس 2019 جىلى 545 ادامدى جۇمىسپەن قامتۋ جوسپارلانعان. اعىمداعى جىلىڭ 1-قىركۇيەگىنە دەيىن جۇمىسپەن قامتۋ ورگاندارى ارقىلى رەسپۋبليكالىق جانە جەرگىلىكتى بيۋدجەتتەر ەسەبىنەن 663 مۇگەدەك جۇمىسپەن قامتۋدىڭ بەلسەندى شارالارىنا تارتىلعان. ولاردىڭ 219-ى تۇراقتى 310ء-ى ۋاقىتشا جۇمىسپەن قامتىلدى. سونداي-اق 134 مۇگەدەك كاسىپتىك ءبىلىم الۋعا جولداما العان.