«Nur Otan» پارتياسى تاراز قالالىق فيليالىنىڭ كەزەكتەن تىس ححVءىىى كونفەرەنسياسى ءوتتى. كونفەرەنسياعا «Nur Otan» پارتياسى جامبىل وبلىستىق فيليالى ءتوراعاسىنىڭ ورىنباسارى شابدەن تىلەۋمۇرات ، «Nur Otan» پارتياسى تاراز قالالىق فيليالى ساياسي كەڭەسى مەن ساياسي كەڭەسى بيۋروسىنىڭ، پارتيالىق باقىلاۋ كوميسسياسى مەن سىبايلاس جەمقورلىققا قارسى ىس-ارەكەت جونىندەگى قوعامدىق كەڭەستىڭ مۇشەلەرى، پارتيانىڭ وبلىستىق جانە قالالىق ءماسليحاتتاعى دەپۋتاتتىق فراكسياسىنىڭ مۇشەلەرى مەن باستاۋىش پارتيا ۇيىمدارىنىڭ ءتوراعالارى، قالا اكىمدىگىنىڭ بولىمدەرى مەن مەملەكەتتىك ورگاندارىنىڭ جانە كاسىپورىنداردىڭ باسشىلارى قاتىستى.

كونفەرەنسياعا سايلانعان 190 دەلەگات كۇن تارتىبىنە قويىلعان ءۇش ماسەلەنى قارادى. اتاپ ايتقاندا، دەلەگاتتار قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنان تۋىندايتىن مىندەتتەردى، «Nur Otan» پارتياسى تاراز قالالىق فيليالىنىڭ ءتوراعاسىن سايلاۋ جانە «Nur Otan» پارتياسى تاراز قالالىق فيليالى ساياسي كەڭەسىنىڭ قۇرامىنا وگەرتۋلەر ەنگىزۋ ماسەلەلەرىن قارادى.

كۇن تارتىبىندە تۇرعان 1ء-شى ماسەلە بويىنشا پارتيا تاراز قالالىق فيليالىنىڭ ءتوراعاسى، تاراز قالاسى اكىمى قايرات اسكەربەك ۇلى دوسايەۆ باياندادى. جانە تاقىرىپقا بايلانىستى «Nur Otan» پارتياسى تاراز قالالىق فيليالى ساياسي كەڭەسىنىڭ مۇشەسى، «جامبىل-تاراز» گازەتىنىڭ ديرەكتور-باس رەداكتورى، دەلەگات ەلميرا ينيات قىزى مىرزا-عالي، «Nur Otan» پارتياسىنىڭ تاراز قالالىق ءماسليحاتىنداعى دەپۋتاتتىق فراكسياسى جەتەكشىسىنىڭ مىندەتىن اتقارۋشى، جامبىل وبلىستىق «رۋحاني جاڭعىرۋ» جوبالىق ءوفيسى مەكەمەسىنىڭ باسشىسى سەرىكبول بەرىكقوجا، «قۇمشاعال» باستاۋىش پارتيا ۇيىمىنىڭ ءتورايىمى ءماريام ايتبەكوۆا جارىسسوزگە شىعىپ ءسوز سويلەدى. سونداي-اق، «Nur Otan» پارتياسى جامبىل وبلىستىق فيليالى ءتوراعاسىنىڭ ورىنباسارى شابدەن تىلەۋمۇرات تا تۇسىندىرە كەتتى.

كەلەسى كەزەكتە كۇن تارتىبىندەگى ەكىنشى ماسەلەنى، ياعني «Nur Otan» پارتياسى تاراز قالالىق فيليالىنىڭ ءتوراعاسىن سايلاۋ ماسەلەسى قارالدى. اتالعان ماسەلە بويىنشا «Nur Otan» پارتياسى جامبىل وبلىستىق فيليالى ءتوراعاسىنىڭ ورىنباسارى شابدەن تىلەۋمۇرات پارتيا تاراز قالالىق فيليالىنىڭ ءتوراعاسى بولىپ قايرات اسكەربەك ۇلى دوسايەۆتى سايلاۋ ۇسىنىسىن ءبىلدىردى. دەلەگاتتار ورتاعا سالىنعان ۇسىنىستى ءبىراۋىزدان قولداپ، داۋىس بەردى.

سونان سوڭ كۇن تارتىبىندەگى ماسەلە قازاقستان رەسپۋبليكاسىنىڭ پرەزيدەنتى ق. توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنان تۋىندايتىن مىندەتتەر تۋرالى پارتيا تاراز قالالىق فيليالىنىڭ ءتوراعاسى، قالا اكىمى قايرات اسكەربەك ۇلى دوسايەۆ بايانداما جاسادى.